يا للي قطعت النور.. وليه

يا للي قطعت النور.. وليه؟!

النصر مشوي ومقلي آه أو صيادية في صواني
مفيهوش لا نيّ ولا سليق مهما تَغنّوا الغواني
والزفة وِلْعت والطُبَل دقت في طبلة وداني
والدبح سُخْن في سكته رقّص دبيحُه لثواني
والسكرة رايحة وبكرة جاي.. جايب صداع المعاني!

القرص الاحمر غيّموه والفُجْر طايح عياني
والغم تزحف رملته نشن عليا في مكاني...
البرد والصهد اترَشوا وانا مجني.. أصبحت جاني!
والمية خايفة من الهمج والنخل أنكر زماني
وحصار ما بين غَبَرة وعطش خنَّق عيال الجيراني
مات العجوز.. آخر دكر! وابنه المريض المِعاني
حتى الحضانة اتشققت والغاز هاجمني وعماني
خنقة كابوسي والشلل كشَفوا الحُجُب لثواني
فزّيت لسيفي.. مقبضي نَصْلي.. خليلي وأماني
أعمى بلوّش في الضلام واحصد في إنسي وجاني
موتة بموتة حموتك وأموت.. ما يركع كياني
مغلوب وعمري ما حتهِزم كلما اموت اصحى تاني
أيام دول.. قهر وأمل يا انا يا انت ياللي عداني

دلوقتي راجع جثتي لسه الندا لم نداني
تحسبني ميت.. بس انا ما اطرحش الا في أواني
والنَصْرة تبرُك عالمِحَن والصبر يكنس هواني
والعزم تحت المشمشة والحلم قبل اللي باني
سيفك وريشتك عهدتك نعم البنين والبَناني
والوعد كلمة في سرنا فيها الغضب والحَناني
يوم النفير متجمعين بين الصليل والأغاني
حِبلى البنات ويا النخيل والعزوة عيل وثاني
شُرَكا وعزك عَزهم هم الوطن.. مش مباني!

ياللي قطعت النور.. وليه؟! خد بص إسمع شوف!
يا العذر يملا الجمجمة يا ترد ليا الألوف!
بالزوف دفعت لدولتك بالخوف.. بمُحْن الخروف
مرض الجباية في جتتك وانا لحمي لك موصوف!
حقي وحقك يا ضِلِم هاتلي اللي راح مالكشوف

ياللي انت منشار الولي يا أول المعازيم
نقطتني.. كهربتني.. وحاسبت عالمليم
والشكوى.. بعد المفرمة والحِل مالتحريم
والهجص عندك فلسفة ومهارة التنويم

من أسرع المخاليق هرَب في الزفلطة موهوب
تعمل له ثورة.. اثنين.. ولو! سالك نظيف التوب
ترميه في سجن يرد فيك يضحك ولو مضروب
ضحكة لا فيها من البلح ولا ينعصر مشروب
الخبث عاجنه.. مطبَّعُه بكراهة المغلوب!
ما املكش طبعا اكفّره ربك ده رب قلوب
لكن بحس معاملته.. كافر قريشي يدوب!
ولا تمر جه من ناحيته ولا فُل.. أو خروب!
يقطع عليك النور هُبَل واللات تزقّل طوب
نابش في وقف الأضرحة جابي في بلد مخروب

شبه التراكوة في غِلّهم والغَلّة كشّت في صدري
همست سنابل نخوتي: صاحب دراعك يا مصري
مغلوب يا جدي.. وجرّدك مملوكي خدنا في تحرّي
والدولة صهوة لمن رَكَب دنّس منابي ونهري
يا جدي موت! إخترت لي من بدري ذلي وفقري
حطيت جبيني في تربتك نهش العِدا عضم ظهري

مخلوق من الأساطير وقع جيّ بضلامه وكهاربُه!
واما اللئام اتجمعوا بايعوه يكبّر في ذنبه
مليان منافع للغزاة غرقان في نيفته وطرْبه!
كرباج في إيد.. شلوط أغا.. عداد.. وحارس بكلبُه
أخد الضريبة شهوته ربالها كرشه وشواربه
آدي اللي خلَّع أُمّته آدي طير بياكل في سربه!
بيته الفراغ على زنِّتُه ومدامته حقنة في جنبه
خدها مخالصة في تسوية بين ابوه وعمه اللي غبّوا..
عالعيلة خبوا وِرثهم نهبوا وقالك يضاربوا
والبورصة فاتحة المسألة وتوطي للي في عبه
وتركّبه ضهر البنوك كلما يصرف.. تحبه
طمع الخديو في ربحهم قفّل ودانه وقلبه
فرمان خازوق من ظلمهم شرب الخسيس ماللي صبُّه
الأخ ده ننعم عليه والأخ الاخر يغالبه
داسوا الخدم باسوا القدم ده الخّف والفردة جنبه!

من يومها دابوا في الحشم واتعشّروا المقاطيع
طلعت سلالة نسلهم على أمهم مساريع!
توأم بيهبش صدرها يوم ما نطق قال: بيع!
كبروا في حنان المفتري والكلب ياكل.. يطيع
والشرطة بنت المحكمة والأب مسخ في رضيع
شوف البلاط وقت انخلع والظلم وقتن يشيع
والبزرميط في الكهربا وفي سائر المواضيع
واسمع ختام برديتي يا مصري.. خدها وذيع

اضرب على حدودك شجر وازرع بشرها بارود
وان قالوا: وحْش! تقول: حجر طحن البشر والأسود
النور ده نورك.. ميتك قمحك.. سلاح الجدود
والورث ورثك.. عدلته فحم وبخار الصعود
بين بلهارسيا وكبد أو.. في الحرب أول جنود
لو حجة الأرض الورق دمك يحرر عقود
انت اللي جيت من قبلهم يا عمهم في الوجود
لو حد حتضلم عليه يبقى اللي عاشها ببرود
يونيه ويناير ملك ليك احكم في مالك.. وسود
انت الخضار والمدرسة مفقود وحتماً تعود
انت المَنيّ في حِجرها حتى بضحكك.. تجود
وانت اللي لو وقِع الهرم.. فيك منه طعم الخلود

انا المصري قول معايا

انا المصري قول معايا
فرعوني في طفولتي ولآخر المراهقة وغلطتي السودا يوم ما رميت السيف
أفريقي من شمالها ومتوسطي شبههم حبتين
اسلامي-عربي من بواكير شبابي بس عايشها الأيام دول يوم مر يوم حلو
اتبهدلت على ايد أوسخ الامم غربا وشرقا بصراحة
تقولش المأصل عدو كل ولود الأوساخ؟! صيع اوروبا وآسيا حاطيني على راسهم وزاعقين
قرب نهاية القرن ١٨ كنت في عز شبابي بس مرضوني المحتل ورا المستعمر عالمستوطن عالعرصات -لامؤاخذة ملهمش اسم اخر - اللي هم خدامين وزبالين (لا انا كدا بهبل أسف للخادم والزبال وك...ل مهنة شريفة، هي عرصات لابسة!) بقول ان فيه خلق بزرميط مسحوا جوخ الأعادي ورفعوا الاريال بإخلاص خنازيري مستحيل، وكيشوا على حساب أمتهم -كالقواد على أهل بيته سواء- خونة لآخر نفس، الغرض عاوز أقوم مالوقعة كنت وصلت لمرحلة حيدفنوني -غباوة منهم عشان لا المستعمرين ولا عرصاتهم بصوا على تاريخي وسعي ابويا وأني وكفاح جدي وست ستي، طيب انفض التراب عني ازاي؟
مملوكي خانقني وعثمانية ناهبيني وأي شعب تافه بقى مستهيفني، اي شعب كان جده وجد جده اصلا نطع او جطع او جعر او ملدوع ومتقفل بعيبه (مقصودي معيب في نخوته)
ثورة فرنسا رسمت امل، اتاري امل زي سوسن والجوز اصلا سعاد بس شغل محن وكهن عالبشر، مايغركش المنظر تحت السواهي دواهي واصبر لآخر ألكم حلقة الاولانية أنس مشاهد الأكشن ومزيكا الماركسيين ونداء من قلوب الشهدا في محمد محمود، لامؤاخذة قصدي في باريس بالإخاء والحرية والمساواة، اصبر عال ممحونة بعد المقصلة وإعدام الملك ومدامته بعد كم سنة يعني شو واشتغاله وذيع يا مسيو وديع ويا حبة عين امه الشباب اللي كنس الميدان وسيق باريس وشال العلم على كتفه ولو تعب على حجره بس أصح للون يا كومراد يا رفيق البت سعاد معجونة بالسكة الشمال والمثل بيقول ان الصنف لما بيعجزوا بيقلبوا من هوبا باللبانة (وحدك ولا حتعملوا عليا حفلة يا شيري؟) وتتحول الى رافعة اريال وتاخدها بالاقدمية في النجاسة ، القصد الثورة قلبت مضادة في فرنسا وبعد كدا في روسيا وغيرها، الاستغلال عمل نيو لوك حلاوة وخش على النجم عال حلقة خمسة اول ظهوره ، النجم القبيح اللي كان بيشك في امه وبالتربية لمدامته (محدش متأكد هل اترفعت الشاحنة وأي الكواريك مر من قفا الإمبراطور الفريش
بونابرت نشن على بلدي، دخل عالمماليك والعثمنلية دخلة بلدي سافلة وآخر الهرم يشهد والصويت ده الفرسان بتوعنا سيادتك لا احنا نساءنا أوضح وانظف طبعا، الدلع في الدلع وفي القتال بألف مملوكي وعثمنلي
مابدهاش پقى لازم نتناول السيف بدل العصا ونناول قاذورات الغرب عالشرق منابهم
ثورة في ثورة مسلم وقبطي مصري في مصري لكن خلاصة اللي جرى ان اللي جه يلعب دور المشير طنطاوي مثلا يلم الدور وكذا قلب على عبد الناصر مع انه مش مصري بس أكيل ومزجنجي وشرب من نيلها مش بإخلاص شيرين طبعا بس برضه تلمس (طبيعي يا شقيق هي بهية تلوح اللي فيه ذرة مفهومية وطموح طول عمرها افتكر معايا كدام الإسكندر لأنطونيو لحد عمك محمد علي الباشا اللي حلق للسلطان التركي زلبطة اول ما فهم ولف وصاع في مصر وزعاماتها وقتها، وهوب أربعين الف دكر مصري وراهم ثورتين وشايلين شوم على سنج (خرا طبعا لأن اللي قضاها بلا سيف من زمان بيطلع ميتينه عل. ما يزرعه. ايوة طبعا السيف بيتزرع ومحصول رخم لازم تواليه زي العيل الحيلة عشان يرمي قطفة نظيفة تصيتك)

كثير غلطت في حق نفسي ولكن

كثير غلطت في حق نفسي ولكن
عمري ما خنتها
ما وافقتش عاللي مادخلش ضميري او مزاجي
ما اشتغلتش في الأمان وركبت الخطر لطموحي
اغلط في الحاجة مرة سماح مرتين أضربني علقة
ما قلتش لواحدة بحبك وصولا لغرض
ما طبلتش لسلطة او ثروة
ما نختش قدام ضغط
ما بعتش جسدي أو قناعاتي
ما كلتش لقمة مش لادة عليا ولو حلف اللي عازمني طلاق وحرام...
ما خلطش الشغل بالهلس
ما استخسرتش في نفسي ونزهتها بلا دلع حتى في اي نشاط شمال
ما خدعتش نفسي وقلمتلي مع كل طيش او نزوة او حماقة
ما خبيتش قذاراتي عن نفسي وتتبعتها بصبر من أجل حصارها وتهميشها
ما دخلتش معركة منظرة ولا جبروت وقابلت الجبن في كهفه وبنيت شجاعتي على أنقاض أمه
اعتذرت أول بأول، انحنيت للضعيف والمكسور، وتنحت مع البلطجي وزعلته
وكل ده مش بعدد مآثري خالص، أخطائي جسيمة ربما ولكن
عن جهل أو ضعف أو غضب أو عناد مش عن موالسة مع الظلم وانعدام الضمير
غلطت في الناس ظنا باني كنت صح وخدام للعدل، ولما عرفت غباوتي قلت لنفسي ذيع
لهذا
لا أعتبرني شيطاناً ملاكا، حكيما أو أحمق، سافلا أو ناسكا
طلبت الستر لم أطلب تحريف صفحاتي لأني واجهتني كلما استطعت
طلبت الصحة ولم أراع شروطها
كنت دوما في طليعة الكتيبة قائلا لنفسي: هكذا فقط تقتل فلول الخوف داخلك
لم أضرب امرأة أو طفلا أو كهلا أو عاجزا وحاولت الدفاع عنهم وحين عجزت سجلتها كثأر مستحق
أصلحت فراملي بعد حوادث أهنت بها نفسي ولم أكتف بجلد ضميري
قدرت اللحظات الفارقة في عمري واخترت بمشاورة كلي لبعضي، عقلي روحي بدني وخيالي وبتوقيع من ضمير بنيته بعناية ورممت كل خدش به قبل أن يستفحل
أعدمت غروري واكتئابي واعتقلت الشبق والقسوة وانتزعت رتبي ونياشيني أمامي لأني أريد أن أعيش وأموت مقاتلا لا عبد بلاط
وهكذا احترمت نفسي رغم الأخطاء ونظرت لها كتمثال أبنيه وأصححه وأصقله ليعيش بعدي مذكورا بالخير الذي سيصنعه لا بالخيرات التي تمرغ فيها ولا البلاوي التي ابتلي بها من نزق وشطط ولا ببجاحة المتفاخر بمجونه والمجاهر بالنقائص
لم أنافقني ولم أنافق غيري ولا تلذذت بنفاق من الغير لي
تقبلت على مضض حقيقة أني لست سوبرمان ولكن
لم أتوقف عن الحلم بجيل سوبرماني ومش مهم يطير أو يقلب قطرات ولا نكابر مع القدر ولا نتحدى روح الكون-المطلق-الصانع-ربي-الله.. ولكن
يعيش شابا عفيا ذكيا صالحا حتى يموت
بشرت بالثورة، شاركت بها، لم أتشدق بالسلمية نفاقا وحين سال الدم حولي ورميت أول حجر يوم ٢٨/١، ومع ذلك، دافعت عن الضابط المصاب والجنود وقد أسرهم الشباب ثم أعتقوهم، دافعت عن قسم الدقي وأقنعت مع زملائي جماهير الغاضبين، دون تفريط في الميدان الذي سيطرتا عليه، كبحت حيوان العدوان داخلي دون أن أرمي سيفي، وعرفت يومها فقط كم أنا فعلا ذو ضمير يقظ رغم جوانبي المتناقضة
احترمت عقيدتي التي تغيرت من وجودي لمشروع جهادي ومن قومي لاشتراكي ومن مؤمن لمنكر ومن لا أبالي لعلماتي ومن شبه عدمي شبه فوضوي لشبه صوفي، تغيرت كثيرا صحيح لآتي بحثت عن الحقيقة لا عن رضا من حولي ولا منصب وجاه
أحببت الحياة لم أتسولها
احترمت الموت لم أخشع له رهبة أو حيرة
سرت على الخط الفاصل بينهما فاكتشفت قيمة الكرامة، ومغزى الإخلاص لقضية
انتصرت لضميري حين اصطدم بمصالحي
طلبت الشهادة وانتظرت الإذن
عاهدتني على أن أعيش دينامو فلم يعد يحبطتي الظلام
تخلصت من ميكروبات الحقد والحسد في مهدها وعلمت نفسي فضيلة احترام نجاح الاخر وعدم تعليق فشلي على نجاح غيري
أجريت مساومات وصفقات مع ذاتي بما يلائمني لا بما يقول الكتابوج
كسرت المرآة التي تمدحني بلا نقد وصنت مرايا أبي وأمي لأنهما بالضمير والحنان والتفهم أنقذاني من استفحال الميل للعنف والمجون والتكبر
قاتلت ولا أزال فيروس سي وأنا لا أملك ثمن العلاج ثم حين عملت قرشا بعد سنوات من السعي -والحمد لله وشكرا لكل جمهوري الذي أعطاني حبه واحترامه وفتح لي بيتي والبركة في دعا الوالدين وأختي الحبيبة- والمهم أني ألزمت نفسي ببث روح القتال ضد المرض والدفاع عن مجتمع يعالج الجميع لأنهم ولاده لا يميز الثري فيه عن الكادح المنهوب والغلبان والمضطهد
دربت نفسي على احترام خصمي رغم لساني السليط فيما أرى أنه الحق، أخذت مصل التسامح بانتظام حتى بدت بــشـائـر نجاحه بعدما ابيضت لحيتي أي ثابرت عليه ربع قرن حتى أثمر المران
لم أشتر الحب أو العزوة أو الوجاهة
لم أذع سر من استأمنتني ولم أتاجر بمواقفي كرجل وقاومت طاووس الفحولة ونعيقه الغرور نادما على بعض أخطائي وغير نادم على بعضها بصراحة
حصنت بيتي وأهل بيتي واسترخصت الموت دفاعا عن أطراف ثيابهم
اتصلت بأرواح الأجداد وخاطبتهم، لم يحبطني عدم ردهم حتى الان بل زدت توقيرا لعمائم آبائي في شتى المقادير وشحذت النصل لكي أقطف رقاب المتربصين بهم
انتظرت ست الدار مليكة حياتي كثيرا وحين وقفت لنفسي وجاهدت شيطاني ظهرت لي فاقتنعت بحكمة كونية مفادها (انت صنعت ضبابك فتعاميت عن سكك النجاة وانت ستجني المشتىهى حين تمهد أرضك لا حين تسب الجفاف او السيول)

بس خلاص
نهاركم نادي وسعيكم مبروك وصباح الأمل
سلام يا أمة نبية، من قاعها ستخرج رسالتها للدنيا للتاريخ للبشر.. رغم كل ما يحيط بها ويحاك لها

الكل للواحد
والواحد للكل

(خلطة حكاوي ليها ديل بعدين)

(خلطة حكاوي ليها ديل بعدين)

إعدادي أولى في نصها التاني
شتا قاهري وصبي صعيدي اسكندراني
سنتين في أدفو في أول المشوار تشدك
والثغر يلقف شمعتك من بعدها
ثمان سنين بطول تمللي
بدلت شورتي لبنطلون
بدلت حتى سناني
مالشاطبي للمنشية ماشي المعجباني...
عالسور يدندنً بالجنون
والبحر غامق مش أناني
ناخد وندي بالساعات
واخلق حكاية وأشركه في جناني

وحكيتله عن حاجة بجد
زوقتها بتحابيش وشطة
البنت؟ انسى!
(مش حقول اسمك لحد)
وانا لو وعدت ماقعش في الغلطة

البنت جت في الفصل وحدينا
كلام كلام يا وشها القطة
والشعر هو الكستنائي بذاته
فيها الشقاوة.. وف دماغي الخطة
والنبض عالي والمطر يحمينا
أدوس وابوس واندم على الورطة..
ولا اني اندم عاللي كان في أيدينا!

بصينا قرن من الزمان جوانا
وغطست فيها وهي غرقت فيا
اهو ده التردد سحنته قسماته
وفجأة هوب القطة نطت نطة
ولقيت شفايفي اتثبتت في كمين!
سابتني ويا هاملتي في محطة
ولقيتها هاجمة بريحة الياسمين
قلبي اللي فاهم بالعبير اتغطى
ما ان هضمت الطعم في الشرايين
وفهمت ليه بيقولوا لهطة قشطة
هبيت في وش المسئولية سخين
شلت البنية النونو شيل الشنطة

البت مالزهرات بلبس العسكرية
وانا طازة رفد لكني ميري
كشافة شرطة مدرسية
الوقت أظنه قفل عينيه
وراح لغيري
عديت من الياسمين لقيت نعناع
ولقيتني حاضن قطتي بايديا
النبض يضرب في النافوخ شعشاع
تشتي في وداني.. أعتصر طيري
هي الكريمة عند عم عطية
وانا المشلتت جي من فرنه

وبعد حبة من الزمن منسية
رجع الوجود تاني وعاش سنه
كان نفسي أجري.. أطلع الأشجار
وألم حبات المطر في جيوبي
فصلتني بوسي.. اسمها الكودي
لما قالتلي: تفتكر كان عيب؟!
في سن رابعة يعني سن ثمانية
وهي أصغر مني عام واحد
وانا كان لي جولة دين على دنيا
من سن لا أذكر سألت عالواحد
جامع كنيسة بدور
والبحر كان شاهد
وضمير صغنن بيكبر
يكبر معاه جاحد
قلتلها عيب وحرام
لكن لذيذ جامد
قالتلي طيب نروح
نصلي نستغفر
قلتلها بيتك وبيتي
وبكرة تتدبر

كم يوم خدتني القطة
لبيتها في الأزاريطة
الماما تحشي وتصرخ
وعيال يدوبك شبر
قالبينها يغمة وزيطة
وخالتها تغسل في طشت
تلقى الدلع عالحيطة
سلمت زي البنات
من كثر ما تنحت
فريت خالتها مرارا
قال يعني باصص تحت
ولقيتني زي الحصان
مسحوب على جوة
يا بنتي أمك هنا
وخالتك العجوة
بصيتلي بصة أنوثة
بالغيرة والسلاطات
سكي يا بوسي علينا
والعقل خد اجازات
واللي حصل جوة
يعصى على الحكايات!

نرجع لأولى اعدادي سن الحداشر إلا
وسط البنات الخطوط تظهر دوايرها
جغرافيا آخر شقاوة والتلال أعلى
صياد وظبية لعوب واجب ليقطرها
طب سنك ايه يا غزال؟ أكبر بكم.. سنتين
ولقيتني خابط شمال مستني ساعة الصفر
ما تيجي فسحة وهيصة نوحد القلبين
واللي ورا المكتبة دايما حيفضل سر
أوكيه ونو.. يا دلع! جوابها فيه الاتنين
حسيتها ماسكة لجامي شهر ينطح شهر
عرفت بيتها وطفته وغلّي في الرجلين
أصحى وانام عالوسايد واصطبح في النهر
لحد يوم خدتها على غرة قاصد غرورها
أنا والجدار سندوتش ومزتي حلومي
تتلوى زي الممانعة وقلبها غير زورها
فجأة لقيتني انطفيت ومهانة ملو هدومي
شحات أنا؟ بلطجي؟ سنتيح ملوش دية؟
قمت انتفضت ومشيت حالف على يومي
لو حوا قالت لأه لو بهزار
تحرم عليا المنجة عالأشجار
فصل الرجولة الأولاني حقير
من يوم ورايح.. الرجولة قرار
نادت ونادت بس كنت خلاص
حموت ألبي واقول سماح وخلاص
لكن ظهرلي في العصب سياف
وقالي راجل يابني أو بلاص

من كفر حاجة من بلد جواني
من دوري واصغر والجمال رباني
قمر حقيقي ووظفوها في بيتنا
وانا لا فوارق بين بشر والتاني

البت نايمة في الصالون البني
والواد غباوة بشورت باهت لبني
ما بلاش حيصحوا.. هم مين من أصله؟!
ورحنا روحة ورحت كاسر سني

مشوها مش فاكر لكني ارتحت!
حبيتها باين في الصالون تنحت
مشوار مجوني بديته قبل حضانة
جبت الحكاية كلها من تحت

وفضلت اصارع ذكريات الحلوة
واسأل واعنف نفسي وادي بقسوة
يمكن بدون ما اشعر غصبت عليها
والفقر كلب.. وكنت فين يا نخوة؟

وقفلت بابي بكيت كأني نبي
ورجعت اصلي والغرض مطلبي
لو كنت ثور والبت مش رايدة
سويني مني غص قلبي الغبي

مصر الجديدة.. بس مش هليوبوليس
وسطى طبقتك والطموح مشروع
مشروع ده ابوك! دي السبعينات خلص
سبق قرود.. ويا باشا.. يا جربوع

ناصر وهريه شركا لا أجراء
وجو سوف وإننا عتريس
كل الكلام ده مزعوه أشلاء
بعد العبور.. والعدة جانا عريس

أمريكا قالت بس روسيا نو
زي الفريك أمريكا بولوتيكا
قالت لأنور جوة عبي جاتوه
بعد الفرح ولوحدنا حوريكا

قصره عشان ده مش مقال وهباب
سلام يا صاحبي والانفتاح كداب
ورثك يا باشا ضبطوه الأحرار
نكسة ومات ناصر ومصر ضباب

الاتحاد الاشتراكي ده زي الفرم في المدبح
جزل شقف عالشغت وسط الدما تسبح
وجزارة ليها معلم بس مات واحتسنا
وقع السادات في نظامه وان سبقت ادبح

لزومه ايه الكلام ده؟ وليه ندوس في الجرايح؟
غرضي نشوف العماير قبل اما اعد الصفايح
زبال وفين الغلط؟وانا كنت زبّلتها؟
سيبوني أنظف بلادي من ماضيكو اللي فايح

يعني الكلام على ابوه.. وعلى عيون تجاره
ده نعش مين؟ الميثاق.. ناصر خبط مسماره
على جنب حبي لجمال حراّ بلا أحرار
سابها فاروق للرتب.. جنراله جاب سمساره

قصر الكلام كله فاني وشوفلنا تعميرة
يا سيدي خدله الأمارة.. وقل له نادي الجزيرة
أزرق يا دم الملوك.. يا حاشية المحتل
أعيان ولا تحتكم الا الرقاب الفقيرة

من طينة غيرنا اتخلقتوا يا شوجوزال مملوك
فلاح صنايعي أفندي.. من عينيك صعلوك
كم هوجة قامت وقمنا بس برضه عبيد
نطلع لحد الملك.. علشان نقول: أرجوك!

ولقيتني ماشي في شارع الثورة وشارد
نجم وإمام فتحولي سكة للمعابد
أقسم أمامي.. قبلتي.. عهدي.. إمامي
خاطي وكاهن جثتي.. شهيد وشاهد

عصف النكد بالمراهقة فاصطدم بالمرح
شفت الشيطان ابو شوكة والملاك بالبلح
وقفلت مرة علينا وقلت الله كريم
حاخد رقبتي بيدي إلا لو نصطلح

صراع يا ديني! صداع وأنا مخي أصلا بزلت
حقك تقولي مشورة وانت زيه يا زفت
مرة بطول اليوم.. مفهوم؟ بلاش خوتة!
فيا اللي أطيب وأعلى وفيا كل الكفت
سني ثلاثاشر سنة والبت دي توحة
تغسل وتنشر محنها والبسطة مجروحة
سلام كلام سلام سلاح للعطر يسبقها
كثر الدلع خلى الجدع يتشعلق الريحة

حصلت حاجات وحاجات لكن ده مش وقته
راجع لثالث سنة في ثورتي البمبي
سلمية.. ثورة شباب.. وشعب رحرح في شورته
ونزل يلاعب أبالسة وقال ده ماتش وحبي
سلم يا حبي سلاحك وعيش حكاوي بورتو
مرة البراءة وسافل ياللي إسمك قلبي
ولا عدت طيب يا طيب وبعد كل اللي شفته
وقت اما ننوي حنجذر.. وعالنظيف حنربي

لو شتمت الفراعنة

لو شتمت الفراعنة او التاريخ القبطي او العربي الاسلامي تبقى اولا جاهل وغير علمي، وثانيا مش انسان لانك مش واقف مع أمتك الجريحة وتحاول استنهاضها ورد الذاكرة لها عشان تخف وتطيب، وكمان خاين، ونصير للظلم، وتبقى ناوي على موتك اعذرني والله مش بكرهك... بس انت حقيقي.. تايم أوت! ابعد عن تحقير أمتك وانقدها لتنهض لا لتموت.. اعتبرها امك وجدتك لو عندك اصل، اعتبرها الثروة لو من عبيد المال، اعتبرها عقيدة موازية للعقيدة الدينية بلا افضلية، بص.. اعتبرها اي حاجة بس بجد.. احترم أصلك عشان عيال عيالك تحترمك.. وانا برضه اخوك من هنا لحد المحطة دي.. ساعتها عدوك انا، وعدوك عاللي لامواخذة ومع احترامي حيتعمل فيك التوقيع.. فاعل خير عموما، وساعات قليلة فاعل شر عالشر

هناك

هناك
حيث الجانب الخفي من القمر
ومثلث برمودا يترصد
وقارة غارقة في مياه السنين
وبحر رمال ناعمة يتمدد
وغابة خانقة ذات شجر متوحش
وكائنات تحس لا ترى
ووجع مزمن ينخر في الوجود
هناك حيث الخط الفاصل بين الساعتين
حيث الميت من حي والنبع من حجر...
مع تلاطم الحلال بالمحرم
واصطدام القبح بالجمال
عند اشتباك صفير الصمت بصدى دون صوته
ومع انفراج البدء وانغلاق الخاتمة
واحتراق الأثر
هناك
بين دفء عابر وجليد يمر
بين نصل قاطع وظل جثة
قرب ماء طهور يتحفز..
ودم يصب في دنس
هناك أكون
إذا شئت أن ترى ما رأيت
فاتبع النجم الذي تشك فيه
واستمع للذي لم يقله أحد
وصاحب الذهاب والإياب كالإبل
تجاوز السؤال والجواب كالصقور
اسحب سلاحك المجهول من كتابك الغامض
تأمل المبهم في الخلايا
واقرأ المطموس بين السطور
واستعد للمهمة المقدسة