Thursday, December 18, 2008

مبروك عالأرض!!


من خوفي إنك تتنسي
نفسي أقول فيك ملحمة
وارسم ملامحك عالسما
واسمك أدقه على الجباه
ياللي خلعت على الهوا نعليك
ورجمت في العيد الكبير بإيديك
زكيت علينا كلنا وعليك
مشيني يالله في سكتك
خد جثتي فدا جثتك
يسلملي قالب جزمتك
يا منتظَر يا زيدي!

33 comments:

Eng. Ahmed Abo El-Ella said...

يايريت كلمنا يوصله
أد ايه هو محتاجه دلوقتي

أد ايه لازم يعرف احنا كنا مستنين جزمته ديه من زمان

محمد البشبيشي said...

انا فخور ان لسه فى حد عربي بالشجاعه دى
ده لازم يكون يوم احتفال سنوى

بجد هو محتاج دعانا ليه دلوقتى

ربنا معاه

adel said...

هههههه

تحفة ياخلود

و بجد منتظر ده

واد راجل راجل راجل

يارتيني كنت الجزمة

ههههههههه

ياريت متكنش اخر جزمة

يارب

عادل
http://elbald-dy.blogspot.com/

5ajol said...

حتى انت يا خالد
اظننا في عصر النعال
لم نعد في عصر السرعه
كل ما اراه حولي نعال تتطاير

انا عن نفسي اظنه اخطأ
كاد ان يوسخ حذابه
بالقذارة لولا ان سرعة القذارة
تفادت نعله

احمد حسن احمد said...

والله واد مجدع تمام والجزمة منه مطرقة
دقت على راس الجبان كات رايحة والله ب غلها
وهنعمل ايه ابن الحرام لعيب وزاغ مالمطرقة
لو كان صحيح اد الكلام كان باس جزمنا وكعبها
............
تحياتى يانجم وتقبل مرورى

Cleopatra Ericsson said...

Mr. Khaled.
In English:
To throw shoes on USA’s president is regardless of what we may think of the action in it self a way to PROTEST against the American policy and its awkward consequences for society and people. A way to say: “We don’t accept what you are doing, go out!” Muntazer al-Zaidi is a journalist but he could just as well has been a doctor, teacher, building worker, baker or a street seller and on principle come from any Arabic country. His action symbolizes the strength in the will to get rid of the thing that is awkward, which he has in common with the huge majority of people in the Arab world. He is being a present time symbol for Arabic people’s protest. This is the point: People want change. They want to have their lives in there own hands.
Mr. Khaled. 7adretak kaman shoga3 by mawakefak … Ba3ed el-shar 3alek men elmot.
Cleopatra or as you know Zeina

SadCat said...

ههههههههههههه
عجبتنى يسلملى قالب جزمتك
جامد اوى ياخالد كالعادة
ماشاء الله عليك

انا said...

لا اعتقد ان استخدام وسائل مثل الضرب بالجزمه هو الحل لكن الى مزعلنى فى الموضوع انها مجتش فى دماغه خصوصا انه ميستهلش انه يضرب بالجزمةدى ذات الصناعة التركيه ده اخره شبشب زنوبه يضرب بيه ولا اجدع صرصار لكن فى النهايه برده العنف ليس حلا لان لو ردينا العنف بالعنف نبقى نفرق عنهم ايه؟

مسدس صغير said...

ههههههههههه يا سلام ع الروعه قصيده جميله . يسلملى قالب جزمتك.. احييك

كاتب مصري said...

وتسلم ايدك ألف مرة ومرة ع الكلام الحلو ده فعلا هو شفا غليلنا كلنا في الخنزير الي اسمه بوش وانت كمان أبدعت في الكلمتيندول
مودتي لك

shoshet said...

ههههههههههه
حلوة اوى

Alaa El-Shaikh said...

جميلة قوي مستر خالد .. بس ازاي في ناس بتقول اننا ردينا بالعنف زيهم .. انا بصيت للموقف على انه واحد بيحب بلده قوي .. وبيحب ناسها وأهلها ... لما كان في مؤتمر مع واحد من أكبر أعدائه .. متجرد من كل الأسلحة .. ملقاش قدامه غير حاجة زي دي .. شعور صعب قوي .. حتى اختياره للسلاح دا .. لو بصينا على انها حاجة بسيطة حاول بيها يرفع من الروح المعنوية جوانا .. ويقول لنا لسة الجرأة والحماسة اللي جوانا دي عايشة ومش هتموت أبدا فينا .. بجد روعة يا مستر خالد .. أنا مش كنت أعرف ان حضرتك ليك مدونة .. وأول تعليق ليا على موضوع حضرتك دا .. ربنا يباركلك

OPTIMESTIC said...

اسمحلي باهداء آخر لهذا الانسان ...
الذي وصفه البعض بالشيطان ...
ان كان كذلك ...
فالمجد للشيطان ...
الذي قال لا ...
في وجه من قالوا نعم ...
والذي علّم الانسان تمزيق العدم
((((((((((((((((((((
على فكرة ...
اشعارك حلوة اوي
تسلم ايديك

منال said...

انا سعيدة جدا لعودتك الى المدونة .والله موقف منتظر شجاع ولكن ما ينتظره اصعب من الخونة وربنا يستر عليه.وانا كنت حاسة انك ستكتب شيئا عن هدا الموقف ولن يمر بالنسبة لك وهدا ليس بغريب عنك.منال.المغرب

رحيق الحب said...

كلامات حضرتك
موجزة
وبسيطه
وفى الجون فعلا
قدرت تعبر عن اللى جوانا يا استاذ
شكرا ليك

البت المشمشية حلوة بس شقية said...

بجد هو اللى شفى غليلنا كلنا وحسسنا اننا نقدر نرجع كرامتنا وحتى لو جزء منها

أميرة said...

فعلاً خير الكلام ما قل ودل :)))
هو أجاد التعبير عن اللى جوانا كلنا بأقل الأفعال .. وانت يا خالد أجدت التعبير بأبسط وأصدق الكلمات

أشرف حمدي said...

جميل جدا يا خالد
نفسي بقى بجد تشوف الفيديو اللي انا عامله على الموضوع ده على المدونة :) ربنا يستر بس وماروحش أبو غريب
عيش وحلاوة بقى يا خللود ما تنسانيش والنبي
والله حتحوحشني أفلامك بجد

ساره said...

عزيزي خالد
من اجمل القصائد التي سمعت سلمت اناملك
طبعا الكل عرف عن الاعتذار اللي قدمه منتظر الي كلب امريكا نوري المالكي
وهذا يدل على التعذيب اللي منتظر يمر فيه

اخواني المدونون والمدونات منتظر الزيدي يحتاج الدعاء منا
الله يفك اسره وينصره امين

الخيزرانة said...

رائع جدا ماكتبت ياخالد

كان محتصر وبيضم حالنا كعرب

شكرا لك .. ومتابعة جديدك

sherif said...

رائع شعورك الصادق ده احنا عايزين نوصل صوتنا للراجل الجرئ الي قدر يعمل اللي ماعملوهوش امة المليار
دمت يا خالد
وتكتر أعمالك

الازهرى said...

اول مرة ليا هنا

المدونة رائعة للغاية
ولو سمحت لى ان اتواجد هنا بعد ذلك فسأكون شاكرا


تحياتى

moshmosh said...

و انا اللى كنت فاكرة جيفارا مات تسلم ايدك اسفة اقصد جزمتك

moshmosh said...

كلامك بيحطنى فى نفس الحالة اللى بكون فيها و انا بسمع اشعار الرائع صلاح جاهين و الابنودى و اغانى منير حتى و انت بتوصف حالة خاصة بيك لوحدكبرده بحس انك صوت مصر و عشان كدة لازم تشوفلك حل عشان توصل للناس على نطاق اوسع من البلوجات لانك بتدى الامل للى سنى ان لسة فى حد بيحب البلد دى انت ابتديت تبقى قدوة ليا شكرا و للامام دائما مشيرة

أميرة said...

قريت بيت شعر كان نازل عن نفس الموضوع فى مقال فى جريدة النهاردة ...
الكلمات بتقول:
قوم إذا صفعت النعال وجوههم ... شكت النعال بأى ذنب تصفع ...

ونكتة الاخبار كانت مؤثرة كمان:
واحد بيقول لصاحبه:
واخد بالك من المصادفة دى .. إن الحجاج لسة راجمين الشيطان بالحصى وبوش روجم بالأحذية!!


بجد تسلم ايديه وربنا يكون معاه

عازفة الأوتار said...

محدش يقدر ينكر انه لما عمل كده فرح ناس كتير كان نفسها تشوف المشهد ده من زمان على الاقل علشان تنفث عن اللى جواها ...
بس النتيجة ايه ؟
هو ضيع مستقبله و الله اعلم هو دلوقتى لسه باقى فيه انسان ولا لا
يعنى مش قادرة اتخيل ايه اللى بيتعمل فيه دلوقتى و احنا حكوماتنا ما شاء الله عليها ارخص حاجة على ارضها الانسان العربى ...
ما اقدرش غير انى احييه طبعا على شجاعته و أهتف بإسمه من كل قلبى لانه فرغ طاقات كتير كانت مشحونة ...
لكن احنا فعلا محتاجين الطاقات المشحونة دى كلها علشان تتفرغ بشكل ايجابى اكتر



شكر خاص للفنان خالد الصاوى على الكلمات الجميلة ...
دمتم بكل ود و خير

z!zOoOo said...

السلام عليكم

بس قولي ايه الي يخليني اصدق إنك فعلا

خالد الصاوي


طبعا انت لا مجبر علي تبرير ( من الاخر ابسط ما فيها عني ما صدقت)ولا مرغم او ممكن تكون مش مرحب بوجودي اساسا

لكن بصراحه النت علمني كتير

مش من السهل عليا اقتنع بحاجه بسهوله

انامش عارف الناس ديه كلها مصدقه
ازاي

عذرا

علي جرأتي او أدق بجاحتي

انا مش قصدي تجريح او إساءه

او حتي قله أدب

لكن مش عارف اقول ايه


تحياتي المتشككه

أشرف حمدي said...

Z!ZOoOo
بعد إذن أستاذ خالد إذا سمح لي بالرد

الزوار القدامي للمدونة يعرفوا طبعا إن دي مدونة الفنان خالد الصاوي لإنهم قابلوه أكتر من مرة سواء في حلقات تليفزيونية أو في إفطار رمضاني خاص بالمدونين
يمكنك مشاهدة حلقة الفنان خالد الصاوي مع المدونين على موقع اليوتيوب
وأخبار الإفطار الرمضاني على العديد من المدونات
فعلا وبدون مجاملة والله الفنان خالد الصاوي إنسان رائع ومتواضع جدا وبيحب الناس كلها ، يمكن التشكك بسبب دهشتك من إنه شاعر وكاتب
هو فعلا فنان متعدد المواهب
تحياتي

Anonymous said...

هايل بجد يا فنان
فعلا يسلم قلمك

أم مريم said...

الزيدي في لحظة واحدة استطاع أن يغير مناخ الوطن العربي كله و يرسل له رياح من السعادة و البهجة
أما بالنسبة للناس اللي بتتكلم عن همجية هذا التصرف فأقول لهم :احنا سايبين لكم انتم وامريكا التحضر و المدنية و اذا كان الزيدي همجي فيشرفنا كلنا أن نكون همجيين معه
تسلم ايدك يا بطل و يسلم فناننا الكبير خالد الصاوي

aboudy star said...

انا كنت كاتب حاجة للذيدى كنت عايز ادخلها المسبقة الى انتة عاملها انا مش عارف انتة عيوصلك الكلام دة ولة لا بس دة اميلى ورقم تليفونى لو عايز انا ممكن ابعتهولك 0183617979 aboudy_star2001@yahoo.coma

Ahmed Rafik said...

شكرا لهذة العربى على شجاعتة.
ومبروك على الارض يا بوش.

Ahmed Hassan said...

احسنت يا استاذ مية مية والله