Thursday, November 13, 2008

وابقى افتكرها يا أوباما

أسوان بتنده ع المنيا
والندهة واصلة لآخر الكون
وبيرقصوله قوي ف كينيا
مستبشرين بسمار اللون
حاسيينه حيداوي المطحون
وتبقى بَرْداً وسلاما
الناس أهِه.. حابّاك بجنون
وعشمانين خير يا أوباما
--------
بيقولوا: "صح ديمقراطي
وواد جدع صاحب صاحبه
بيحب عمرو دياب وشيرين
ولو تعاشره حتحبه
واكمنه راضي عليه ربّه
خلصنا من بوش الواطي
الناس أهِه.. حابّاك بجنون
وعشمانين فيك يا أوباما
---------
قعدت شارد ومسهّم
تقول يا واد ولا تخبي؟؟
ساكت وسري المتلجم
بيفط من عيني وغلبي
لا تقوللي أسمر ولا أبيض
ده لو ملاك بجناح أبيض
وحلّ في البيت الأبيض
لازم حيكشفلك نابُه
ومهما حط احمر وابيض
في الجد.. راح يقفل­­ بابه
ويسوق عليك كل كلابه
ويحرمك من أسلابه
ويهَمَّلك برضه جنابه..
لا حيلتك اسود.. ولا أبيض
وان طيروا ألف يمامة
وان فرقعوا مليون بمبة
والله لناخد فيك بمبة
وابقى افتكرها يا أوباما

46 comments:

كـــيــــــــارا said...

عاااااااااااااااااا

برده اوباما

اصلا مستغربه علي الناس اللي حاطه عليه امل

بكره يشربووو

بس الله بجد عليك

مواطن مصرى نايم said...

جميل جدا الزجل ده لو صح التعبير
اصلى مش متمكن من الشعر بس بحب اقراه
جميلة جدااااااااا و معبرة فعلا

تسلم دماغك و ايدك

تحياتى

اسلام

adel said...

هههههههه

جامده قوي ياخلود و انا زيك عارف ان كلهم واحد مش هيفرق بوش عن اوبه واما عن ماكين

عادل
http://elbald-dy.blogspot.com/

qwert anime said...

هو اوباما ده يبقى صاحب نادى امبى؟

Anonymous said...

قريتها امبارح في الدستور و عجبتني قوي
بس انت قبلها قلت جملة لخصت الموضوع كله:
في كينيا بيرقصوا عشان اوباما كسب. الطم علي خد مين و النبي
كان احلي تعبير بصراحة

hamama said...
This comment has been removed by the author.
hamama said...

صباح الخير الساعة السباعة أول شئ هو النت حتى أقراء جديدك شعر مثل العادة لا نقاش فيه ولا أحد في الدنيا يقدر يقيمه صح لا فرق بين أسود أو أبيض كلهم سوى ويكرة نقعد تحت الحيطة و نسمع الزيطة الشر بر و بعيد على العرب يارب أنا بستغرب من الناس اللى حاطه عليه أمل و هو أمريكاني على كل أرجو بأن تكتب لنا عن أخبارك وأعمالك الجديدة بالنسبة لسنة القادمة ويارب سنة حلوة على الأمة الاسلامية و عليك و على العائلة أه المزيد من الشعر و الاعمال بالسنيما و المسرح لا تنسى هذا و لا تحرمني من ابدعاتك و خليك دائما معنا حتى لا توحشنالقد اصبح حضوركم مهمة جدا جدا وتحياتي الحارة
حمامة

Yasser Hussein said...

كلام في الجول يا خلود
تعرف على قد ما هو مرح في التناول
على قد ما فيه مرارة الحقيقة
أنا كاتب موضوع عن اوباما
ع اللنك ده
http://cartoonya.blogspot.com/2008/11/blog-post_11.html
يهمني رأيك ورأي الشباب اللي هنا طبعا
:)

خالص تحياتي

منال said...

تحياتي عود احمد واخيرا عدت الى ملعبك الحقيقي والله احب ان اراك من خلال كتاباتك لانها عنوان شخصيتك ودون مكياج ولا اضواء.اتمنى ان لا تبتعد عن الكتابة لانها الابقى وثق ان هناك من يقرا لك .منال.المغرب

Anonymous said...

Mr Khaled.
It’s clear that the Oud, (The lute) takes a part of your life and gives you instead many things back. I’ll tell you a thing, but don’t laugh at me, or laugh just a little bit :), I’ve never seen an Oud in real and never heard it, at least not alone. The closest I’ve come is to the guitar. According to your poem I’ve missed a very beautiful experience. But I’ve missed a lot of things and who knows if I can compensate that.

ساره said...

فعلا في الصميم ياخالد
بعد فوز اوباما قام مكين بالقاء خطاب ينافق اقصد يجامل فيه اوباما
فالمذيع سأل واحد من اللي انتخبو مكين عن رائيه في فوز اوباما
قال انا لا اقول ان المرشح الاقوي فاز وانما الحمله الاقوي فازت
بأختصار سياسة البيت الابيض زي ماهي اللهم شالوا بوش وجابوا اوباما
يعني من اوباما لمكين ياقلبي لا تحزن

Anonymous said...

Mr. Khaled.
This is what I meant. The poem will be saved in history with your name on, even before what you have written actually happens. May God give you the strength to keep on writing your thought in such clear and nice way for all time.

Solitary Copt said...

شعر جميل وموزون ويدل على إنسان حساس جداً ومتميز
لكن برضه ممكن أختلف مع حضرتك في الرؤية السياسية
يعني ما ننساش محافظ قنا اللي عايز يبعد الشبهة عن نفسه انه ممكن يحابي المسيحيين أكتر من المسلمين بما انه مسيحي فأصبح يغلظ على المسيحيين في محافظته
أظن أوباما هيكون نفس الشيء وابتدى من زمان بالطريقة دي، والخبر اتنشر ان كان فيه اتنين محجبات راحوا يسلموا عليه ويتصوروا معاه فطلع يجري منهم
لحد دلوقتي زي ما بتقول الصحف الأجنبية السياسة الخارجية لأوباما غير واضحة المعالم
لكن زي ما بيقول المثل الشعبي بكره نقعد على الحيطة ونسمع الزيطة
ودمتم يا فنان

كمال سلطان said...

بهرتنى هذه القصيدة عندما قرأتها بجريدة الدستور 00 وفرحت جدا عندما وجدتها هنا لكى اقول لك : الله ينور يامعلم

كمال سلطان

-_- said...

جميلة جدا

maro said...

دولسينا

عجبتنى موت لما قريتها فى الدستور
جامدة جدا جدا جدا ودا مش جديد عليك

بس انا عاوزة اعرف انت بتنزل حجات تانيه فى الدستور او اى صحف تانيه
يا ريت لو نزلت حاجة تبقا تقولنا و تكتب فى المدونه عشان نقراها

خالص تحياتى

Anonymous said...

7elwa gedan..ana ba2raha wana a3ed 3ala bo3d 2 km men el beit el abyad...fakarteny be masr el gameela el 7azeena ya basha:)

Unknown said...

ا. خالد جميله اوى
اكيد عندك حق هناخد فى اوباما بمبه
و مش هيفرق لا عن الى قبله ولا الى بعده بالنسبه لنا
انا بس كان ليه رأى فى حاجه تانيه
انا فرحت ان اوباما كسب عشان خاجه تانيه بعيدا عن انه يتحط عليه امل و الكلام الفاضى ده
انا فرحت عشان المجتمع الامريكى -بغض النظر عن رأينا فيه- استطاع ان يتخلى عن عنصريته اللونيه التى تربى و تأصل بها فمن كان يحلم ان يتقبل الشعب الامريكى اسود للرئاسته فحين انهم كانوا ينظرون الى اجداده كعبيدو ينظرون لهم بنظره انهم اقل من البشر
هذا ايضا يعطينى امل كبير فى فكرة ان التغيير ياتى مهما طال الزمن ففكرة المجتمع الامريكى لم تتغير فى يوم و انما نتاج سنوات من عمل ناس مخلصه مؤمنه بقضيتها ربما الناس لا تعرفها و لم تشتهر يوما و من المؤكد ان من حولها كانوا يرددوا الافكار السوداء فى انه لن يتغير شىء و بتنفخوا فى قربه مقطوعه و غيره و لكنهم لم ييأسوا
يعنى قصدى حربوا لما تأمنوا به و متخلوش حاجه تسنيكوا ابدا و صباح الامل
منى محسن

Unknown said...

جميلة ووجهة نظر تحترم و ممكن يوكن هو ده الواقع الى لا محالة منه بس رأى برده ما نقتلش الامل اوى و كون ان واحد زنجى يمسك رئاسة امريكا ده فى حد ذاته شئ يدعو للأمل

Unknown said...

حاليا بعد نجاحها فى قطر ( يوميات خلود ) الأن فى مصر مجموعة قصصية من تأليف خالد الصاوى بمكتبة البلد 31 ش محمد محمود - أمام الجامعة الأمريكية _ التحرير ... بسعر فى متناول الشباب

rona said...

فعلا هى دى مراره الحقيقه والله ما هتفرق

المـــفـــــــقــــــــوعـــــة مــرارتـهــا said...

كلمات رائعة
بس ليا سؤال
ياتري احنا مستنيين من امريكا ايه ؟
انا عن نفسي مش عاوزة منها حاجة غير انها تتلهي في حالها وتنسي خدماتها المفروضة علي العالم
وتكون قراراتها في حربها لي الارهاب قرارات سليمة مش بناءاً علي افتراضات
وياحبذا لو تقدر امريكا تحل مشكلتها الاقتصادية اللي جات فوق دماغنا وخربت بيت الناس اللي بتستثمر في البورصة
لكن عمري مااتمنيت اكتر من كدة
احنا مش مفروض نستني امريكا تحل مشاكلنا وتاخد حقنا وتدينا حسنة لله
احنا مش دولة فقيرة كما يُزعم
احنا دولة غنية بس فيها سوء توزيع قاتل للثروة
اما بالنسبة لفلسطين فبصراحة انا توقفت عن التعاطف معاهم وأعذرني وذلك بعد ان تصارعت حماس مع فتح
فأنا اللي اسمي عربية بعد ماكنت متضامنة مع مطالبهم اصبحت اتمني الا يحصلون عليها اذا كان معني ذلك ان صراعهم ضد اسرائيل سيتحول الي حرب أهلية اراها أسوأ ألف مرة من اي حرباً اخري
احنا مش عاوزين من أوباما حاجة

Rannon said...

حلوة قوي يا فنان :)

انسانةعادية فى عالم مش عادى said...

اول مرة ادخل المدونة وان شاء الله مش اخر مرة
بس المثل بيقول الحداية ش بترمى كتاكيت اوباما هيطلع زيه زى غيره
تسلم ايديك

Nohaz said...

والله قلت نفس كلامك
علي الاقل ماكين كان بطل في حرب فيتنام اقصد بطل بالنسبة لبلده وعنده اخلاق المحارب

ربنا يسترها الايام الجاية
ويزيدك من نعمه عليك

Nasimlibya `√ said...

هادي يا ستاذ خالد
كيف الحال ليا فترة علي مدونتك بس الحلو لقيت هلبة حاجات جديدة
حلوة منك ابقي افتكرها يا اوباما
ربي يستر علي العالم وخلاص القادم كالماضي والماضي امتداده القادم
تحياتي ليك ولاهل مصر الجدعان

Anonymous said...

اول مرة اقرالك يا خالد
حبيت جدا
و خلاص وعد هبقا ازورك هنا كتير

اميرة مكاوي

الخبز و الحرية said...

شكرا جزيلا يا أحبائي، مبسوط انها بشكل عام عجبتكم ومبسوط أكثر انكم متفقين معايا في الفكرة العامة، انا بس عاوز اوضح موقفي في الحتة دي.. أنامش بكره أوباما في ذاته ولا بكره الغالبية العظمى من الشعب الأمريكي، لكن أنا ضد الطبقة الحاكمة في أمريكاعلى طول الخط والتي يمثلها في هذه اللحظة اوباما ويمثلها دائما البيت الابيض والكونجرس واللي هم بيعبروا في الحفيقة عن النخبةالرأسمالية لا عن الجماهير المخدوعة بتاعتها.
يوما ما حين ينهض الشعب الأمريكي وينتزع السلطة والثروة من تلك النخبة ويعيد تقسيمها بعدل ويعيد ترتيب علاقاته مع العالم بشكل مسالم ومتعاون سأكون من أوائل المؤيدين للتعاون معه.
بس.. تحياتي للجميع ومنتظر تعليقكم على الجديدة:)

Anonymous said...

really i love it
enta sha3er besa7e7
re2e3

doaa said...

جميلة قوي يا أستاذ خالد

عجبتني قوي لما قريتها في الدستور

أكيد كلهم سياسة واحدة أنا مستغربة من الناس اللى متفائلة بيه

مهما كان مختلف ومتفاهم العلاقات والحقوقاليهودية لا يختلفوا عليها

تحياتي

Anonymous said...

أم مريم : دي أول مشاركة لأني مقدرتش أقرأ الكلام الجامد ده من غير تعليق فعلا عندك حق جدا جدا يا فنان جدا جدا

أم مريم said...

كلام جامد جدا يا فنان جامد جدا جدا

tafida said...

كلام جميل

حـنــّا السكران said...

الله عليك يا خالد

كتير كتير حلوة

يسعد مساك يا أستاذ

Anonymous said...

والله معلم ...لخصت الموضوع ببساطه...فى الشعر استاذ وفى التمثيل استاذ وفى الاخراج استاذ..ربنا يوفقك...احمد الصباح

Unknown said...

Absolutely amazing!!
i didn't know you write, really enjoyed reading that piece, great job :)

Anonymous said...

Hi, I love the sense of humour & sarcasm in your writings- esp. the Obama one!!
It is truly refreshing to witness such a multi-talented person blooming. . .
Thank you for sharing your thoughts,your views, your contemplations & emotions.
As an actor,when you appear in small doses,it's long lasting &if you're on the whole show,you take us for a fun ride on a roller coaster of feelings.
Purely entertaining &a joy to watch.
Thank you,
with all due respect
Ghada Y.

منه مرتجى - عازفة الأوتار said...

حلوة جدا بجد
من الكتابات اللى متملش منها و انت بتقراها لان فيها موسيقى هادية بتشد الإنتباه إلى جانب المضمون طبعاً ...

من المهين لينا كشعوب عربية اننا ننتظر العزة و الكرامة كمنحة من مستأجر السلطة الأمريكية العظمى الجديد ، و زى ما بيقولوا الحداية مش بترمى كتاكيت ... فما بالك بالبيت الأبيض ؟؟؟

Anonymous said...

هاااااااااااااااااااااااايل يا استاذ

بجد انت فنان متكامل

go ahead

abdelfattah mahmoud said...

جميلة جدااااااااااااااااا
جداااااااااااااا
فعلا بيطبلوا ويغنوا بوصوله ومش عارفين لسه دوره
ده أمريكانى وهيقول جحا أولى بلحم طوره
لموا جنودنا من العراق ... لموههم من أفغنستان
لموهم عشان نجهز لسوريا وإيران
والكل نيمان ما دريان
احنا جبنالكوا اسود اهو اصله افريقى يعنى منكم وليكم هيساعدكم ازاى تقلبوا حكمك ويجوا يحملكم
هيساعدكوا ازاى تبيعوا بلدكوا وياخدوا تاريخكم وحضارتم
وتقولولى ده عريس أمريكا الطيب الأمير
يأخى فوق بقى وفهم
ده جاى يعمل حصار واللى بعديه حرب ودمار
واللى بعديه يعمل حصار
واللى بعديه يرجع للحرب ودمار
واقولكوا يا عرب هنحل القضية الفلسطنية بس تعالوا نتغدى عندى ونتقابل ونشوف هنعمل ايه
وطبعا كالعادة يجبلهم قهوة زيادة ويقعدوا يرغوا وفى الاخر يلا نعمل اتفاقية
بس استنوا السنة دى اخر سنة ليا استنوا اللى بعدى هيساعدكوا ويمضلكوا الاتفاقية
ونفضل كدة مستنين لغاية ما تعدى السنين وبدل ما يحتفلوا باليوبيل الذهبى يحتفلوا بالبلاتينى
ويقولوا اوباما جيه بالخير طيب ادينا مستنين الحداية تحدف كتاكيت علينا بدل قنابل وسموم وموبيدات لينا
خلينا مستنين لغاية ما تعدى السنين
انا قلت اكتب كلمتين لان عارف ان قلبك وطنى كبير
وعجبى على حالنا واللى بيحصل لينا وفينا
وتصبحوا على خير

فى بعض الأحيان قد يعتقد البعض أننا أمام مجرد ممثل لامع نجح فى تأدية العديد من الأدوار ببارعة ولكن أجد قلمى يصفك بما هو أكثر فالذى يرى خالد الصاوى الفنان وليس الممثل فقط فأنه يرى الكثير ويتعلم الكثير يتعلم معنى الإخلاص وحب الوطن
وكيف أن خالد الصاوى كممثل ناجح إستطاع أن يعطينا حالات فنية متنوعة فهو الزعيم الذى قاد أمه بكل تفاصيله وكل ميوله وهو رجل العصابات الهادئ الغامض القاتل هو ذلك الصحفى ذو الميول الأخلاقية الشاذة وتجده أبدع فى مشهد محاسبة النفس وكيف نقلنا من أنه مجرد شاذ إلى حالة إنسانية عميقة جعلت البعض يتعاطف معه عندما علم السبب الحقيقى لما هو فيه
الأن أرى خالد الصاوى ذلك الشاعر الزاجل الذى يحب وطنه ذلك العازف الحالم ذلك الكاتب الراقى
أعذرنى يا صديقى فإن الكلمات لا تستطيع أن تصف مدى إعجابى بنشاطك وفنك وخالد الصاوى الإنسان الذى يساعد إن إستطاع هذا ما يعكس قيمة ما يعمله فى حياته فليس مجرد ممثل بل إنسان مصرى أصيل

عبدالفتاح محمود
abdelfattah.insan@gmail.com
فى بعض الأحيان قد يعتقد البعض أننا أمام مجرد ممثل لامع نجح فى تأدية العديد من الأدوار ببارعة ولكن أجد قلمى يصفك بما هو أكثر فالذى يرى خالد الصاوى الفنان وليس الممثل فقط فأنه يرى الكثير ويتعلم الكثير يتعلم معنى الإخلاص وحب الوطن
وكيف أن خالد الصاوى كممثل ناجح إستطاع أن يعطينا حالات فنية متنوعة فهو الزعيم الذى قاد أمه بكل تفاصيله وكل ميوله وهو رجل العصابات الهادئ الغامض القاتل هو ذلك الصحفى ذو الميول الأخلاقية الشاذة وتجده أبدع فى مشهد محاسبة النفس وكيف نقلنا من أنه مجرد شاذ إلى حالة إنسانية عميقة جعلت البعض يتعاطف معه عندما علم السبب الحقيقى لما هو فيه
الأن أرى خالد الصاوى ذلك الشاعر الزاجل الذى يحب وطنه ذلك العازف الحالم ذلك الكاتب الراقى
أعذرنى يا صديقى فإن الكلمات لا تستطيع أن تصف مدى إعجابى بنشاطك وفنك وخالد الصاوى الإنسان الذى يساعد إن إستطاع هذا ما يعكس قيمة ما يعمله فى حياته فليس مجرد ممثل بل إنسان مصرى أصيل

عبدالفتاح محمود
abdelfattah.insan@gmail.com

Anonymous said...

جميل جدااااااااا
وتوقع هايل لمستقبل اوباما
لان دى فعلا الحقيقة الغايبة عن الناس

محمد حسين

Anonymous said...

يا رب يكون قد الامل اللي الناس حاطاه عليه لحسن كل دول يتجمعو و يدعو عليه دعوه تجيبه الارض
بجد كلامك حلو
و في الجون
كل سنة و انت طيب و عيد سعيد بقى

Drsalwa said...

3aref ya Khaled , da belzabt eli bydoor fe baly min yoom makasab bas ana mesh sha3era 3azeema zayak kida 3ashan akteb da
enta 3abkary
U go man .

أميرة said...

مش بيقولوا الغريق بيتعلق بقشة؟؟؟
اهو صاحبنا اوباما ده هو القشة .. بس مش عارفة ليه احساسى بيقول لى انه حيبقى العن واخر قشة ممكن نتعلق بيها لاخر مرة فى عمرنا ...
ويمكن بعدها احنا اللى نعتزل ...

شكراً على تعبيراتك الرائعة يا خالد و اللى وصلت رؤيتك واللى بيدور فى راسك بكل وضوح ..

Anonymous said...

I really liked what you wrote; but I don't want to believe it. I still have hope, but I also have doubts and I believe what you are saying.

Selfmeaning said...

بيتهيالى ان اوباما مش هيختلف عن بوش كتير لان فى الاخر امريكى و كل رئيس بيجىء بيكمل خطه اللى قبله