Wednesday, October 12, 2016

طبت توحة!


طبت توحة!
----
توحة الأنزوحة الدلوحة
تلعب بشقانا الدحلابة!
الوعد لبانة في حنكها
والمصحف.. حلف الكدابة!
بالظُرف ممشية ظروفها
تظرُفنا.. وتجري الهرابة
تزنقها تسخسخ يشيلوها
تخلع من أول بوابة!
تحضن في النوم كمبيالاتها
تحلم بالعملة بقت غابة!
اتولدت ف محل صرافة
ودي ماما، والأخضر بابا!
وأخيرا طبت، وادي طوبة..
على طوبة.. إقفش نصابة :)
-----
-----
من صندوق ذكريات عالسندرة
زي النهارده من خماشر سنة
العطارين/الأنفوشي/المرج/
(عزبة الصعايدة/المينا في أثينا/ميلانو/بني غازي/قطر/طرة/القناطر

No comments: