مايهمنيش
مين اللي كان فارس ودبتِ بين إيديه
مايهمنيش خد منك ايه واداكِ إيه
ولا افترقتوا ازاي وليه
مايهمنيش
غير تفتحي الدرج الصغير
جنب السرير
وتطلعي صورته الحقير
وتخزقي بإيدك عينيه!!
مقدرش افكر إلا إنه كان حمار!
سرق براءتك واختفى زي الغبار
وماسابش غير ذكرى الملل
مايهمنيش خد منك ايه واداكِ إيه
ولا افترقتوا ازاي وليه
مايهمنيش
غير تفتحي الدرج الصغير
جنب السرير
وتطلعي صورته الحقير
وتخزقي بإيدك عينيه!!
مقدرش افكر إلا إنه كان حمار!
سرق براءتك واختفى زي الغبار
وماسابش غير ذكرى الملل
والشك والطعم المرار
مايهمنيش .. غير الصراحة وان انا..
مايهمنيش .. غير الصراحة وان انا..
ما أحبكيش.. واطلع .. حمار!!
إديني نفسك كلها
بحلوها وبمرها
خلليني دايما احبها
وعلى عضام الخوف نعيش
حبك لوحده يهمني
واللي انت خايفة يهدني..
ما يهزنيش
إديني نفسك كلها
بحلوها وبمرها
خلليني دايما احبها
وعلى عضام الخوف نعيش
حبك لوحده يهمني
واللي انت خايفة يهدني..
ما يهزنيش
إوعي تقوليلي حعترفلك باللي فات
أنا اللي فات.. مايهمنيش
أنا اللي فات.. مايهمنيش
11 comments:
ياريت الناس تقرأو تفهم إن ماضي الشخص سواء راجل أو ست ملكة لوحدة
أنا اكتشفت المدونة بالصدفة البحتة
و بصراحة أعترانى شىء من الذهول حيث أنى لم اعرف انك كاتب ماهر بصراحة شدنى جدا و توغل الى فكرى و أثر فية ( أسمحلى أكثر بكثير من الممثل )
عارف يا ريت كل الناس تفهم و تعرف المعنى الى انت عايز توصلة , أتفق معاك جدا جدا أن الماضى ملك لصاحبة فقط و مش من حق أى حد أنة يسألة علية و للأسف الناس مش بتدرك أن الانسان هو محصلة و نتيجة لتجاربة العديدة الى مر بها فى حياتة و ماضية
يعنى زى ما قلت بالضبط
أدينى نفسك كلها بحلوها و مرها
تحياتى
يا سلام هو ده الحب بجد!! المشاركة فى الحلوة والمرة, احترام الخصوصية
وعلى الرغم من كده المشاعرة مش متبلدة.. بالعكس دى مليانة بالغيرة والروح الانتقامية.. بس الفرق أنها لصالح الحب
وتطلعي صورته الحقير
وتخزقي بإيدك عينيه!!
جميلة أوى الصورة دى
واللى أنت خايفة يهدنى
مايهزنيش
رائع ذلك الحب الذى يمتزج بالقوة
manal
مش مهم نغلط المهم لما نعرف غلطنا نتراجع عنه.. وانا كنت فيما مضى من الاغبياء اللي بيحققوا مع تاريخ الحبيبة عشان مصر انها ملاك مش شيطان زيه! ثم أفقت على غباوة مثل هذا السلوك مني أو عليا فقررت أن لا أنقب وراء من سأحبها طالما أني أحترمها بصورتها الحالية وطالما لم تخدعني أو تكذب علي.
الله... ايوه كده كان فين الكلام الحلو دا من زمان
انت لمست نقطه مهمه جدا.. وعاملالى مشكله نفسيه
لأن مش أى حد ممكن يغفر أخطاء الماضى للشريك.. وإن وجد هذا الانسان يبقى بجد نادر الوجود
ليه الواحد يدى نفسه الحق انه يحاسب حد تانى على وقت ماكانش هو جزء منه؟؟.. بأى حق؟
كلام رقيق
أسلوب سلس.. التعابير فى منتهى الوضوح والرقه
عودُ أحمد
:p
I felt this should be a song!
after i read it i felt awy that it is words of a song, not sure who may sing it, but lazem sot gamed, may b ali el 7aggar aw mounir, 7ad 7assas shwya, anyway i liked it and liked its topic, wade7 en koll el banat homa el katbeen ta3likat w homa el ma3 mawdoo3 el poem, as for boys they have to be mature men to realize the right thing in this issue, like wht u khaled said.
ما هو اساسا مينفعش نقول عليه فارس
ده يبقى حقير اللي يحب واحدة و بعد كده يسيبها بكل برودة اعصاب
المهم
المعنى الي في كلمات القصيدة حلو اوي و نبيل
و دي اهم حاجة فيه
هي دي اخلاق الفرسان
ثانكيو ليديز:)
Hi ,
It is nice but sorry to say it is just a poem not real becuase none forgive or appreciate .. I see hunters always around and they put honey on the surface by good masks of forgiveness and understanding ..damn life
مايهمنيش
غير تفتحي الدرج الصغير
جنب السرير
وتطلعي صورته الحقير
وتخزقي بإيدك عينيه!!
what I like most that you asked her to TAKE AN ACTION. indeed you gave her a hand but also u asked her to take an action ...amazing ya Khaled
تحفففففففففففففففة جداً
بس صعب أوي يتحقق أو يكون حقيقي
عجبتني اوووووووي دي
إديني نفسك كلها
بحلوها وبمرها
خلليني دايما احبها
وعلى عضام الخوف نعيش
حبك لوحده يهمني
واللي انت خايفة يهدني..
ما يهزنيش
إوعي تقوليلي حعترفلك باللي فات
أنا اللي فات.. مايهمنيش
Post a Comment