Wednesday, January 10, 2007

غنوة في الليل

الليل بيرخي عالمدينة الجفن
يبقى القمر جوة العيون الننّ
يحلم يشوف الحالمين ويحنّ
وينام ويصحى والمدينة ف حزن

الليل بيقفل عالمدينة الباب
همس السكوت يفتح ميتين سرداب
أنا طير بموت ولا بلا أحباب
وده صوتي ده ولا البيوت بتئنّ؟

الليل بيسدل عالمدينة ستار
يكتِم حاجات وتكتّم الأسوار
وحاجات تبات أشجار من الأسرار
وانا سر قلبي بينكشف عالغصن

الليل بيسحب عالمدينة الثوب
والبرد داخل مالجناب مشبوب
دوّب حوافّ الأغطية.. ويادوب
أهل المدينة بيحتموا بالحضن

39 comments:

karakib said...

أيه الغيبه الطويله دي ؟ شفتك يوم رأس السنه في النيل للمنوعات
ما تبقاش تغيب علينا كتير كده

الخبز و الحرية said...

حاضر يا صديقي:) كل عام وانت بألف خير

maf2ou3a said...

gamila awy
feeha bard we fe nafs el wa2t feeha dafa we 7anan

enta bet7eb el lel sa7??
laken mabal2esh fe she3rak tashbeshat lel 2amar
ghareeba !!!

ma3a enou molhem kol el sho3ara2

7elwa awy
bas 7adretak 3aref eh elly ana moftaqedah el she3r elly betakalem 3an 7abeeba aw 7abib!! 3ala e3tebar eny bent ya3ny:)
7ob ra2ee2 maykonsh fee fora2 7aga yekoun feeha aml

merci ana asfa etkalemt keter bas 7adretak wa7eshtny

albida said...

نورت البلوج يا أستاذ خالد ومنها لله الانفلونزا الحقيرة دى
:)

لو حضرتك هتتكلم على الليل.. يبقى دى منطقتى بقى!! قد ايه أنا بعشقه.. هو اللى بنحلم فيه وهو اللى بندارى فيه عيوبنا ومشاعرنا, وده باين فى القصيدة لماذكرت الجفن والباب والستار والثوب.. كلها حاجات بتغطى واحنا بنتدارى وراها

بس مش عارفة ليه وأنا بقرا القصيدة دى حسيت أن الليل مرادف للحزن والألم؟

manal

Ahmed EIssa said...

اهلا ياعبقري..بس مكنتش اعرف انك بتكتب كلام جامد كدة..انا لسةجديد في موضوع التدوين ده اتمني تزورني..
حاسس من اللي انت كاتبه مش بحزن..بانك بتصور الليل بالطاغية المتحكم في مصير المدينة..يعني فيها قسوة شوية خصوصا لخفاش ادمي زيي بيحب الليل

BaSsMa said...

انا مكسوفة
لسا ماقرتش حاجة
بس اول مالقيتك رجعتلنا بالسلامة
حبيت ابعت سلامي
واقولك وحشتنا جدا جدا
وحمدلله على سلامتك

وعلى فكرة شفت مشهد ليك في اعلان لفلم مهمة صعبة وكانت مفاجأة شكله دور صغير صح ؟ حاستنى الاعلان عشان اشوف الحتة دي تاني (:

باسمه

Unknown said...

رائع يا استاذ

دائماً تفاجئنا ببعض الدرر
مش عارف
المرونة والسلاسة بتجيبها منين

كل سنة وانت طيب
فتحى حمدالله

frozen love said...

(مهور المدينة)

جوه ليالينا الحزينة
والوحدة دابّة في المدينة
ياما الالم فينا انغرس
ياما فسجون من غير حرس
كل الكلام فيها اتخرس
حتى الانين اللي في عينينا
ويّا الدموع فيها اتحبس
كتر الحنين..كتر علينا
كتر تماام..زي النفس
والوحدة دبّت ف المدينة
كل المهووور..من غير فرس

تحياتي..معرفش ليه افتكرتها لما قريت كلامك انا كنت كاتبها زمان قوي وده جزء منها

محمد حامد

غادة الكاميليا said...

وانا سر قلبي بينكشف عالغصن
...........
ويادوب
أهل المدينه بيحتموا بالحضن
.........
أقولك حاجه بجد
افتكرت غنوة منير وهو بيقول خايف أوعدك موفيش
أغطيكى باحساسي متتغطيش
.....
تحياتى للاحساس الرائع

hebaz said...

أول ما قرأتها جت الأبيات ديه على بالى:
ما تمنعوش الصادقين عن صدقهم
ولا تحرموش العاشقين من عشقهم
أكثر من رائعة
فيها برد و دفا فيها ليل و خوف و ظلام و كمان فيها أحلام
تحياتى بجد

أخف دم said...

ازيك يا أستاذ خالد اللى ممكن أقول عليه من دلوقتى صديقى الجديد العزيز
أول مرة أعرف انك بتكتب وبتكتب الكلام الجميل ده كمان وده من سوء حظى طبعا ده بخلاف موهبتك العبقرية فى التمثيل بلا مبالغة..كل سنة وانت طيب..
من يوم ما قلبك نده..وانا قلبى بيعاكسه
دايب فى حبه انما دايما يكون عكسه..
مش هاوصفك بالقمر أصل انتوا مختلفين
نورك طبيعى انما نور القمر..عاكسه!!!

علي الالفي said...

حمد الله على السلامة
ماعرفش ليه مش حابب اقول لك استاذ خالد رغم اعترافي بعبقريتك كممثل و احترامي الشخصي لك
لكن شايف ان وجودنا هنا على اننا اصدقاء يزيل الابقاب شوية
عموما كل سنة و انت طيب يا استاذنا

Ehab said...

حلوه قوي قوي قوي قوي
من كتر الليل هاجي المره الجايه معايا كشاف
:D :D

BaSsMa said...

الله حلوة اوي
تناغم بين الكلمات وحرف القافية النون عامل لحن جمييل
والليل ماأحلاه مايعرفش قيمته غير لي بيسهرو
انت بتسهر يااستاذ خالد ؟ :D

الخبز و الحرية said...

مفقوعة شكرا ربنا يخليك:) انا فاكر اني كتبتها وانا في لحظة تعسة شوية عشان كده شاربة حزن كثير، معلش بقى ده اللي كنت حاسه:)
منال الله يسلمك.. مقدرش اقول اني في اي لحظة بكتب قانون زي الليل حزين.. لحظة ما كتبت دي كنت حزين، فيه لحظات تانية كنت سعيد ومتهيألي بيبان في اللي بكتبه ساعتها فورا.. هو انا بس اللي نكدي حبة الظاهر:)
احمد عيسى اهلا بيك دائما.. بص انا بموت في الليل.. وفي النهار برضه.. في الفجر وفي الغروب.. كل واحد منهم له احساس مركب كده.. جواه برضه حاجات بكرهها.. دي مش غنوة كل الليل دي مجرد غنوة في الليل:)
باسمة احساسك صح وهو دور صغير فعلا بس على الله يعجبك:)
د. ميدو شكرا جزيلا .. انا كمان بحب الشطرة دي:)بحس فيها ان حزني وحزن المدينة ساحوا على بعض.
ايه يا فتحي يا ابا امل يا صوت الجنوب الأصيل:) شكرا على رقتك وكل عام وانت وامل بخير:)
حلوة يا محمد يا حامد:)
غادة شكرا.. بصراحة مش حاسس قوي الرابط بينهم .. اكيد الرابط جواكي انت واكيد صادق.. بس ماحسيتهوش بصراحة.
هبة تحياتي انا كمان بس برضه مش شايف الرابط بينهم.. بس متخيل احساسك بالعلاقة بينهم.. ساعات بتكون فيه حزمة مشاعر بتخرج من "طايفة" اشعار او اغاني مثلا.. حاجة كده.
أخف دم المقطع بتاعك ده:
"من يوم ما قلبك نده..وانا قلبى بيعاكسه
دايب فى حبه انما دايما يكون عكسه..
مش هاوصفك بالقمر أصل انتوا مختلفين
نورك طبيعى انما نور القمر..عاكسه"
بجد مقطع تحفة.. هايل.
يا تفاصيل يا صديقي لو رجعت لأول البوستات زمان حتلاقيني ناشدت الجميع عدم الأستذة وطالبتهم بانهم مايحسسونيش اني بقيت "استاذ خالد" لأنها بنت عم "اونكل خالد" لزم.. وماحدش معبرني:( :)
يا ايهاب لا تقلق حسيبلك نور سلم البلوج والع:)
بسمة 87 انا سهّير قديم حضرتك ومطبقنجي كمان:)

Anonymous said...

ماهو أصل بصراحه صعب علينا اننا نقول غير استاذ خالد
عيب.. المقامات محفوظه برضه
للأسف انا مش قادره أقرا أى حاجه اليومين دول عشان انا عارفه نفسي
هاقول أقرا أول قصيده
والاولى هاتجر اللى بعدها ولحد الأخر
انا امتحانى بكره , وحبيت أسلم عليكم فى السريع واقول وحشتونى وحشتونى وحشتوووووووووونى
وكمان ادعولى

الخبز و الحرية said...

انت كمان وحشتينا يا وينكي.. انا ومعايا جيهان بنتمنالك كل التوفيق بكرة ان شاء الله.. طمنينا لما تخلصي:)

ابوجلال المصرى said...

السلام عليكم
اخى الكريم اشعارك التى مررت بها ملئتنى احساس بالسكينه والحنين وكأنى اعود الى وطنى من جديد ..اشكرك وفى انتظار مزيد من كلماتك..
مشرف بجماعه شعراء العين باالامارت

Memo said...

ان ان اااااااان و كانت المفاجأه الرائع جمال عبد الناصر بيكتب في بلوج صراحه انا مصدقتش نفسي لما شفتك صدفه في المهندسين زهلت واول ما فتحت البلوج زهلت برضوه مش عارفه ليه
بس لو ممكن اسجل اسمي في كشوف المعجبين بالممثل والمجسد القدير
تحياتي

الخبز و الحرية said...

شكرا جزيلا ابو جلال وتحية حارة مني لكل زملائك ورواد جماعتك.
ميمو ده كلاب كبير قوي عليا متشكر جدا:)

طارق مكى said...

حمد الله على السلامة
والقصيدة جمد جداجداجدا
ودة مش جديد على أ/خالد

الى ديمن قصيدو بتعجبنى جدا

Anonymous said...

أنا جيت تانى
الامتحان كان فى منتهى السهوله
وانا كنت فى حاله يرثى لها من النسيان
دماغى تحولت لصفحه بيضااااا
ربنا يستر والموضوع يعدى على خير
شكرا ليكو ولدعواتكوا يا شباب.. أكيد الموضوع كان هايبقى أنيل من غيرها
بس مين جيهان دى؟؟

Anonymous said...

انا بجد متأسفه يا أستاذ خالد لو كانت طريقه كلامى رخمه حبتين
لكن يعلم ربنا انا حالتى عامله ازاى دلوقتى.. انا باكتب الكلام دا وانا معيطه وحالتى بالبلا
وكتبت شويه بوستات عندى آخر نكد
شكرا ليكو بجد مره تانيه
وقول لجيهان ميرسى كتير , وان كنت اتمنى انى اعرف هى مين

الخبز و الحرية said...

طارق متشكر جدا.
وينكي مش مهم ماتفكريش في اللي فات خلاص. وجيهان دي صديقتي:)

Eve Masr said...
This comment has been removed by the author.
Eve Masr said...
This comment has been removed by the author.
Anonymous said...

غراب البين رجع ينعق تانى
انتى يابتاعه انتى مازهقتيش؟؟
ولا انتى ماعندكيش دم ولا احساس و فقدتى معنى الكرامه اصلا
قلنالك قضيتك خسرانه..بتهبهبى تانى ليه؟؟
كفايه بقى تجريح فى الناس
دا منظر واحد خايفه علينا ده؟؟
انتى مالك..محروقه ليه
ماتغورى ف اى داهيه بقى

Eve Masr said...
This comment has been removed by a blog administrator.
Anonymous said...

سبتلك ياختى الشتايم والردح لأنى أرقى من الأسلوب السوقى ده
مش هاتصلل لأنى عارفه سلفا انك كدابه
عرفنا انك كدابه من ساعه موقف نبيل واللى طلع كله مكيده منك
ياريت تبطلى اسلوبك ده
كفايه بقى.. هو انتى فاضيه للدرجادى؟

الخبز و الحرية said...

وينكي ماتعبريهاش.. دي انسانة مريضة ولولا كده كنت حبستها.. الغبية مش فاهمة انه سهل جدا دلوقتي تقتفي أثر أي حد بيعمل كده.. فيه ادارة جديدة اسمها مكافحة جرائم الحاسبات والشبكات .. وحتى لو بتتكلم من نت كافيه حيجيبوها.. بس انا برضه بقول تلاقي اهلها ناس غلابى ومش ناقصين بلاوي.. هم طبعا ماعرفوش يربوها ويستاهلوا يتهزاوا بس برضه حرام البهدلة.. غبية وممكن تلاقي نفسها محبوسة ومستقبلها بيضيع واهلها بيتمرمطوا لمجرد اني رفضتها وهي سماوية وحتموت نفسها من الغل الغبي. طنشيها.. كلب وبيهوهو.. النمر اللي بتحطها دي نمرة صديقتي ونمرة أختي ونمرة زميلات في الشغل.. وانا واثق ان كل اصدقاءنا مش حيتصلوا بأي نمرة تحطها الشخصية القذرة دي.. وربنا يشفي. المهم امتحاناتك عاملة ايه؟ ده احنا مراهنين على قدراتك الفلكية عيب بقى:)

Anonymous said...

هههههههههه
يالهوى
مره واحده كده حسيت ان مستقبل دوله البلوجريه متعلق فى رقبتى
:P
اتطمن يا سيادة الريس
كلها اسبوع وراجعالكوا تانى مرفوعة الراس
بس انتوا حضرولى حفله محترمه يوم النتيجه
وكل واحد فيكو يجيبلى شيكولاته
اوكى؟

كلبوزة لكن سمباتيك said...

تحياتي لمغزل كلماتك الرشيقة

Reema said...

الليل في يعني قمر14 ونجوم منورة في السما
جمالهم بيحسسك انك معاك الدنيا ومافيها
هو الصمت والسكون واحساس الوحدة وطول الغياب, الليل زي مافي حاجات جميلة فيه حاجات بتوجع

كلامك رائع واحساس عالي..

BaSsMa said...

أستاذ خالد وجميع الاخوة الكرام
ارجو منكم زيارة بلوجي المتواضع
في أول موضوع ليا

باسمه

Blau Lilie said...

hi there ,,actually i don wanna post any comments or anythin , it"s just i"m interested in ur writings it seems a good stuff ,,
..i luv poems & literature an i write too sum times but mostly in english coz ma arabic isn"t dt well as beside i"m more into colours , paintin ,photograh , graphic design an such stuff as i adore art & philosphy , i c it"s all one zone coz it"s all about feelings about hw do u picture d life
...so i c dt u got a thing ,,we can do sum chatin or we may do sum work together later ,,i can"t put ma mail here ,so gonna wait 2 hear from u
......c ya

كلمه said...

الليل بيسحب عالمدينة الثوب
والبرد داخل مالجناب مشبوب
دوّب حوافّ الأغطية.. ويادوب
أهل المدينة بيحتموا بالحضن


7elwa 2wy el7etah de
7ast.ha 2a5er 7aga ..... btw this is my 1st time her & i liked it mush

Blau Lilie said...

...here"S ma new blog ..ma_lili

أشرف حمدي said...

صديقي خالد
أنا اشتريت فيلم عمارة يعقوبيان علي اسطوانات
الأصلية طبعا مش المضروية :)
مش عارف اقولك ايه بس انا بقيت مريض بالفيلم ده
مش حتصدق لو أقولك اني بشوفه كل يوم
خاصة مشهدك أمام الصورتين
حسن بيه ومدام رشيد !

ياريت تشوف لي علاج من الحالة دي

الخبز و الحرية said...

أشكر الجميع على التعليقات الرقيقة واعتذر على التأخر في الرد:)