Thursday, August 23, 2007

دوامة

وجدتُ عقلاً فى الطريق.. وجدتُ عقلا
قبّلتُهُ وركنته جنب الرصيف.. وسرت أبكي
وجدت قلًبا فى الطريق.. وجدت طفلا
يبكي على قدم الحقيقة.. وهى تبكي
وجدت عضواً للذكورة فى الطريق.. وجدت عضوا
فدفنته فى الرمل.. فانتفض الشجرْ
حبل المساء من القمرْ
وضع النهار وليدَهُ..
طفلا بلا عقلٍ ولا قلبٍ ولا عضوٍ ولا شيءٍ سوى.. هذي الطريق إلى البيوتْ
فى جثةٍ شُوِّهَتْ ..
رأيتُ نعشَ المدنْ
رذاذُ وجهي دمٌ
هذي البلاد تموتْ !!

42 comments:

inksarat said...

انت فظيع
بجد بتبهرنى

Amy said...

وجدتُ عقلاً فى الطريق.. وجدتُ عقلا
قبّلتُهُ وركنته جنب الرصيف.. وسرت أبكي.

اكتر تعبير عجبني مش قادرة اقولك قد ايه. فعلا العقل نعمة بوسناها و ركناها جنب الحيط!

حازم شلبى said...

والله كلنا معاك يا فنان .. هذى البلاد تموت .. بلاد أستغنت عن عقولها وركنتها جنب الرصيف لابد لها أن تموت ... لكننا لن نموت ولن ندفن أعضائنا فى الرمال بل سنبقى رجال نحاول التغيير قد ننجح حتى وان فشلنا يكفى أننا حاولنا حتى لا يقال عنا أننا سكتنا وحتى لا يأتى زمن نخجل فيه من كوننا أشباه رجال ... تحياتى و أحترامى

yasmeen said...

بعد ما طبعا لازم أقولك كلامك تحفة وعبقري ....
عايزة أقول للناس تتكلم بقي دا اللي ميتكلمش هموا يكتر والبلد همها يملا محيط

ميرسي علي كلامك الجميل ياخالد

مريم said...
This comment has been removed by the author.
مريم said...

بجد مدونه رائعه يا استاذ خالد

و كل ادوارك حلوين جدا

و انت ممثل بارع

مع انى زى كتير من الناس عندى عدم ارتياح لدورك فى عماره يعقوبيان

بس على العموم تمثيلك ليه بصمه متفرده

استمر فى التميز و النجاح

nourita said...

مع انى زى كتير من الناس عندى عدم ارتياح لدورك فى عماره يعقوبيان

really surprised!!!
it is the other way arround, this role revealed a big actor!
Personaly, i knew him through that film,and then i started paying attention that in fact he was in other films.....

عاليا حليم said...

ملحوظة صغيرة هى القلوب هى الى اتركنت على الرصيف اذا كان ع العقول العقول شغالة تمام التمام فى الفساد و الدمار و الذل و زكائها فى تحقيقهم واخد عشرة على عشرة
متهيألى لو كان القلب الذكرى هو الى ادفن فى الرمل بدل العضو ماكانتش هذى الدنيا تموت

ده راى انما القصيدة جامدة اوى و تعبيراتها جبارة زى عادتك دايما

وينكى said...

هو ده اللى بيحصل بجد
ألم مابعده الم
:.(

ruba said...

بصراحه كلمات معبره بحق
ولكن عندي سؤال : في جملة وجدت قلًبا فى الطريق
إنت تقصد بدل قلبا طفلا .عشان تتماشى مع الوزن والقافيه مثل جملة وجدتُ عقلاً فى الطريق.. وجدتُ عقلا ولا هي كده صح
تحياتي

Ahmad Badawy said...

امممم ... أليس هذا الطفل هو من يحكمنا الآن .. من يحكم تصرفاتنا و مجتمعاتنا و تفكيرنا ؟؟؟ ... طفل بلا شئ سوى

nos said...

اولا قصيدة حساسة قوى
بجد انا بقيت بخاف من اللى جاى ! هيحصل ايه ؟ رايحين على فين ؟؟؟؟؟؟؟؟

واسمحى لى يا عاليا انى اقولك ان الضمائر هى اللى اتركنت على الرصيف
بيشلوه فى جيوبهم لغاية لما تيجى مناسبة ويطلعوه يستخدموه

BaSsMa said...

اقول ايه بس غير
الله عليك ياخالد
:)
بجد روعة

batoutfilms said...

sensitive , beautiful and to the point , it has great rythm. . ishta ya khalood. .

عاليا حليم said...

nos :)
شكرا ع الملحوظة يا عزيزتى
ماختلفناش كتير ما هو الضمير طالع منين ؟ من القلب الحى الى أتركن ع الرصيف و ما بقاش حد يستخدمه فحيجى الضمير منين ؟؟

emyemyemy said...

حبل المساء من القمرْ
وضع النهار وليدَهُ..


أجمل إحساس لمسته بكلماتك

*******************

نحن على مسرح الحياة نمثل بلا نص
ولذا يجب أن يقوم الضمير بدور الملقــن .

http://emyemyemy123.blogspot.com/
http://emyemyemy.jeeran.com

hanoony88 said...

كلام جميل
فعلا عندك حق فالأشياء فى طريقهاالى أن تموت أو ماتت بالفعل
ماتت الأشياء الجميلة ماتت العقول ماتت الرجولة
بس يا رب البلد نفسها ما تموتش

طهقان said...

صباح الخير

ايه الدوامات الحلوة دي


استاذ خالد

انت فنان
صح ؟

انا من اهوى ومن اهوى انا said...

استاذ خالد

دائما مبدع
دوما تداعب عقولنا بكلماتك الفلسفيه
ودوما تستخدم الاسقاطات التى تعبر عن الواقع
تحياتى ليك على رؤياك الجميله

تحياتى : محمد فوزى

Mirage said...

انا عايز اعرف ايه رأى حضرتك فى مصر ؟

تفتكر فى أمل ؟!؟!؟!؟!؟!

HafSSa said...

نبوءة قاسية شوية
لكنها للاسف حقيقية
و ان كان ما غطى على عرى الحقيقة هو جمال الكلمات

تحياتي

rano said...

الاستاذ المحترم خالد الصاوى
انا سعيدة جدا انى بكتب ليك ملحوظاتى واتمنى لك دايما كل نجاح وسعادة اسمحلى اهنيك بادوارك لانك من اكتر الممثلين المقنعين فى مصر وساعات بحس انك بتفكرنى بالراحل العملاق زكى رستم فى تعبيراته ونظراته
انا عارفة ان ليك هوايات اقصد ابكتارات فى مجالات فنية تانية زى الشعر والاخراج والتاليف رغم ان الحظ ماسعدنيش اشوف منهم حاجة او مع الاسف كمان انا مش من متذوقى الشعر لكن انا متاكدة انك عبقرى بلا منازع فى اى مجال من المجالات الفنية بس ليا طلب عندك هو انك تحاول تنوع فى شخصياتك لانى بلاحظ انهم دايمة شخصيات مركبة او معقدة يمكن انت بتشوف ان النوع دة من الشخصيات بيكون اغنى لكن اوكد لك ان الشخصيات البسيطة بتكون احيانا فى منتهى الصعوبة خصوصا الكوميدى منها وانت عندك حس كوميدى عالى ولكنه غير موظف
واخيرا انا اسفة اكون طولت عليك لكن انت فعلا انسان ممتاز خلقا وفنا
ربنا يوفقك دايما

KHALED-ELSAWY said...

انكسارات شكرا بس ليا رجاء.. ازاي ببهرك؟ بإيه تحديدا؟ ممكن رد؟ يهمني بجد اعرف.. شكرا.
ايمي موافقك.
حازم هو ده المطلوب.. الموقعة تدق الطبول.. فأين رجالها؟؟
انا اللي مرسي على متابعتك الجميلة يا ياسمين:)
مريم ونوريتا اشكركما على الموضوعية الهايلة دي.. انكم تكرهوا الدور بس ما تكرهوش الممثل.. تحياتي.
عاليا لا مش معاك الحقيقة.. العقول مركونة جدا.. اللي شغال ده الحسابة وده مش العقل ولا حاجة.. ده زي اللمبة السهاري بالقياس لشمس العقل.
ده رأيي. طالما مستسلمين للخرافات والشعوذة والتواكل البغيض والنانية المريضة..يبقى لا عقل ولا يحزنون.
وينكي الألم مقدور عليه بس اللي خطير هو اليأس.
ربا بالنسبة لي الطفولة هي مستقر القلب.. ماكنتش بجري ورا القافية.
أحمد بدوي.. الماضي يمسك بخناق المستقبل ويمنع استيلاده من الحاضر القذر. الطفولة تذوي والجمال يضمحل.
نص الخطر يصيب ذلك المكان الخفي داخلنا حيث ينبع الضمير والمشاعر والوعي.. الخطر الخارجي مقدور عليه لو متماسكين جوانا.
باسمة الف شكر:)
صديقي العزيز المخرج المبدع ابراهيم البطوط كل حبي واحترامي أشكرك:)

امياميامي حلو ده:
نحن على مسرح الحياة نمثل بلا نص
ولذا يجب أن يقوم الضمير بدور الملقــن . عجبني قوي.
حنوني البلد دي ثقيلة مش حتموت.. حتفرفر وتخش الانعاش وتوقع قلبنا بس برضه ربنا حينفخ في صورتنا ان شاء الله ونعدي بيها من الغريق الخنيق.
طهقان لو قصدك هل انا الفنان خالد الصاوي فأيوة يا عزيزي انا هو بعينه:)
محمد فوزي متشكر جدا جدا كلامك رائع.
ميراج.. دايما فيه امل.. لولاه نموت بجد.. نموت جسدا وروحا.. نضمحل ولا نذر أثرا وراءنا. كلي أمل رغم العتمة الشديدة.
حفصة وما قصدت إذ قسوت بل القاصد هو العالم القاسي أصلا.
رانو صح جدا الشخصيات البسيطة بتكون احيانا فى منتهى الصعوبة خصوصا الكوميدى منها، شفت كده رضا؟ رأيك ايه طيب؟ انا بحاول انوع وبصارع عشان ما أتنمطش.. ادعيلي:) الف شكر يا رانو.

fawest said...

ممتاز
لم اتصور انك تملك مواهب اخرى غير المسرح
تحياتى
اسمح لى بزيارة مدونتك
عسى ان اكتشف فيك اشياء اكثر حرية

طهقان said...

استاذ خالد

لا طبعا ليس هذا هو مغزى سؤالي

فانت غني عن التعريف..

إنما أردت فقد بالتأكيد على تفانينك، بالسؤال

فأنت فنان فعلا..

المهم
صباح الخير

توتة توتة said...

احنا في زمن المسخ

ريميدوس said...

سيدي اسمح لي ان ارفع لك قبعتي لصدق كلماتك وروعة اداؤك في زمن قل فيه الفن والفنانين ...متهيا لي مشهد حديثك للصورتين في يعقوبيان تاخذ علي جائزة نوبل بجد ليس نفاقا...اشعر انك شابا بحكمة عجوز كلماتك تغلغلني وتقطتع احشائي ولكن لماذا اشعر بانك متشائم نوعا ما؟ لقد قرات لك"ان بعد العسر عسرا ثم عسرا" هل هو حزن العارفين؟ امن انك تتفق معي ان الياس حر والرجاء عبدا رقيق ...يقولون انه كلما قلت حواسنا ازداد حبنا للحياة لاننا لن نري قبح الحياة والعكس فانت تملك حواسا اضافية وهي حاسة الانسانية....

R.O.U.R.O.U. said...

raw3a raw3a raw3a

deja vu said...

حقيقة حيرتني بين كم هذه القصائد الرائعة أين أضع بصمتي الخاصة هنا

كل ما كتبت رائع

اختصرت حقيقة تهيج وسط حياتنا في عدد من النقوش المتميزة

احترامي لقلمك .. وتعظيم سلام لفكرك

تشرفني زيارتك لمدونتي

www.dejavupress.blogspot.com

The Groom said...


كل عام وانت بخير يا فنان

تحياتي لك من ماناساس البلد وصدفة جميلة ان اول تعليق ليا تقريبا لو لم تخني الذاكرة في اول يوم رمضان

KHALED-ELSAWY said...

فاوست ارجوك تعال على طول:)
طهقان متشكر جدايا سيدي وربنا يفك كربتك:)
توتة صحيح.. بس برضه..
دايما يا قلبي فيه أمل
دايما فيه شيء اسمه احتمال
ماتقولش يوم ايه العمل
بس المهم.. "الاحتمال"
ريميدوس.. هناك شجن في قاع البئر.. ربما هو قدري فلا فكاك منه.. وربما هو حزني على عالم لا أراه.
شكرا جزيلا رورو ودجافيو.
جروم كل عام وانت بخير.

Black Pearl said...

كلماتك رائعة.. و لن تصل كلماتي إلى مستوى يفي ما تكتب

هبة

mahmoud farag said...

أول مره أزور مدونتك
لكن هذه التدوينه روعه
...

حبل المساء من القمرْ
وضع النهار وليدَهُ..
طفلا بلا عقلٍ ولا قلبٍ ولا عضوٍ ولا شيءٍ سوى.. هذي الطريق إلى البيوتْ

...
ما أجمل هذه الجزئيه
بجد عاجباني
كاتبها علي متفاعلن متفاعلن

حلوه قوي .. ومعبره جدا
هو حضرتك تعرف علم العروض ولا لأ؟؟؟

ibrahim.a.youssif said...

بجد وصفك أستاذ خاد جميل
أنا لسه جديد على فكرة فى المدونة بس ليا الشرف انى أقرا بنات أفكارك

عندما انتهيت من صنع سفينتى..جف البحر said...

فى مقوله بتقول كن رجلا بألف رجل وان لم تقدر فكن رجلا ولا تكن نصف رجل ..
إن بلادى تموت انها تموت من زمن بعيد ونحن ندرى ولكن لا نعرف بث السم لها نحن نيام وعميان ولا نريد ان نستيقظ ام بتعبير ابلغ لا نعرف ان نستيقظ وكان النوم هو السمة الأساسية والاستيقاظ والتمرد هى الحالة الشاذة
اى فيك القلب والطفل والطريق والبكى واحيك سيدى
واحببتك مودونا وإنساناً

simple girl.. ..simple dream said...

انا اول مرة ادخل مدونتك وقريت كام حاجة بس بجد دى شدتنى اوى
بجد اسلوب هايل وتشبيهات ذكية ومنتهى الرقة

أميرة said...

الفنان الجميل خالد

كلماتك تضئ ما حولها بشدة كالبرق فى السماء
ولقد استمعت جيداً لموسيقاها الحزينة
ولمست بين حروفها ما كنت تشعر به وقت كتابة هذه الأبيات
كل هذا اليأس .. كل هذا الحزن

كلمات معبّرة للغاية

wael fekry said...

هذه البلاد تموت
مش عارف لو كن سمعت نجيب سرور او الشيخ امام لكنها ميته من زمااااااااااااااااان حتى اسئل نجيب سرور بتاع القصائد ولو معندكش حتلاقيها على النت بس حتحتاج منك شويت بحث
وبفكر احطها فى مدونتى

CheToS said...

الله عليك يا كبييييييير دايما متالق كالعاده... كلماتك معبره وقويه ...إلى الأمام دوما يا زعييييم

Gamal Hamza said...

السلام عليكم :

رغم تحفظى على بعض التفاصيل الصغيرة..إلا أن فكرة العمل وأسلوبه كانا جيدين...

أكثر عبارة أعجبتنى هى :

وجدت قلًبا فى الطريق.. وجدت طفلا
يبكي على قدم الحقيقة.. وهى تبكي

تسلسل جذاب بحق..

والعبارة التى لن أنساها :

هذي البلاد تموتْ !!

يبدو أننى سأصير متابعاً لأشعارك على وجه الخصوص..

noon said...

انتا انسان طيب

moshmosh said...

مجموعة نبى بلا اتباع كلها تحفة فنية فريدة اشكرك عليها