بس افتكر
قالوا القدام
بالاسم تعرف صاحِبَك وتصاحِبُه
بالإسم تعرف مين عدوك.. واضربه
إلا اللي ما يتسمى.. بيفلفص بأسماؤه الكثير
بيغير اسمه ابن الحرام
تمويه خطير
وحيل طلاسم تبعده ما تبعده..
بترجعه وتقرّبه..
لو كنت تغفل أو تدوس جوة المحن
من غير ميزان
حرباية تتلون حنش ويغير الجلد اللي فاضح سحنته
سث ست ستن
ساتان شيطان
حقير نتن
خنّيس خبيث خنّاس جبان
دايما نجس
خَرِب الضمير
مختوم على قلبه العفن
وسواس دنس
كوابيس وحوش
إبليس وناره تشكله زي الفخار
وتصوره ف مليون إطار
وتجري منه من اليَمين
تلقاك بتجري وراه يسار!
تمسك آثاره ما تمسكوش
ريحة خيانة وكمكمة غدار كهين
تتعاص وتعصى إسمك الأصلاني.. حوش
يوم المحاكمة لا يعرفك ولا تعرفوش
ولا ينفعك ولا تنفعوش
والإسم حر بدون أمارة ولا اختيار
أنا قلتلك قول القدام
آدي اللي ما يتسمى وآدي الاختبار
خلليك وراه..
بس افتكر!
قالوا القدام
بالاسم تعرف صاحِبَك وتصاحِبُه
بالإسم تعرف مين عدوك.. واضربه
إلا اللي ما يتسمى.. بيفلفص بأسماؤه الكثير
بيغير اسمه ابن الحرام
تمويه خطير
وحيل طلاسم تبعده ما تبعده..
بترجعه وتقرّبه..
لو كنت تغفل أو تدوس جوة المحن
من غير ميزان
حرباية تتلون حنش ويغير الجلد اللي فاضح سحنته
سث ست ستن
ساتان شيطان
حقير نتن
خنّيس خبيث خنّاس جبان
دايما نجس
خَرِب الضمير
مختوم على قلبه العفن
وسواس دنس
كوابيس وحوش
إبليس وناره تشكله زي الفخار
وتصوره ف مليون إطار
وتجري منه من اليَمين
تلقاك بتجري وراه يسار!
تمسك آثاره ما تمسكوش
ريحة خيانة وكمكمة غدار كهين
تتعاص وتعصى إسمك الأصلاني.. حوش
يوم المحاكمة لا يعرفك ولا تعرفوش
ولا ينفعك ولا تنفعوش
والإسم حر بدون أمارة ولا اختيار
أنا قلتلك قول القدام
آدي اللي ما يتسمى وآدي الاختبار
خلليك وراه..
بس افتكر!
No comments:
Post a Comment