Thursday, March 18, 2010

يمكن ماكونش

يمكن ماكونش ركعتها ياما
وعشت عمري ف بند (مَنْ يعصى)
فكيت خبايا الكون بهلوستي
وسقت فيها لحدها الأقصى
يمكن ماكونش المؤمن اللعيب
حاجزها دنيا ودين.. ومذاكر الحصة
لكن وقسماً باللي نور الكون
واللي في قلوبنا جميعا نعرفه ببصة
مع كل عشقي للحياة أنا اموت..
علشان يعيش المسجد الأقصى

37 comments:

leeno said...

الله

ربنا يتولانا و يحرك عزيمتنا بقى للأقصى و لكل مقدساتنا

Zeina Ramadan said...

Khaled.
Thanks for this honest, pure and sad words.
They have a special impress…
Wonderful, is your description of your will to give up anything and everything for a higher believe.
May God protect you.
Zeina.

fooo2sh said...

ربنا يوفقك يا استاذ خالد

اخوك الصغير محمد فؤاد :)

marrokia said...

يآآآ
اجمل كلام
من شاعرنا الرائع

kalam-wel-salam said...

بجد تسلم ايدك
تحياتى

الـسـيـدة نـون said...

يخرب عقلك

ايييييييييييييييييييييه اللى انت بتعمله فى المراغي ده؟

انا بقعد اتنح قدام التلفزيون

ادائك وهمي يا خالد

برافو عليك

اسمحلى انحنيلك وارفع لك القبعة


سلام
اختك خيخة

بحبك يامصر said...

جميل يا نجم الشعر
والاجمل المعنى اللى فيه ان فعلا بكل انتمائتنا سواء كنا ملتزمين او لاء فاحنا بنحترق عشان الاقصى

Tears said...

معلش انا ح اعلق تعليق جايز لا ينول اعجابك لكن ده رايي

ايه فايدة الصراخ و العويل و الاغانى و القصائد على المسجد الاقصى او فلسطين بشكل عام؟

بمعنى اخر و بعدين....استفدنا ايه؟

هل لما كل واحد يكتب يبقى كده عمل اللى عليه و خلص ضميره؟ احنا بندعى بقالنا خمسين سنه و الوضع بيزداد سوء لاننا خلطنا بين مفهوم التوكل على الله و التواكل على الله

القضية فى ضعف بلدنا لان لولا ضعفنا لكان العالم عملنا الف حساب و كنا دولة محترمة يحترمها العالم و يسمع صوتها لكن اللى حصل ان سلبيتنا و خنوعنا للنظام الفاسد اللى متحالف مع قوى الظلام الدامس و سايبلها الشارع بينخروا فى جسد الوطن من زمان و بينهبوا ثرواته و بيتمادوا فى اهدار كل موراده حتى البشر طفشوهم و خلوهم رموا نفسهم فى البحر

يبقى الجهاد الحقيقى و الدفاع عن الاقصى يبقى بأنى اقف اولا فى وجه سلطان جائر بياخد من جيبى و يدعم المواطن الاسرائيلى و يوفرله الطاقة

الجهاد و الدفاع عن الاقصى بأنى اتخذ موقف مع ضعفى الداخلى اولا و اسعى الى اقامه حياة نيابية سليمة على اساس ديمقراطي لان الجمهورية البرلمانية كفيلة بتنقية الاجواء و ارساء مبدأ المحاسبة لا الالوهية للحاكم و الحاشية

علينا اولا القضاء على الافساد المتعمد الذى عانت منه مصرنا خلال العقود الماضية و عندما ننهض ببلدنا يكون بامكاننا ان نفعل شىء لمقدساتنا لا ان نكتفى بالاقوال او الصراخ

لذا لو فيه شىء يتعمل فهو الاصرار على "كفاية" و النزول لدعم حركة التغيير من اجل مستقبل افضل لاولادنا و من اجل انقاذ ما يمكن انقاذه...

بالبلدى كده نصلح نفسنا الاول و نساعد ولادنا و نبقى محترمين و دولة قوية عشان نقدر نساعد الجيران

اسفه على الاطاله وقد لا اتفق معك فكريا فى بعض الامور و لكنى اقدرك فنيا فتحياتى لاعمالك الفنية و على رأسها ميكانو و قانون المراغى


دمت بخير


مدونة دموع

SisSiwar said...

الله أكبر هذا حلم كل مؤمن أرجو أن ينصرهم الرب و أن ينصر قلمك أيضا

فتــافيت (رحاب الخضري) said...

عجبتني اوي
يعني شايفة نفسي ويمكن كمان كل اللي اعرفهم فيها
يمكن علاقتنا بربنا مش كما يجب
لكن بنموت ونتالم للي بيحصل في الاقصى
نفسي نقدر نعمل حاجة.. ويكون شرف رجوع الاقصى لجيلنا
لكن ............
ربنا قادر
** ** ** ** ** **
كان نفسي اعرف لينك المدونة
واخيرا وصلت له من عند الارموطي

هوبتي said...

مصدومه بجد
ماكنتش اتوقع انك بتكتب حلو قوي كده
رائعه بجد
الله يوفقك

Anonymous said...

الله يا خالد
اهو انا كدة بالظبط
ما بركعهاش
و مش حاجزها دنيا و دين
بس اموت عشان يعيش الدين
و الاقصى

marrokia said...

أقرأ
أغمض عيني
وأتخيل قراءة للشاعر خالد الساوي
مميز دائما
كنت هنا
من المغرب
سلامووووو

shemo said...

تحفه بجد

أبو أمك said...

يمكن تكون صليت لك كام ركعة
جايز عكيت في حياتك الخاصة
يمكن بطلت سجاير وبقيت أحسن
أو الحجارة على شيشتك متراصة
يمكن تكون لك حسنات بتتراكم
يمكن ذنوبك لا تعد ولا تحصى
لكن الأقصى يا صاحبي مش عايز
لا زجل ولا شعر ولا نثر ولا قصة
الأقصى بينادي لكن أخرنا أنا وإنت
زي البنات البكر من ورا الشباك باصة

افروديت said...

جميلة اوي ..كلنانتمني الشهادة علشانه.برافوعليك

Anonymous said...

بجد جميل جدا جدا و انا استنا كل ابداع منك

حاجات جوايا said...

الله
جميلة جدااااااااا
تسلم الايادى
ويسلم الاحساس
وتسلم يا فنان

Noha Saleh said...

فعلا كلام جميل اوى
ولكن اين جديدك؟
من شهر مايو ليه مفيش حاجة جديدة يااستاذ خالد

Anonymous said...

جميل اوى لكن .. توقعت النهاية تكون روحانية اكتر .. المسجد الاقصى - مع كامل احترامى- مكان.. طوب .... مادة .. رغم قيمتها الروحية لكن فيه حاجات اسمى بكتير.. عارف يا استاذ خالد استعداد المسلمين للموت فى سبيل المسجد الاقصى لا يختلف عن حرب الصليبيين لاستعادة كنيسة القيامة فى فلسطين من المسلمين مع الفرق ان الصليبيين ترجموا عواطفهم دى لافعال حقيقية

عمرو يسرى said...

كلام جميل جدا والمعنى اجمل

moony said...

معلش اعذر سخافتى وانى هعلق على القصيدة بعدين
بس الحقيقة انا عايزة اتكلم عن "اهل كايرو"..
عن المسلسل اللى رجعنى لمشاهدة المسلسلات تاني ،من اول تتر البداية لإعادة التتر فى النهاية.. المسلسل اللى بحس انى مينفعش اتفرج على حاجة بعده..
ايه الروعة دى بجد؟؟؟؟؟؟؟؟
من زماااااااان مالتزمتش بمشاهدة مسلسل كده انا بتفرج ع الحلقة من مرتين لتلاتةفى اليوم، ويمكن ده اللى خلانى ادور على مدونة حضرتك النهاردة وادخلها لأول مرة عشان اقولك الكلام ده..
حبيت "حسن محفوظ" جداااااااا، صاحبته واستنيت ظهوره
انا عارفة من زمان ان حضرتك غول تمثيل ، مفيش اي دور عملته كان دور سهل.. كلها ادوار مركبة وأدتها بحرفية عالية،
بس "حسن محفوظ" حاجة تانية.. الشخصية نفسها.. حتى التفاصيل الصغيرة.. بس انا مؤمنة انها عمرها ما كانت هتبهرنى كده الا بأداء حضرتك وحضورك الطاغي.
بجد هاااااااااااااايل وشكرا للإمتاع اللى بتسببهولى والحالة الفريدة جداااا وانا بتابع "حسن محفوظ"
كل التحية والتقدير والأمنيات الطيبة...

CHARMING said...

بالأول نعترف بأخطائنا وبتقصيرنا
وللأسف نبحث – لحائط نبكي عليه وعلشان ما حد يزعل، (شماعة) نعلق فيها تقصيرنا
ونرجع نحلف ونقسم "أنا اموت..
علشان يعيش المسجد الأقصى"
أنا لا انتقد أو اشكك في تلك المشاعر
بل يبدو أنني أكلم نفسي أما المرآة لأحاسبها أو على الأقل أعاتبها.
قصيده رائعة وأثرت بي.
و يعطيك العافية

Perihan said...

I love the last sentence !!!

مشروع مدونة said...

دور رائع وعمل متكامل يعتبر نقلة فى الدراما المصرية تستحق الاحترام، أهل كايرو.

أحمد سليمان said...

جميلة يا أستاذنا
ربنا يزيدك و يوفقك

monayamyfate said...

thank u 4 this deep feelings
it's so simple and at same time ti's very expressive
Good luck.

حنعيش يعنى حنعيش said...

جمبل ان احنا نعرف العيب فين الاجمل ان احنا نصلحة

Bassant Alkattan said...

حاجة حلوةان الانسان يكون حقيقي كده ويكون واضح مع نفسه ف زمن الناس كدبت فيه وصدقت كدبها. مقدرش اقول غير ربنا يوفقك ويكتبلك كل خير

Anonymous said...

تمثيل اخراج شعر كتابه
يعني فنان شامل
انت كده بتفتري وانا بدأت اغير

السقا said...

ولو كان بيدي لأمسكت سلاحاً
اطيح به كل مغتصب سفاحاً
لا أملك إلا دعائى وصلاتي
لن تنفع ثورتي وهتفاتي
فماذا تفعل ثورتي التي يكتمها بشر
اما دعاء أرفعه لخالق البشر
فكلمة دعاء أقوى من أي سلاح
كلمة يارب وحدها هي المفتاح
يارب يارب يارب يارب

Aya said...

كلمات تعبّر عمّا نشعر به جميعا، من الأعماق: شكرا جزيلا لك.
لديٌ سؤال بسيط يهمني حقّا أن تجيب عنه (إن شاء الله حتّى بعد سنة!) : إذا كان لدينا أسير هل كنّا سنمتنع عن زيارته حتّى يحسّن السّجّان ظروف الإعتقال أو أملًا في أن يُطلق سراحه؟ الإجابة في رأيي المتواضع:لا، لن نقف مكتوفي الأيدي. السّجّان الحقيقي للقدس ليس سوى المسلمين أنفسهم. التّحرّك السّلمي، دعم أهلنا في الدّاخل بطريقة ملموسة واقعيّة هو الحل.زحف المستوطنين الذي شوّه المدينة يمكن مواجهته بعدّة طرق ، أضعفها يبق أفضل من المشاهدة السّلبيّة.ننتظر التّغيير و نريد حتما أن يكون جذريّا ، و لكن قد تكون أبسطُ الحلول هي أنجعها .علينا أن نفتح الأبواب المغلقة ، إسرائيل واقع و لن تزول غدا.

tote soly said...

كلمات جميلة
اللهم انصر المسجد الأقصى
مشكور اخى خالد

Faith said...

This was the 1st poem i read for u ...then i lost the link but not for long time...With all my respect to all the believers and the non-believers ...ur love for God and the bond between u and ur creator is something private and personal ...nobody has the right to interfere... and who r we exactly to judge each other .... Ur true feelings and emotions for our Arabic and Islamic symbols are very obvious.... only blinds cannot see it ... Personaly I think u r purer and more honest then all of our sleeping leaders ( I do not consider any of them a leader... But i do not find a word to describe them) ...
All my respect...

Zozo said...

جميلة جدا

n00r said...

رائع جدا يا استاذ خالد
ربنا ينصرنا ان شاء الله

Anonymous said...

فوق الرائع كالعاده امتعتنا