Tuesday, February 26, 2019

مش اول مرة اموت

مش اول مرة اموت
على فكرة وأموت اموت
مفيش نفس في ظلي
ولا فيه لا فول ولا
لا فل ولا ريحان
ولا ندعة ضي حتى
ف كبسة الغيوم
وسواد الصبح ذاته
وغريق قدامي مني
ولا قادر ارمي حس
ولا طايل النفس
وكابوس ف كابوس وتقلة
وحموضة في الوجود
ومرارة في كل وش
وغباوة في الذكاوة لو يعني كان لي سهم
وان كنت مافتكرش!
——
وأموت بقى وكده
وتمر المحروقات
من عمري والنصيب
وكأني فوق قوي
ويدوبك.. قوم حدفني
معرفش ماشفتهوش
لكني بطير لتحت
مش بمسك لا بسيب!
مقتول ولا انتحرت؟
ولا ده موتي المكرر
والبعث بعد صمت؟؟

No comments: