Monday, February 07, 2011

ثلاثين سنة

ثلاثين سنة يا شيخ حرام
جَوَّك أليم
شكلك قديم
لأ والأكادة انك حترحل بعد عمر.. طويل.. طويل
وتسيبلنا الواد الثقيل
يلعب في باقي عمرنا
شوف الدماغ بنت الحرام
يا شيخ حرام

الثورة بكرة يا سيدنا فوق
ده بكرة تحت حيبقى فوق
واللي اتفحت من نور جنابك عمره كله واتخنق
من حسن حظه يجيله يوم.. منك يفوق

بتلوم عليا طول لساني؟
لوم عليك طولة إيديك
مطرح ما اقول ألقى القلم
ومنين ما اروح.. متقفلة
الشاب عجّز من زمن
وبلدنا سقطت مرحلة
انت اللي فاهم كل دبة وحلها
وانت اللي عارف إيه الحلال وإيه الحرام
وانت اللي أطول مالجميع
وانت اللي أحكم من حكم
وانت الحكم، وانت العَدَل
وانت الهرم، وانت الصنم
وانت الحقيقة المزمنة
وما خفي فيك.. ما أعظمه!
إسكندر المقدوني بس طراز جديد
جثمان حديد
فؤاد جليد
وعقل أغرب مالخيال

وحق عشرتنا الطويلة يا شيخ بقى
إخلع بقى
فرصة المطار فاضي ومالطة مريَّحة
والشغل مش على ودنه لسه يا عرب
ده الجاي لوز عالناس، وعلقم عالردي
لون الحياة يرجع فَروزي
والناس مزاجها زمردي
واديني يد على يدي
والنعمة تكفي.. ونكتفي
بس اختفي

26 يناير

34 comments:

Unknown said...

الله بجد على الكلام يسلم قلمك واحساسك بجد طلعت اللي كنت عايزة اقوله،انا حاولت اكتب بس معرفتش من كتر الغضب اللي جوايا مسح الكلام من دماغي كان نفسي اطلع الاحساس واحطه على الورق وانت بكلامك عملت ده...
بجد ثلاثين سنة يااااااااه ده لزقة انجليزي مفيش كلام وكل يوم افتح الجرنال الاقي مكتوب عن الانجازات العظيمة طيب خلاص كفاية عليك انجازات وخلي غيرك ينجز .بجد خلاني اصدق مقولة عادل امام لما قال هو فيه زعيم بيموت يا باشا.

بجد كلام اكتر من رائع

بسمة الورد عطر المشاعر said...

الله عليك ايها الشاعر الثائر

كلمات حضرتك معبر وراقية المعانى تقبل مرورى على مدونتكم الراقية
احترامى

Anonymous said...

بكرا اللي فوق ح يبقى تحت
كمان حبيتين

Unknown said...

7eloa 2awy ya khaled

حاجات جوايا said...

جميلة جميلة جميلة
تسلم ايدك ويسلم موقفك وتسلم وقفتك انت وفنانى مصر الشرفاء

تحياتى لحضرتك

Unknown said...

بجد احترامي ليك بيزيد يوم عن يوم
ربنا معانا كلنا ومع مصر من قبلنا
شعر اهو مش لوحدك يعني
دورك ف اهل كايرو جامد اوي وبجد انا لقيت نفسي باتابع المسلسل من غير ماحس ربنا يذيدك ويوفقك
ياسر اسماعيل ( مسرحي ) .

Unknown said...

بجد سلمت الانامل يا فنان يا عظيم

Unknown said...

خــــالد ... بجد أحترمك و أقدرك جدا

و على فكره حمسني أكتر إني أشترك في ثورتنا دي و أنزل للشارع وجودك أنت وكامله أبو ذكري و السيناريست الرائع علاء عزام
يا ريت كل الوسط مبادئه ثابته زيكم

عماد سمير said...

ياريت يسمع الكلام ويرحل مش عايزين محاكمه يحل عنا بس ويسيبنا واحنا هنصلح مصر أن شاء الله

oOosha said...

بس اختفي

.......
يا رب

Anonymous said...

مش معقول قديش تمساح رئيسكم. كنا نتمنى انه ياخد له شي ترمس قهوة وشوية كعك ويعمل بيكنيك على جهنم الحمراء حتى نعرف نعيش بقالنا 18 يوم لا عارفين ننام ولا نقوم ولا ناكل ولا نشرب ولا نشتغل. البيت عفن والغسيل صار جبال. شو ما فيش ورانا إلا تيرانوساوروس ركس؟ العمى بعيونه شو بلا دم.

Zozo said...

مش ممكن يا أستاذ خالد كانك بتقول ايلى جوانا كلنا بس مين يحس ومين يفهم طبعا أنا متأكدة أن بعض خطاب الريس الأخير هيتقبض علينا كلنا سواء ايلى فى الميدان أو أيلى فى البيوت ربنا يسلم بلدنا وولادنا ويسترها علينا كلنا بأذن الله أجمل تحية للممثل البطل المحترم الراجل بجد خالد الصاوى

الـسـيـدة نـون said...

تسلم ايدك يا خالد

اسمحلى هانقلها عندى على المدونة

وماتخافش هاقول انك انت اللي كاتبها


سلام

اختك خيخة

بدرالدين66 said...

طاغية و معندوش كرامة
ما يحبش لشعبو السلامة
يضحي بيهم من غير ندامة
يا جيش كن للشعب دعامة
و قل للظالم مع السلامة
الناس كرهت حكم القوامة
راح يواصل نضالو بصرامة
من غير أسف و لا ملامة
إرحل اذا بقتلك ذرة شهامة
حزبك في مزبلة التاريخ قمامة
لقد صرت صقرا ولم أعد حمامة
و سأواجهك بكل حزم و صرامة
سأترك بصمتي للاحرار علامة
ارتكبوا أعمال غاية في الشناعة
لا يستحقون الغفران و الشفاعة
يبدون الرقة و التفهم و الوداعة
لو صابوا لاحرقون بمية ألف ولاعة
لقد صاروا اليوم أهون من الفقاعة
أرهبوا الشعوب بالكرباج و الاشاعة
انتهى زمن الترقيع و الهف و الرقاعة
انتهى زمن الكذبات المنمقة الخداعة
و الشعب استلم مصيره من مية ساعة
الجيش للثورة طمأن و بارك
رفض المشي في مسارك
الشعب رافض نهائي قرارك
ارحل و ألتحق بالزين جارك
تخلى عنه الامريكي جنرالك
اسمع الشعب قال لا يا مبارك
أقدار الناس لا تلتقي مع أقدارك
أخرج .أخرج و خذ معاك عارك
و نحن لك و لنظامك الان نفارق

Unknown said...

ألف مبروك ياخالد

Anonymous said...

العمى بكرشه جاب لنا العصبي والربو وداء النقطة والقلب وديق خلقنا. يخرب بيته شو تنح وبهيم. أنا مش قادرة اتصور كيف حيوان زي هيدا كان ملوع الامة العربية كلها من اولها لأخرها.

روحة بلا رجعة ودرب تصد ما ترد كسروا وراه كل شي في فخار بمصر.

ألف مبروك والحمد لله على السلامة

Anonymous said...

االسلام عليكم هنيئا لكم النصر العزيزهي بداية الطريق لا منتهاه الشعب لا يجب ان يغفل عن حكامه مهما وثق بهم فالسلطة تغيرالنفوس وكل مااخشاه على ثوارنا وحكامنا هو النسيان وقد كانت افة حارتنا النسيان كما قال نجيب محفوظ
الف مبروك لاحبائنا المصريين وعقبا للحبايب وتحية احترام و تقدير لحضرتك على موقفك المشرف

ابوجلال المصرى said...

السلام عليكم
اخى اولا وفنان مصر ثانيا
ورجل المواقف ثالثا
تحياتي الخالصه لما قدمت ولموقفك النيل الواضح الذى تمنيت ان يميل اليه كثير من الفنانين
شكرا لك

هاتون said...

كلام تحفة اخر حاجة ولذيذ جدا يا رب دايما ناجحيين

بحبك يامصر said...

مبروك يا خالد
بجد انا سعيد بيك
وعجبتنى كلمتك اوى لما قولت انك تحب تسجل رأيك مش تستنى تشوف مين هيكسب وبعدين تنحاز له
هو ده الفنان الحقيقى يكون واحد من اهله
حاسس احساسهم عايش مشاكلهم
اما بقه بالنسبه لرأيى فالشعر بجد انت فنان كلامك جميل ومعبر

howa keda said...

يا تري حضرتك حتعمل فيلم عن الثورة

Noha Ali said...

حلوة ماشاء الله طالعة من القلب ووصلت للقلب
ربنا يثبتنا ويهدينا لما يحبه ويرضاه
اللهم آمين
:)

منه مرتجى - عازفة الأوتار said...

تلاتين سنة
و الذكريات متملكة منها الألام
تلاتين سنة تايهة الخطى وسط الزحام
وسط الفساد
وسط البكا وسط العناد

الحلم قام
الحلم قام فجأة و نطق
مش بالكلام
مش بالكلام ترجع حقوق متفرقة
على حسنى باشا و شلته

و الشيخ جمال
قائد فى موقعة الجمال
بل بلطجى ...

و الحزب كان حاكم ميحكمشى
و كتب سيناريو لفلم مكملشى
وقف و قال الشعب: انا غيرى ميقولشى
و أنا قلت ارحل .... و الترجمة: إمشى

*****

رائع يا استاذ خالد بجد
حضرك شخصية جميلة
ربنا يحميك و يحمى شباب مصر اللى زى حضرتك

Unknown said...

بجد يا خالد مش عارف أقول لك إيه
ربنا يخليك لنا و لمصر
إنت نموذج الشهامه المصريه و مثلي الأعلى في الإخلاص و الإجتهاد

جواد said...

يعطيك الف عافية على الخاطرة الجميلة

تقبل مروري وشكري

www.5aleej.net

Unknown said...

كلام جميل بسيط و معبر فعلا

HoneyBee0608 said...

كمل كتابة...إياك توقف كنابنك..ماتسبش المدونة
ليك كل احترامى
شعرك بسيط صادق كالعادة
استمرررررررر

Anonymous said...

جميلة جدا جدااااااااااااااااااااا على فكرة اول مرة اشارك بالرأ خارج عائلتى فى الفيس بوك رغم اعجابى الشديد بفنك وشخصك الا كان عندى شك فى كل الكلام والناس لاننا بنتكلم بس لكن واه من كلمة لكن الثوووووووووووووورة
حقيقى رجعت ليه الثقة فى الناس وفى انتمائتهم يارب كون معانل وايد فى ايد ان شاء الله مصر رجعةلنا

جود الحزن said...

السلام عليكم

لقد مررت هنا بالصدفه ..
ولكنها لن تكون صدفة في المرة القادمه..
قصيده معبره.. من القلب للقلب..
انت تقول ثلاثين عاماً..
اما نحن فنقول مئة عامٍ او يزيد..
هنيئاً لكم ياشعب مصر..
وهنيئاً لمصر بشعبها..

كل التقدير ايها المبدع فناً وكتابةً

دمت بخير

Emtiaz Zourob said...

يمكن بكلماتك البسيطة وصلت الفكرة والاحساس اللي في قلوبنا جميعا .. على الرغم من انه انا مش مصرية بس مصر هي بوابتنا للعالم .. كل الاحترام والتقدير من شعب غزة لكل من يحمل لقب مصري .. رجعتم ثقتنا بأنفسنا من ثاني .. حفظ الله مصر وشعب مصر ..
تقبل خالص تحيتي واحترامي.

عبدالله عارف said...

أستاذ خالد .. أنت مثال حي للفنان الحقيقي

تقبل تحيتي ومروري على مدونتك الأكثر من رائعة لروعة صاحبها

zuhaira sabbagh said...

كلامك قاطع متل سيف الحق
تحياتي من فلسطين
زهيرة صباغ

raad alrousan said...

ارجوا المعذرة .....
عرفتك عبر الشاشة ولم اهواك كثيرا"....
صدى الثورة وارائك فيها جعلتني ابحث عبر الشبكة عن خالد الصاوي.
وهذا بحث امن البحوث التي اعتز بها لأنني عرفت خالد الصاوي الانسان
شكرا" لك ولقلمك وفنك
كل الاحترام والتقدير
رعد الروسان - الاردن

Nermeen said...

رائعة .. رائعة .. رائعة ..