خد مني نص كلامي ونصه التاني ده ترميه
لو رجع بي الزمن أنا كنت حغلط نص ما أخطأت
وأتعارك نص ما تقاتلت عليه
كنت حصاحب نص صحابي وكنت حترفع عن نص علاقاتي
كنت حختصر نص ما التهمت وشربت وضربت وغامرت وخاطرت وتبهدلت بغباوة او بعند او حتى بمزاج وقتي وقتها
خد و ادي خد وادي بس حاذر من توأم ملتصق مهدد دوما والضباع حواليه من كل حدب وصوب:
العدل
و الكرامة
دول مفيهمش مساومة ولا تسويف ولا كارت وغرامة
القصاص أمانة والبتر رغم المرار واجب
ادرسنا حلو وانسانا وسيب الحلو لو فينا حقيقي حيطفو رغم الزمن والسور والمية والحديد والنار
اكره غباءنا بس ما تكرهناش
وحبنا في اطارنا ما تبالغش احنا يدوب فهمنا اننا جيل التحدي والغضب مع شوية عبط على نفس قصير على المرض العضال: زهايمر الهوية، وتسرب التراث من الحفيد -انا وانت واللي معاصرينا- للأسف المهين!
الحقنا وده الأهم قبل ما تقع مننا الشعلة
عن نفسي ومعايا الف واحد معرفهمش بس حاسسهم
احنا حراس السراب ان شئت سميها كده وساير عصرنا مش مهم
المهم نحرس وندافع بأن نهاجم مبكرا، ولما نتخنق ونحتضر نصمم عالراية عايشة والشعلة والعة وكل واحد من رعيل المقاتلين الاوائل ما يروحش فطيس ابدا فكل واحد مننا يفارق ومعاه ثلاثين منهم
التانيين
دولم
عبدة ابليس
No comments:
Post a Comment