Thursday, January 25, 2007

بيان الفتوح

بيان رقم 1
يستطلع قلبي خلف خطوطك
خلف العينين السوداوين المجرمتين
الساحرتين الساخرتين الشاحبتين
ودليلي هرِم ليليٌّّ.. بدويٌّ يسعى في خوفٍ
ويوزع في أرض بني عامر
منشوري الأول في عينيك الواسعتين

بسم القلب
من عبد الله المارق
لإمبراطورة قلبي الخافق
في هذا العصر الميمون
أعلن أني في حالة حب مع عينيك الواسعتين الصافيتين السوداوين كزهر القلب
وأنا مجنون
آخر مجنونٍ في البلدة
نوعي منقرض مولاتي
وأنا في أروع حالاتي
فخذيني الآن

بسم الرحمة
كفي عن كشكشة العين

بسم الرب العاشق
والعشق الخارق
اقتربي مني حتى أقرأ في عينيك هزيمة روما
حدثٌ جللٌ.. أن يبكي السيد نيرون
وجهي بللٌ.. وبلاطي زللٌ.. وثقابي رطبة
فلتأذن لي يا شعب عيونك أن أتنبا
لن تُحرق روما هذا العام
لن تحرق حبة

توقعات عسكرية
أتوقعُ
أن يقع القلب في الأسر.. أن تسلبيني مفاتيح عقلي
وأن تملكيني على رغبتي في التفتح
فاملكيني
كما يملك الطير أعشاشهُ
وكما تملك الريح أجنحة الطيرِ
وكما يملك البحر ريح المدن
وكما يملك القمر الشَجَريّ البحار
وأنا أتوقعُ
أن أستطيع امتلاك القمر
والبحار
ورياح المدن
والطيور الطليقة
فاسمحيلي
أن أرشق الآن لافتتي وأربي اليماما
وأشمر في فرح ساعديّ لكيما أخضّر فيكِ
وأختصر الحكم فيكِ
على رغبتي في الإقامة

23 comments:

Egyptians in the UK said...

حميلة...ميزة العمل الفنى الراقى...انه من الممكن ان يرى بزوايا مختلفه...فكانت رؤيتى للقصيده هى المحبوبه الدائمة التى لا تجئ و لا تلبى...بلدى
مع تحياتى

nawa3em said...

hi khaled el qaseeda helwa awy- very metaphoric and also quite different from your previous work -thankyou for sharing it with us.

Anonymous said...

بلغت فى وصفك أقصى درجات الحب
ماعنديش حاجه تانيه اقولها

Unknown said...

مساء الفل يا جنرال
قرأت المجموعة الأخيرة، بس قلت أعلق هنا على آخر قصيدة
قبل التعليق أنا موافقة إلى حد كبير في حرية كسر القوالب، ده بشكل عام، لكن ومع إني بأحب لفظ القلة العامي وبأحب القلة نفسها بس إلى حد ما حاسس إن الكلمة كان ممكن استخدام بديل لها بالفصحى
عموما ده احساسي يا زعيم، ما هواش نقد ولا حاجة، لأني في النهاية من ناحية النقد غير متخصص

نيجي بقى للمجموعة الأخيرة
حابب أعلق على نقطتين، من وسط حاجات كتير تستاهل التعليق والوقوف عندها
النقطة الأولى هي العناوين، الحقيقة شيء بديع فعلا، تمهيد بمفردات توحي بالحرب والمعارك، ثم محتوى منصب في نصاريف العشق، ده استهلال جميل وجديد منك، وبالمناسبة علشان كده قلت لك يا جنرال
النقطة الثانية مهمة قوى بالنسبة لي، على حسب ما استقبلتها
فيها ذكاء فعلا وحيلة بديعة
في فقرة توقعات عسكرية
فأملكيني
"هنا تمهيد لفخ"
كما يملك الطير أعشاشه
وكما تملك الريح أجنحة الطير
وكما يملك البحر ريح المدن
وكما يملك القمر الشجري البحار
ورياح المدن
والطيور الطليقة

إيه كل الفخاخ دي يا جنرال
هذا كلام عاشق محنك
ومسكينة الأميرة التي تغزل حولها هذه الشباك
وكأنك تنصبها أميرة على فص خاتمك
وكأنك تقول لها املكيني
أنا المستحيل امتلاكه
بديع يا جنرال

عسل مرمر said...

اسلوبك شدنى اوى
حلو أوى الربط بين القوه و الضعف فى فكرة الإمتلاك

frozen love said...

رغم اني كنت مشغول قوي الفترة اللي فاتت..اكن استوقفني حاجات حلوة كتير في مدونتك

وأنا مجنون
آخر مجنونٍ في البلدة
نوعي منقرض مولاتي
وأنا في أروع حالاتي
فخذيني الآن

جميل قوي الجزء ده..وفكرة الترجمة في التدوينات السابقة هايلة..لانها حصلت معايا واحتجتها لما زارتني واحدة من بلاد الخواجات
lol

الخبز و الحرية said...

رجازة ازيك؟ انا شايف ان كل امرأة ليها جمال خاص بيها كلها على بعضها مش بس عينيها بقدر أنوثتها ودفئها. وشايف ان عيون المرأة مهمة جدا لأنها بتتكلم .. وهي بتتكلم لتعويض حواجز اجتماعية بتقيدها .. مثلا.. لما راجل بتعجبه واحدة ست بيركز حيقول لها ايه عشان يقربها منه، لكن لما بيحصل العكس بتكون أداتها الرئيسية هي نظرتها اللي بتحمل له رسالتها.
اما موضوع الثقة في الست او الراجل فانا بكره التعميم لأنه مضلل.
مصري في بريطانيا شكرا جزيلا زتيجي بالسلامة:)
شكرا نواعم.. انا بحاول ما أكررش نفسي بس دايما عندي حاجات ملحة كده بتنتصر عليا ساعات وتفلت لوحدها:)
عزيزتي وينكي البق ده كبير عليا:) شكرا.
عزيزي طارق انا مقدر احساسك بأنه فيه حاجة زي ما تكون نشزت فجأة وخصوصا لأنها لم تتكرر بحيث تخلق خطا ولكنها ظلت نقطة منفصلة، بس بقية العمل فيه ألفاظ عامية وأفرنجية كمان، وعلى كل دي من النقط اللي تخضع للتأمل من كلا الجانبين المتعارضين وبحييك على حسن اختيارك للعبارات اللي بتشرح أفكارك لأن ده بيثري الحوار وبيفيدني قوي.
شكرا باربي:) انا عموما من اشد المؤمنين بضرورة التناقض لحفظ الحياة وتطورها، وده مش بس اقتناع عقلاني، ده ايمان يملأ وجداني كله وعشان كده حتلاقي تناقضات من هنا لأسوان:)
فروزن بالضبط كده.. من فترة عدت واحدة بطريق الخطأ وسابت لنا تعليق بيقول انها سكندنافية على ما اذكر ومش فاهمة هي جت فين لكن بتحيينا، ورديت عليها شارحا لها نبذة سريعة عن مدونة الخبز والحرية، ثم فكرت .. ليه ما أحطش بين الحين والآخر حاجة مترجمة؟ انا اتمنى طبعا اني اكون متواصل مع كل الناس متجاوزا معهم اختلاف القوميات واللغات .. بس:)

abeermedhat said...

مساء الخير عليكم جميعاً .. ومساء الفل يا خالد ..
الحقيقة المره دي مش حعلق على الكتابه .. عشان فيه موضوع عايزه أسألك عليه ...
لسه شايفه حلقه من المسلسل االلي بيجسد شخصية سعاد حسني .. والحقيقة لأني من أشد معجبين جاهين قلبي اتقطع لما شفت حاله اكتئابه وموته ...
أنا عارفه طبعا ان جاهين كان سبب اكتئابه مش فن وبس ..
إنما ليه الفنان أكتر إنسان عرضه للتعب النفسي .. حقيقي الفنان بيتعذب والفن اللي بيطلعه دا دم وأعصاب حتى الفن الهابط برضه بياخد وقت وفيه مجهود ...
أنا لي صديق فنان قاللي أنا بعذر الفنانين اللي بيتجهوا إلى المخدرات لأن مطلوب منه إنه يبقى هادي وكويس طول الوقت وفي الآخر هو بشر من لحم ودم وأعصاب ...
تفتكر دا فعلا عادي لأي فنان ... ولا هي معادلة مابين شخصية كل واحد وكيفية تأقلمه مع الناس ولا هى الحسبة ايه ..
أشكرك ..

كائن العزلة الكئيب said...

أنا شايف أن تميثلك أحلى من شعرك أنا من المعجبين بتمثيلك (ده إذا كنت هو فعلا ) أعذرنى شكرا

يا قلبي يا غريب said...

بسم الرب العاشق
والعشق الخارق...........وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللّهِ وَآيَاتِهِ وَرَسُولِهِ كُنتُمْ تَسْتَهْزِئُونَ [التوبة : 65] ليس الله سبحانه و تعالي عاشق..اكتب كما تريد.. و اكلم ان الكتابه هي القول.و ربنا يهدينا و اياك.

^ H@fSS@^ said...

قيل في بنت ما
السيف في غمده تخشى بواتره
و سيف عينيك في الحالين بتار

سلام

حفصة

Unknown said...

رائع دا ئماً
كما عودتنا
غير ان لى بعض التحفظ بخصوص تحطيم التابوه الدينى
رغم انك لم تتعمق في هذا الأمر
تحياتى

Anonymous said...

شويه تبقى معانا
وشويه تختفى وماحدش يعرف عنك حاجه
خير ان شاء الله؟

أحمد شعبان said...

خالد انته قيمة رائعة

maf2ou3a said...

enta feen ya khaled
we miss u

msafa said...

الاستاذ الكبير خالد ...
احيك واتشرفت انى اعلق هنا فى مدونتك
رائع انك تكون فنان على كل المستويات نفسى اشتغل معاك بس ما باليد حيله

الخبز و الحرية said...

مساء الفل جميعا
بيرا لا أرى الفنان شخصا متميزا بل أرى أن كل شخص مشروع تميز.. يصادفه أو لا يصادفه النجاح على حسب قوته الذاتية وإمكانيات البراح الاجتماعي حوله.. صلاح جاهين فنان استثنائي طبعا خصوصا في شعره ولكنه من النمط الوجداني الذي يمكن أن يصاب بالاكتئاب العنيف دوريا ولكني شايف ان السبب القاتل في حالته هو هزيمة 67 بعد أن راهن على الثورة وشعاراتها بكل وجدانه.
أما المخدرات فلا علاقة بينها وبين الابداع وانتشارها غير قاصر على الحقل الفني والأدبي، كثير من رجال الشرطة والطلبة والعمال والفلاحين والمهنيين يحششون مثلا وهو ما يجعلنا نفكر بالأحرى في أسباب تغلغل الحشيش في المجتمع المصري ككل لا في فئة بعينها كما يفعل الإعلام السطحي. وبشكل عام صورة الفنان الذي يضحي بأعصابه ودمه من أجل فنه صورة مرتبطة بالعصر الرأسمالي الذي خلق نوعين من الفنانين.. المتوافق مع النظام العام وسيطرة أرباح المستثمرين، والمتمرد عليهما.. الأول يلقى كل رعاية والآخر يلقى كل المعوقات.
كائن العزلة الكئيب ده حقك طبعا واشكرك على انك معجب بتمثيلي ويؤسفني طبعا انك ماتحبش كتابتي.. أتمنى أن تصادفك كتابة لي تكون أفضل. تحياتي.
قلبي يا غريب هناك ما لا يؤخذ بحرفيته، الله لا يعشق بمعنى أن له معشوقا ولكنه عاشق بمعنى أنه طاقة الحب الأولى للكون وللإنسان.. وأنت لا تحتاج للتبشير بالإسلام بين مسلمين بل تحتاج أن تعطي مثلا في سعة الأفق ورحابة الخيال قبالة الهجمة الشرسة على الدين الحنيف. هذا رأيي.و ربنا يهدينا و اياك.
ابو أمل شكرا ولكني لا أسعى لهذا.. فحربنا على الأرض مع الطغاة لا مع السماء.
وينكي ومفقوعة كلكم وحشتوني والله بس لما بختفي بكون بعمل حاجة والله وبرجع على طول.. تحياتي:)
احمد شعبان الف شكر ده كلام كبير علي:)
مسافة الف شكر انا ايميلي ksawy@soficom.com.eg
اي حد عاوز يبعتلي فكرة او السي في الخاص به يتفضل اهلا بيه وبيها.
القيسي ان شاء الله والف مبروك.

Mahmoud said...

جميلة ياعم خالد.. لأ جميلة دي مش كفاية.. هي أكتر من جميلة..

ibn nasser - ابن ناصر said...

حلو قوي قوي وأنا علي فكره أول مره أدخل مدونتك وهي رائعه
http://ibnasser.blogspot.com

BinO said...

هو حضرتك عايش فين
وأيه هو رب ال....
هذا الكلام لا يجوز
يعني حتي كلامنا نأخد بالنا منه حتي لو كنا منقصدهوش
وهدانا الله و أياكم أجمعين

Zika said...

بسم القلب
من عبد الله المارق
لإمبراطورة قلبي الخافق
في هذا العصر الميمون
أعلن أني في حالة حب مع عينيك الواسعتين الصافيتين السوداوين كزهر القلب
وأنا مجنون
آخر مجنونٍ في البلدة
نوعي منقرض مولاتي
وأنا في أروع حالاتي
فخذيني الآن
الله عليك
الله عليك يا استاذ

Rushdy Kamel said...

استاذي الفنان خالد
مش عارف اقول ايه
انا عارف اني جاي متأخر بس انا لسة عارف البلوج النهاردة
ايه الكلام ده والتعبير ده
ايه الصور البلاغية دي
ايه الملحمة الشعرية دي
اقبل مروري

رشدي

Anonymous said...

انابتعجبنى كتاباتك كلها بحس كدة ان فيها عمق غريب مش موجود عن حد دلوقتى و خصوصا جيل ما بعد اكتوبر 73 ضايعين كدة و مشوشين اوى و عندهم (اقصد عندنا بما انى بنتمى للجيل ده) ضحالةفى كل حاجة الافكار و المشاعر انا كمان كئيبة زى صلاح جاهين و و لنفس السبب بس هو و انت بجد يا بختكوا انتوا عشتوا مصر اللى بجد لكن احنا فى زمن الانقاض و للاسف احنا اللى خليناها انقاض بلد يمكن اه لينا اسبابنا بس مهما كانت الاسباب دى فهى برده مش مبرر للى بنعمله او بمعنى اصح للى مش بنعمله للبلد دى عموما عجبتنى اوى مجموعة نبى بلا اتباع بس مقدرتش افهم حفلة مجانين ؟؟