Thursday, January 27, 2011

عرفتِ بقى أنا ليه بعشقِك؟
لأنك أصيلة
تغيبي تغيبي.. وفجأة تجيبي عيال من دهب
تموتي تموتي وفجأة تموري بعشق الحياة
وتتولدي ثاني.. يا بنت الأصيلة
يا ست البنات
واعود بعد غربة ثقيلة
واقوم بعد موتة طويلة
ألامس وجودي.. واطبطب عليكي
ونكوي جراحنا بِخَلّ ولمون
ونحضن نخيلنا الجنين اللي طالع ما بين الحجر والحصى والسراب
ويكبر وليدنا اللي شق بصراخه جدار السنين العجاف الرزيلة
يا أحلى الحبايب
يا بنت الأصيلة
يا طعم الوجود

27 يناير 2011

20 comments:

Walid said...

يسلم فمك

Abdelhameed Gamal said...

allah :)

حاجات جوايا said...

والله انت اللى انسان جميل
انت وكل الفنانين الشرفاء
ربنا يكرمكم
ده اللى بنستناه منكم

تحياتى لك

мαησηα said...

صباحك حرية يا استاذى :)

ومين منا لا يعشقها ويعشق

ترابها ونيلها

صدقت وابدعت حين وصفتها بطعم الوجود

تسلم ويسلم قلمك

Zeina Ramadan said...

Khaled.
Simple and very beautiful words from a person who really love her (the country) he is describing.
Zeina.

Ahmed said...

تغيبي تغيبي.. وفجأة تجيبي عيال من دهب

خليكوا معانا .. تأثيركم بيبقى مباشر
وإن شاء الله الحرية لينا

boutaina said...

Salam
May Allah help you in your fight for liberty and democracy

Anonymous said...

تحيا مصر

leeno said...

ان شاء الله اكتب التعليق الجاي و حلمكم اتحقق

Anonymous said...

انا عايزا اقول لحضرتك حاجه وحده انت بقيت كبير جدا في عيني وانت حد يستحق الاحترام امانه عليك ما تشتركش في الكوميديا الهزليه الي هيعملوها الممثلين بكره
امانه عليك علشان هما شايفين ان شباب التحرير قلة ادب ومندسين وحسن يوسف شتمهم بشتايم وحشه
يعني لو كان ده رأيهم الحقيقي ي حسني مبارك ليه ما قلوش كده والناس كلها بتهتف ضده ولا انو مستنين المواضيع حترسى على ايه ولكان النظام سقط من يوم 25 كانو زمانهم دلوقتي بيمدحو في شباب التحرير وانهم شباب الثورة
ممثلين كثير كان ليهم اسم ودلوقتي في نظر ناس كثير بقو ولا حاجه
انا اسفه بس هي دي الحقيقه

وينكى said...

ياترى لما كتبتها كانت عنيك مرغرغة بالدموع زى مانا حسيت لما قريتها
كنت حاسس انك نفسك تحضن كل شبر فيها وتبوس كل ذرة تراب من ارضها؟
نفسك تشد على ايد كل راجل حقيقي فيها وهو بيرفع اعلى صوت وبيهتفلها او وهو شايل سلاحه المرتجل عشان يدافع عنها

اعتقد ان اللي انت كتبته دلوقتي ردده عقل وقلب كل مصري فى ايام الحسم اللي فاتت
تسلم ايدك :)

Sally Abdrabou said...

بجد احساس جميل لمس مشاعرنا

sohaila said...

رائعه يا استاذ خالد فعلا قويه ومؤثره
وانا فعلا اتاكدت ان مصر مليانه رجاله

Amal said...

adesh enak ensen kbir w jowetak 7elo
raja3to el amal la kel el 3alam eno masr wleda men dahab w t7amalo kteer bas hala2 ree7 el thawra habet
ya ret fee metlak fenenin kteer

Mona said...

يا أحلى الحبايب بنعرف أد إبه بنحبك يوم ماتبقي في شده وبنستعد نضحي بحياتنا بس تعيشي رافعه راسك

Anonymous said...

كرامة لكل ما له كرامة في مصر، لكل ما هو حي، لا تنتقلوا من تحت سلطة كلب إلبى تحت سلطة ضبع. يعني بالفلسطيني: لا تنتقلوا من تحت الدلفة لتحت المزراب. الضبع سيمزقكم بلا رحمة إذا تمكن منكم. أصمدوا أصمدوا أصمذو عنكم وعن كل أحرار العالم

Ardor said...

YOU ARE ADORABLE!!!!!!!!!!!!!!!!!!!!!!!!

Noha Ali said...

تحفة
:)

وفـــاء said...

كلنا بنعشقها و بنعشق ترابها و هواها و زحمتهاو دايما عيالها دهب دهب و ربنا يبارك فيهم وفيك يا فنان . أمانة عليك ما تتغير فى يوم علشان أنت كمان دهب

وفاء

Anonymous said...

rabena yostor we ye7fazha