Tuesday, December 30, 2008

حد يعلمني الكاتيوشا


حد يعلمني الكاتيوشا
حد يعلمني أمسك أي هباب
عايز اتطوع.. واتنيل اموت
أخلص من عالم ظالم
واهه أبقى شهيد
وعيالي ماتعيشي كلاب
حد يعلمني الكاتيوشا
حد يعلمني أمسك أي هباب
------------
حد يعلمني القسوة شوية
مش حلو اتهان واتبهدل كل شوية
إيه؟؟
شايفينّي شوية؟؟
ولا عشان ما انا طيب يعني أسفّ تراب
يا كلاب؟؟

حد يعلمني الكاتيوشا
حد يعلمني أمسك أي هباب
------------
طيب حد يعلمني اللي اسمه إيه
الآر بي جيه
ألبد واترصد للميركافا
واسكعها.. طراااخ
تتفجّر.. هييييه
والله ده منظر يسوى ألف جنيه
تدي الدبابة بالقبقاب
حد يعلمني أمسك حاجة
أمسك أي هباب
---------------
حد يعلمني طيب أمسك رشاش
وانا اوري العالم –طيب- إن المصري طيب آه
لكن.. قشاش
وانه مايرضاش بالظلم في غزة
ولا عمره يحب الا الطيب
ولا يقدر ينسى القدس أساساً
ولا عمره يسيبها لناس.. ملهاش في الطيب
وانه بيحلم بجنوب لبنان
أول من فتق الميركافا
يقبرني والله شو طيب
وانه بيعشقها من فترة ومن غير ما يشوفها
واقصد بغداد
حد يعلمني وانا اوريكم طيب ليه إسمي
خيرُ الأجناد
مع إني أساساً يااخوانّا
راجل طيب

30 comments:

wade7 said...

قلبك حنين يا لوللوش
قلبك مابيعرفش يهوش
خلينا نزعق في مظاهرات
ونقول اللي مبيصبش
بيدوش
بيدوش
بيدوش
بيدوش
ايييييييه

واحشني يا خلود
هاني كمال

romansy said...

المصرى دايما طيب ولا بيخاف من عدو جبان
عارف قيمه المصرى الطيب وبيعملوا الف حساب
عارف انه سلاحه الطيبه والتخطيط
عارف انه لما يحارب
اكيد هيكسب طول ما معانا المولى ساندنا

Anonymous said...

لو بس يسيبونا حتلاقينا كلنا على باب غزة

Anonymous said...

للحزنِ أولادٌ سيكبرونْ..
للوجعِ الطويلِ أولادٌ سيكبرونْ
للأرضِ، للحاراتِ، للأبوابِ، أولادٌ سيكبرونْ
وهؤلاءِ كلّهمْ..
تجمّعوا منذُ ثلاثينَ سنهْ
في غُرفِ التحقيقِ، في مراكزِ البوليسِ، في السجونْ
تجمّعوا كالدمعِ في العيونْ
وهؤلاءِ كلّهم..
في أيِّ.. أيِّ لحظةٍ
من كلِّ أبوابِ فلسطينَ سيدخلونْ

من روائع نزار قبانى

منال said...

تحياتي كلنا مثلك نريد ان نتعلم اي هباب نصوبه نحو الظلم والعدوان .اليوم في المغرب تقرر وقف الدراسة مدة 3ايام ابتداء من اليوم تضامنا مع الشعب الفلسطيني احنا كمان شعب طيب ولا نرضى بالهوان الدي يتعرض له اخوتنا في فلسطين.وشكرا على القصيدة يا صاحب القلب الطيب.منال.المغرب

أم مريم said...

ياريت تاخدنا نتعلم معاك لأن العملية خلاص مش عايزة غير كده و طالما احنا كده كده ميتين يبقى نموت بكرامتنا و عزتنا و نموت واقفين بدل ما نستخبى في الخنادق
كلامك بيوجع يا فنان بس بيصحي وياريت الجماعة اللي مخدرين ضمايرهم يصحوا معانا
بس برضه نفسي أسأل قبل ما أطق
ليه الحكومة الموقرة ملغتش مولد الملعون أبو حصيرة و مش بس كده دي بتستعدله حالياعلى قدم و ساق من اجل راحة الاسرائيليين "الاعزاء" ومش مهم شهدائك يا غزة المهم الضيوف ياخدوا راحتهم و ميزعلوش مننا
حسبي الله

Zeina Ramadan said...
This comment has been removed by the author.
Wael Galal said...

للأسف
كل اللي بيعلموهولنا
نشجب
نندد
نرفض
مع دوام المحافظة على
ضبط النفس
و السلام خيارنا الاستراتيجي

ساره said...

نحن مجموعه من المدونين والمدونات نشارك بدعاء واحد الاهل غزه الشرفاء فى الساعه الثالثه فجر الجمعه الموافق الثاني من يناير
صيام الخميس تطوعا الاول من يناير
وصلاه والدعاء لهم فجر الاربعاء 31 من ديسمبر
شاركونا

الداعيان
http://raghy-emraao-gheer-mathona.blogspot.com/
http://yallaqalb.blogspot.com/
جزاهم الله كل خير

مسدس صغير said...

كلمات اكثر من معبرة تمتاز بواقعيتها التى فاقت الحدود.. اشكرك يااستاذ خالد على الكلمات الجميلة دى

Che_wildwing said...

ولو اتعلمت الكاتيوشا
منين أجيب ناس

محمد صلاح أبو الكشفي said...

شعر جميل يا استاذ خالد .
الواحد فعلا عايز يواجه الصهاينة بأي طريقة ... لكن ازاي .
ربنا يتولانا .
تحياتي .

Zeina Ramadan said...
This comment has been removed by the author.
!!! عارفة ... مش عارف ليه said...

لم يعد من حقنا

حتى مجرد التألم

لكي لا نجرح إحساس

من يذبحنا

تحياتي لكلامتك المعبرة
عن نبض كل عربي
حرررررر

وليد

وينكى said...

ماتقولش حد يعلمنى
قول انا نازل اتعلم
حد ييجى معايا؟

Anonymous said...

لايجب أن تكون شريرا لتستطيع إمساك رشاش
الطيبة لا تتنافى مع الجهاد يكفي أن تؤمن بالقضية
والحق يكفي أن تشعر بالظلم لكي تجد نفسك تمسك
الرشاش كأشجع محارب

روز من المغرب

Anonymous said...

أتمنى أن أتسبب في خلق بسمة على وجوه محبيك المليانة حزن هذه الأيام الأليمة بعد زيارة الموقع.

تأكد لي مذا صدقك, مصداقيتك وطيبوبتك ياخالد! لوفيه كثيرمن أمثالك, العالم العربي سيصبح بألف خير!
الحب والسلام ل 1430 و2009

http://www.youtube.com/watch?v=iv1Ds03txmQ&feature=related

http://www.youtube.com/watch?v=b8wvOfUHVic&feature=related

Oum Kaltoum, Montreal

Anonymous said...

عدت لأخبرك بأنك ذو موهبة مميزة
وإني أحببت كل أدوارك بالأخص
دورك في "عمارة يعقوبيان
Bonne continuation :)

جيهان احمد said...

جميلة يا استاذ خالد اكتر من جميلة

سطورك دائما مبدعه وصادقة وصديقة

شفـقــة و إحســــان said...

رائع جدا يا أستاذ خالد
بس أنا ليا رأي
إحنا عاملين زي أفلام السينما القديمة
لما يبقى بطل الفيلم في خناقة مع عشرين واحد
ويطلعوه فتوة .. ويضربهم كلهم
لأنهم بيدخلوا في الخناقة واحد واحد
وساعتها كنا بنقول "المخرج عايز كده"
طيب ده في السيما (وانت أدرى الناس بيها)
لكن السيناريو اللي بيحصل دلوقتي ده
مين اللي كاتبه ؟؟ ومين اللي موزع أدواره ؟؟
ومين من مصلحته إن إسرائيل تاخد دور الفتوة؟؟
ومين إداها البطولة المطلقة في منطقتنا ؟؟
وليه إحنا رضينا بدور الكومبارس ؟؟
وهوا فيه كومبارس بيفضل يتضرب 60 سنة ؟؟
وعلى فرض إننا رضينا بالضرب 60 سنة
أظن بقى آن الأوان نطلع على المعاش
ويدونا مكافأة نهاية خدمة
(وطن فلسطيني حر)



أخوك المناضل / إحســان

Anonymous said...

What a beautiful poem. Nicely written and very suggestive. Bravo.

From Rima.

أميرة said...

احساس عقيم بالعجز والتجمد ..
والغيظ والغل بيجرى فى دمنا من اللى بنشوفه وبنسمعه
ومع ذلك لأسباب كتير مش قادرين نعمل حاجة
ولا راضيين عن نفسنا لاننا ساكتين
ولا قادرين نسامح نفسنا ونبلد شعورنا

Zeina Ramadan said...
This comment has been removed by the author.
امام سليم امام said...

أنا مع الارهاب
ما دام هذا العالم الجديد
يريد ذبح أطفالي و يرميهم للكلاب
من أجل هذا كله أرفع صوتي عالياً
أنا مع الارهاب
أنا مع الارهاب
أنا مع الارهاب

Anonymous said...

حَجرٌ
في رأس ِالتلمودِ عبادةْ
طفلٌ يعرفُ كيفَ يموتُ لأجل ِقضيتِهِ
حتماً يعرفُ كيف يقودُ بلادهْ
طفل يخترقُ العادةْ
في زمن ِالنوم ِالمتأصّل ِ
يعرف أكثر من كل جباةِ الأرض ِ, حدودَ الأرض ِ
ويعرفُ,
أن النومَ على الصندوق ِالعاهرِ موتٌ
والموتُ على وجع ِالقُدس ِشهادةْ
___________________________________
من ديوان صحوة الورق للشاعر الإماراتي إبراهيم محمد

Unknown said...

good one Mr. Khaled, Egypt deserves all the good, deserving more, alot more from us, how can we reach her i dont know, before we can reach the others (or brothers..)in the arab world. if we can see how beautiful and deserving is Egypt...

Soha said...

as if I hear "3m batata"...really amazing ...Soha

leeno said...

افقدتني القدرة على النطق !

مش معقول يا خالد بجد

حالنا محزن جداااااا

Anonymous said...

your pen is a blessing it is your weapon
in the holly quoran there is surat alkalam not the gun or the sowrd
i hate weapons ...
i want to thank you for your deep feelings for lebanon ...

Imad Obeidi said...

أبدعت يا أستاذ خالد ولمعلومات الجميع ابن أختي ميلاد عياش كان أول شهيد ألآنتفاضة الثالثة وشهيد العودة وأتمنى أن يكون ميلاد الدولة الفلسطينية