Friday, December 22, 2006

بدور عليكي

بدور عليكي
ولو إني عارف مُحال ألتقيكي
ما بين البشر

يا زرع الحقيقة
يا ريش اليمام الفريسة
يا دمع القمر

يا حضني المسافر
يا نومي المغادر
يا حلم انتحر

15 comments:

Anonymous said...

يا حلم انتحر
كبيرة قوي الكلمة دي
ممكن الحلم ينتحر
انا عارفة إن إحنا ممكن نفشل في تحقيقة بس إمتي الحلم بينتحر؟؟

Anonymous said...

معقولة مسحت تعليقي؟
انا شريف الصيفي

Anonymous said...

أنا اسف، تصور نخدتش بالي انك اضفت بوست جديد
ظلمتك يا حرام

ياريت تعطي الوقت الكافي لكل بوست حتى ولو يوم واحد علشان الاستيعاب

albida said...

يااااه... جميلة أوى!! مع أنها قصيرة الا أنها بتشر رقة وشجن

كل تشبيه من التشبيهات دى حست أنه بيوصف صفة من صفاتها.. يعنى مثلا
يا زرع الحقيقة: صدق
يا ريش اليمام الفريسة: طهارة
يا دمع القمر: براءة

وعلشان حضرتك عارف أنك مش ممكن تلاقى صفات زى دى بين البشر.. فأصبحت بالنسبة لك.. حضن مسافر ونوم مغادر وحلم انتحر
عجبنى أخر تشبيه جدا.. حلم انتحر. من شدة اليأس الحلم نفسه انتحر

manal

الخبز و الحرية said...

ممكن ينتحر الحلم يا مفقوعة لما ياخد مكانه الوافد الجديد اللي هو اليأس ويستوطن القلب.
اهلا يا شريف.. معلش أصلي كان واحشني البلوج وكده:)
بالضبط يا منال.

Anonymous said...

يالهوى .. يالهوى .. يالهوى
ايه الروعه دى؟؟
ايه الاحساس دا
وكأنها ومضة برق أعشت عينى لثوانى.. لكن تأثيرها جوا قلبى موجود بقوه
مش عارفه أوصف اللى حاساه بصراحه
بس كلمة حلم انتحر دى
جامده وقاسيه قوى

^ H@fSS@^ said...

تاني يا خالد بتموتها في الاخر؟؟؟
مش حقلك ليه لان الكلام لا يُسبب
لكن انت دايما بتتكلم عن الامل
و حتى لما حد فينا بيفقد الامل بتقوم مزنجر علينا و محمر عنيك
ايشمعنى انت بقي تفقده و احنا لا؟؟
متقليش سنكوا و سني فقدان الامل و الشعور بيه مالوش وقت

سلام يا محزني

Amira Hassan said...

يا حضني المسافر
يا نومي المغادر
يا حلم انتحر

bgd el 7ta de to7faaaaaaaaaaaa

الخبز و الحرية said...

انا ملاحظ ان حلم انتحر دي مقلقة الجو وانا بعتذر بالنيابة عنها:)
يا جماعة انا شخص بدور على النصف الآخر من سنة 67 مثلا !! اقول ايه تفتكروا غير كده؟ تحبوا اعيط حبة عشان تصدقوني :) للأسف هي كده.. حلم شبه انتحر، بس طبعا مش حينفع اكتب يا حلم شبه انتحر:)
حفصوتشا انا لا بيأس ولا حاجة وأكيد حكون خايف على اي حد بحبه من اليأس الموضوع وما فيه ان القصيدة بالنسبة لي هي لحظة.. كادر واحد جوة الفيلم.. لحظة بتتثبت لكن الحياة بالنسبة لي مجري نهري مستمر.. والانسان لا ينزل النهر مرتين وكده لو فاكرين درس ثانية ادبي فلسفة ياولاد:)
متشكر يا اميرة:)

Anonymous said...

انا ماكنتش أدبى
:p

^ H@fSS@^ said...

بتدور على حلمك من سنة 67؟؟؟؟
ايه يا خالد كان عندك كام سنة ساعتها؟
الطفل المعجزة يعني :):)
انا فاهمة انها بتكون لحظة و لازم بتعبر عنها لكن انت بتعبر و احنا بنعلق فالدايرة مش حتخلص

صحيح انا مش فاكرة اي حاجة من منهج اي سنة فمتحرجناش و تفكرنا بايام المذاكرة المسخرة
بقلك كنت كل اسبوع اروح ازور الناظرة تقلي فاكرة درس الفلسفة بتاع تانية ثانوي

بلاش احراج يا عم
:)

سلام

wa7a said...

في راي ان جملة (حلم انتحر) لخصت القصيدة والاحساس

وبعدين اعتقد ان كلنا عندنا احلام انتحرت( من كتر ما قاومت واتقاومت). الاحلام كتير منها ما وئد ومنها ما انتحر ومنها اللي نفسه طويل و بيقاوم :)))

ياترى رايك ايه يا استاذ خالد؟
تحياتي
واحة

FATMA said...

انت رائع

رشا عبد الرازق said...

11330

رشا عبد الرازق said...

مممممممم
فيهع كلمات
وصفها بيبقا شبهها خالص
لأن الاحساس فيها كامل الوصول
وهنا يعلو الاحتمال ان يكون صادق جدا... كما .... هنا !
نعم.....
كلمات رقيقه
فيها بمنتهى البساطة
حد بيدور على حد
في اللحظه اللي محتاجه فيها تماما
تحياتي :)