بحب سوبرمان.. بهبله، بقوته
وبالبتاعة اللي في قفاه طايرة بآخر سرعته
وبالجوانتي الصلب، وحزامه الغبي
وأضحك قوي على ضحكته
لما بيشتغل العيال
ويكركعوا وياه بحب
بحب سوبرمان قوي
علشان قوي
يقدر يجيب الظلم من ياقة قميصه
وقصاد جميع الناس يهتُّه ويكْرِتُه
وياخده نص.. يبعتره، يمسح كرامته
ولولا بس حرام وعيب
لكان يتف في خلقته!
بحب سوبرمان أمير الغلابة
المفتري عالمفتري
صعب المِراس العنتري
أبو كلمة سيف وقلب مرمر
وعشان قاتلني العشم
بقول: أكيد بيعزني!
بحب سوبرمان
وحاخده كام مشوار كده
ما بين طرة والعباسية
نشطَّب الفيلم الرديء
ونطير بحرية
29 comments:
انت بهذا اثبت انك صاحب مبدأ واصيل اصالة بلدك وعراقة النضال فى اعماقك لك منى التحية الواجبه ويارب ما يضيعش تضحيات من سقط شهيدا او جريحا سدى ..... قلبى موجوع وموجوع اكثر لان الظلمه والفاسدين يعيشون برفاهية برعاية اعداء نصر الثوره ...... ليتنى اكون معكم .. لكنى كفلسطينية اخاف من ابعادى لو شاركت وانا لا استطيع العيش ولا الذهاب لاى بلد ... معكم كل القلوب النقيه .
والله أنت في نظرنا سوبر مان وبات مان وفرافيرو كمان ربنا معاك ومع كل حد محترم في البلد دي ويقدركوا تشطبوا كل الأفلام الردئه في البلد دي
كل سنه وأنت طيب
تسلم ياأستاذ خالد حلوه كتيييييير
Mr. Superman
I hope to take Egypt and fly freely and toward freedom
All of us love u :)
كلمة روعة شيء قليل ، فعلا الواحد زهق و نفسه الروتين الغبي اللي في البلد يروح ، الواحد نفسه في حل سريع بعد 9 شهور من الانتظار ، نفسه فعلا في سوبرمان ماهو الواحد مش قدامه غير الخيال عشان دي الحاجة الوحيدة اللي الحرية مضمونة فيها
هو فين سوبرمان
تاخر قوى !!
حلوة اوى
تحياتي
رائعة ! أكثر من رائعة أستاذ خالد.
ya reit kan 3andena Superman!
I like it awi ya Khaled!
Simple w monasba awi lel a7das! :))
يا ريت نصحى نلاقي مننا أتخلق كام ولد شداد عُفاي يجي ما يجي السوبر مان جنبهم ويطلع هفق ... ونسيبنا بقى من النسخة الأمريكاني و نفرجهم على أبن البلد فتوة في الحق و رد المظالم حمل وديع في حنيته على الوجيع الغلبان أللي أدفن وغطى تراب الظلم جتته ما عدت تفرق بينه و بين أرضه أللي فيها أتولد
اناكمان بحب سوبر مان .بس انا مش زيك فنان ومش حريف فى رص الكلام........أجمل تحيه وأكبر تقدير سلام
سوبرمان مش بطلك لوحدك
ده بطل نيتشه من قبلك
من قبل ما الأمريكان
يخترعوا سوبرمان
نيتشه قال للعالم زمان
إن كل إنسان
يقدر يبقى سوبرمان
لو دخل جوه نفسه
وعرف هو مين
يقدر يطير بنفسه
ويخلص أي فيلم مهين
وانا كمان بحب سوبر مان
مبدع يا استاذ
ربنا يوفقك
بس تفتكر انهم لسه في طره ... مجتش ايد خفيه من اياهم و طيرتهم ... انا هدعيلك انت و سوبر مان تجيبه طره من ديله
خالد
حبك لسوبرمان مالوش غير معني واحد وهو انك بتملك قلب طفل .بكل براءه الطفوله وقلبها الابيض اللي لا هو اسود ولا كاروهات . عايزه اقولك حاجه عجبي دورك في خاتم سليمان كنت دايما بقول علي نور الشريف انه السهل الممتنع بس بصراحه وبجد من غير مجامله انت تفوقت عليه . ممكن يكون الورق مكتوب حلو بس الاداء مش بيكون بحلاوه الورق انما انت اداءك ياعم خالد تفوق علي الورق .دي شهاده وحده بصراحه كانت زمان بتكرهك جدا بس زي مابيقولوا سبحان مغير الاحوال . وعشان كده ده لنك مدونتي ياريت احظي بمرورك ويبقي يابختي لو لقيت تعليق منك الله علي كده .تحياتي لمعاليك > زهرة البنفسج
http://laialymasria.blogspot.com/
تحفه تحفه بجد ... و بدر الفجر كمان تجنن . بس الحوافريت زعلان منك من كل قلبه ..حزين حزين حزين
حلوه عجبتنى
ثقافة الهزيمة .. عصابة البقرة الضاحكة 2
و عن لسان الوزراء فى مارينا مصيف الصفوة السياسية يقول أحد أفراد الأمن بالمنطقة أول فيلا هنا أتبنت كانت لإبراهيم سليمان وزير الأسكان السابق بعدها حدد الناس اللى تسكن المكان، خصوصا أنه أهدى علاء وجمال أبناء الرئيس السابق قصرين على بعد خطوات من فيلته، ثمن الواحد منهم يعدى الـ 40 مليون جنية ( حوالى 7 مليون دولار ) ومسجلين بأسماء هايدى وخديجة زوجاتهم.
و أستطرد: فى لسان الوزراء يسكن إيضا أحمد شفيق رئيس الوزراء السابق وهو عضو فى أتحاد الشاغلين بمارينا، والوحيد من الوزراء السابقين الذى جاء بعد الثورة إلى مارينا، و له فيلا يقدر ثمنها الآن من 15 إلى 20 مليون جنية ( حوالى 3 مليون دولار ) ونفس السعر لفيلا نائب رئيس الجمهورية السابق عمر سليمان ... باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى www.ouregypt.us
مصر كلها تتساءل لماذا لم يتم للأن التحقيق مع أحمد شفيق و عمر سليمان بشأن ممتلكاتهم؟!!!
علشانك فاكر ان الدنيا بريئة بتحب سوبرمان وعلشان قلبك بيبرق زى الماس متعرفش انه خيال لان الدنيا مش بريئة
مش عاوزه احبطك بس احنا عاوزين اكتر من سوبر مان
جزاك الله خير
www.ramdoun.com
أستاذ خالد :
تحياتي وإحترامي لشخصكم الكريم ؛ مش بجامل والله هتكلم معاك بصراحة حبتين: في الحقيقة مكنتش مركزة معاك في البدايات كمان دور زي دورك في عمارة يعقوبيان نفرني منك ومش بس كده وكمان من " باسم سمرة " وقولت دول حطوا روحهم في خانة اليك ومش هيعملوا أدوار تاني !!!, وده طبعاً من سذاجتي!!والحق يتقال إستطعت بأدوار زي الدكتور النفساني في " كده رضا " و الغيور في " ظرف طارق " أن تغير من جلدك تماماً ؛ولكن أهم نقلة كانت بمسلسلي : " أهل كايرو و خاتم سليمان ".رائع وأكثر من رائع
دور الدكتور " سليمان " بيتهيألي هتفكر ألف مرة قبل ما تعمل أي عمل بعده، انا بتفرج علي المسلسل لإول مرة لإني في رمضان مش بعرف أتابع مسلسلات ، لكن سمعت إنه خرافة بشوفه دلوقت علي قناة ال " mbc4 "تقريباً الحلقة رقم 10 بس من قبل تيتر البداية ما ينزل المخرج الحقيقة شوقنا لمعرفة هذا البطل غريب الأطوار إللي جاي من زمن الحواديت أو من المدينة الفاضلة.
في الحقيقة د.سليمان الحويني : هو سوبر مان، هو أمير الغلابة ياريت يكون فيه منه بتاح عشرة عشرين !!؟
يااااااااه لو كل واحد ربنا حباه بالعلم وعلم علي الأقل خمسة من إللي حواليه في عمارته ، في الجامع إللي بيصلي فيه ، ويا سلام بأه لو كان معاه علم وفلوس والله هنقضي علي سلبيات كتير وحنبقي إيد واحدة علي الفقر و الجهل والزبالة والقهر والتسلط والغشومية ....إلخ.
أنا رغيت كتير أوي آسفة يا أستاذ.
تحياتي وإحترامي ودعواتي لك ولبلدنا بكل الخير والصلاح إن شاء الله.
بس انا بحب بات مان
ماشاء الله
http://www.tjaraldoha.com/vb
بإمكان كل واحد منا أن يصبح سوبرمان بمبادئه و بوقوفه ضد الظلم.. بقولة "لا" للفساد
إذا حدث هذا، فلن نحتاج لا لسوبرمان ولا لباتمان
لك مني كل الاحترام والتقدير
صباح أحمد
سلطنة عُمان
أشكركم جدا جدا ده أولا، أشكركم على المتابعة والاهتمام بالتعليق وعلى فكرة مهما كان التعليق نقدي فانا برحب به طالما انه مش حيجرح اي قاريء. ثانيا انا بعتذر جدا جدا لاني مش برد باستمرار على التعليقات بس انا بتفاعل بشكل شبه اسبوعي او كل اسبوعين مع الاصدقاء على الفيسبوك، طبعا مستحيل اتخلى عن المدونة وبقرا كل التعليقات لاني اصلا لازم اسمح بنشرها وده كان سببه ان كل فترة كده تطلع شخصيات ماجورة تهاجمني بسبب مواقفي ضد السلطة ولكنها طبعا بتلبسها اثواب قذرة وعبارات منحطة، انما بكرر تاني، لو عاوز تقولي ان كتابتي سيئة او ما شئت من انتقاد فعلى الرحب والسعة انا مش بمسح الا الاشياء المنحطة سواء كانت ضدي او حتى مديح ليا في قالب مبتذل. واخيرا اهميتكم عندي مش حتقدروا بجد تتخيلوها.. الكتابة هي نشاطي شبه السري اللي عشت عمري استلذه ولم انل حظا من التواصل به الا بفضلكم من اول ما انشات المدونة ، انا بحبكم لانكم رديتم فيا الروح واتمنى دايما نكون على تواصل واسمع رأيكم . وابقوا شرفوني على الفيسبوك والموقع لما يكون عندكم وقت. حبي واحترامي لكم جميعا. خالد
برضه بكرر.. الفيسبوك لا يغني عن المدونة.. معلش حبيت بس اوضح اني مستمر في التفاعل من خلالها باذن الله دائما
بجد إنت مبدع ربنا يحفظك لينا
شكرا لكم .. دائما موقفيين ))
entrümpelung
entrümpelung wien
شكرا على الموضوع
Post a Comment