Wednesday, October 12, 2016

س سؤال: مين الأنجاس!

س سؤال: مين الأنجاس!
---------------
التاجر اللي ملوش ذمة / مش بني آدم / بل جنس وحوش
والاسطى لو عاشها مرمة / ويركن حبة / فات تركة.. قروش
والجندي لو غاص في النعمة / تنعم إيده / وتنبط جيوش
والراجل اللي ملوش كلمة / وقت الأزمة / ما بنفتكروش
-------------------
التاجر اللي ملوش ذمة / مش بني آدم / بل جنس وحوش / مصاصي الدم
والاسطى لو عاشها مرمة / ويركن حبة / فات تركة.. قروش / على دين على غم
والجندي لو غاص في النعمة / تنعم إيده / وتنبط جيوش / وأمم تنسم
والراجل اللي ملوش كلمة / وقت الأزمة / ما بنفتكروش / ده اللي ما يتسم
----------------
التاجر اللي ملوش ذمة / مش بني آدم / بل جنس وحوش / مصاصي الدم / عبيد المال
والاسطى لو عاشها مرمة / ويركن حبة / فات تركة قروش / على دين على غم /وبؤس عيال
والجندي لو غاص في النعمة / تنعم إيده / وتنبط جيوش / وأمم تنسم / مدى الأجيال
والراجل اللي ملوش كلمة / وقت الأزمة / ما بنفتكروش / ده اللي ما يتسم / بإسم رجال
----------------
التاجر اللي ملوش ذمة / مش بني آدم / بل جنس وحوش / مصاصي الدم / عبيد المال/ عواميد إبليس
والاسطى لو عاشها مرمة / ويركن حبة / فات تركة قروش / على دين على غم /وبؤس عيال/ راضعة التفليس
والجندي لو غاص في النعمة / تنعم إيده / وتنبط جيوش / وأمم تنسم / مدى الأجيال/ ما تجيبش رئيس
والراجل اللي ملوش كلمة / وقت الأزمة / ما بنفتكروش / ده اللي ما يتسم / بإسم رجال/ والختم: خسيس
----------------
التاجر اللي ملوش ذمة = صندوق النقد
والاسطى لو عاشها مرمة = مقطوع اليد
والجندي لو غاص في النعمة = ما يحارب حد
والراجل اللي ملوش كلمة = ده حرام ينعد
-------------------
-------------------
(وهكذا جاء ختامي لهذي القطعة - طفي الشمعة حولع شمعة
والضي ماشي مع العتمة – والضد أساس
والله أعلم وختاماً – نور وسلاماً
والرحمة والبركة وحبي – تِمّاً شعبي – وجميع الناس
إلا اللي عايش على غيره -وهو بخيره-
واللي افترى ويا الغادر ويا النخاس
وهؤلاء هم القلة – ال..مندسة-
ينعدوا واحد في المية.. وهم الأنجاس

وهو اللي مطلوب إثباته.. لعموم الناس)

No comments: