Saturday, November 22, 2008

يا صقر يا مصري


شفتك بتفرد في السما جناحيك
حسيت بندهة من زمن حورس
خدني معاك خليني اشوف بعينيك
ياللي انت سلطان عاليمام والنورس
------ -------
خدني معاك يا صقر يا مصري
حسسني إني لسه قادر اطير
مش عايز اكون عصفور ولا إمري
خليني زيك مِقْتِدِر وخطير
------ -------
عايز اجوب الكون بكل حماس
وارفع كتافي زي أجدادي
وأكسّر الذل اللي مالي الناس
واوهب حياتي وافدي احفادي
------ -------
أرجوك يا صقر بحملّك دي الأمانة
انشر على النيل النبيل السر
رجعني ثاني أحب أرض الكنانة
وبوس لي مصر بحلوها والمر

34 comments:

Mona said...

speechless Mr. Khaled

Unique Gurl said...

Greaaaaat Greaaaat Greaaaat
really u r the best evaaaaaaa :)

sabry ahmed said...

to7fa ya khalid begad
ma3naha gameel awy wel words to7fa :)
woooow

Magda said...

بجد الله عليك

KHALED-ELSAWY said...

ربنا يخليكم يا رب ده انا كنت قلقان من انها مش فنية قوي :))
مبسوط جدا انها عجبتكم لاني حسيتها وانا سرحان من شباكي وانا ساكن في الدور 22 فلقيته واقف على السور وبهرني بتحليقه المفاجيء:)

Cleopatra Ericsson said...

Mr. Khaled.
The poem is actually MORE then just VERY BEAUTIFUL. It contains a special feeling.
I wish all your dreams come true and you stay in the country you love.
Good night.

chahira daoud said...

خالد .. ايه الاخبار ,,, انا اخدت منك شعرك بتاع اوباما و كمان نميت عليك شويه فى البلوج بتاعى العربى... ممكن تيجى تتفضل تتفرج و كمان نشرب شاى.. ما كنتش اعرف انك كمان شاعر جميل,,, تسلم ايدك و دماغك العالية.

www.chahiraelkhabira.blogspot.com said...

متجيبش جاتوه معاك, انا عندى كل حاجة ,هات نفسك بس و تعالى!!!
http://chahiraelkhabira.blogspot.com/
http://www.chahirakitchen.blogspot.com/

adel said...

ممم جامدة يا استاذنا خصوصا الحتة دي

أرجوك يا صقر بحملّك دي الأمانة
انشر على النيل النبيل السر
رجعني ثاني أحب أرض الكنانة
وبوس لي مصر بحلوها والمر

تفتكر ممكن ارجع احبها تاني ولا صعب

عادل
http://elbald-dy.blogspot.com/

منال said...

والله اسلوبك جميل للغاية الم اقل لك ان هدا هو ملعبك الحقيقي.منال.المغرب

سيرة شعنون الحمّار said...

من أول مرة رأيت أداءك وانا أشعر أننى أمام فنان مثقف لهذا لم يفاجئنى عندما قرأت نصا شعريا بديعا لك تحياتى

بت خيخة وأى كلام said...

تسلم ايدك يا خالد
بس بحب العود
وابقى افتكرها يا أوباما
عجبونى اكتر من يا صقر يا مصرى

مش معنى كدة ان يا صقر يا مصرى وحشة
بس الاتنين التانيين عجبونى اكتر

تسلام
اختك خيخة

Cleopatra Ericsson said...

Mr. Khaled.
I wish your life will be filled with…
freedom, success, love and joy
today and all years through!
CONGRATULATIONS ON YOUR 45th BIRTHDAY!

amira mekkawy said...

احسنت يا استاذ

N.Ali said...

أرجوك يا صقر بحملّك دي الأمانة
انشر على النيل النبيل السر
رجعني ثاني أحب أرض الكنانة
وبوس لي مصر بحلوها والمر


رائعة جدا منور عليها بجد

Anonymous said...

Hi Mr. Khaled..
I'm reading your poems here in the blog since about a month or more, without writing any comments. You are really an excellant actor and a very sensitive poet (sadda2ny msh mogamla!). I can't say except Chapeau Monsieur :)

That's why you deserve now to write for you to say Happy Birth Day Mr. Khaled wish you all best wishes and all your dreams become true..

wish you a long life full of joy, love, and success.

Ayah

!!! عارفة ... مش عارف ليه said...

صباح الخير

دي مش أول مرة أجي هنا

وكنت اتعرفت على المدونة عن طريق مدونة عاليا حليم

وبعيدا عن كلماتك المثيرة للتأمل

في مرة "أحمد منصور" مقدم برنامج بلا حدود على قناة الجزيرة والمشكك في مصريته

كان ضيف على برنامج

وفي إجابة له عن سؤال غريب

بتحب مصر؟

وكان جوابه
طبعا بحبها بكل ما فيها .. حتى بالزبالة الموجودة في شوارعها


تحياتي
وليد

Eng. Ahmed Abo El-Ella said...

ياجمال صقرك ياخااااالد

Anonymous said...

اعشق الصقور رغم انى لم ألقاها

سلمت يداك و سلم احساسك

و سلمت حرية الصقور

سمير مصباح said...

تابعتك كثيرا فى اعمالك الفنية الرائعة
ولكن هذه اول زيارة لمدونتك لاكتشفك كاتبا بارعا

بحب العود قصيجة قوية جدا تحمل كل مقومات الشعر الجميل من صور طازجة واحساس عالى وتوصيل وفكرة تحمل الكثير
وفى رايى هى افضل الثلاث

وابقى افتكرها يا أوباما

ينطبق عليها الكثير مما قلناه على القصيدة الاولى غير انها وقعت فى فخ الغنائية العالية وهى من وجهة نظرى على الاقل عيبا من عيوب الشعر الا اذا كنا نطمح فى كتابة اغنية

يا صقر يا مصري

عالية المستوى وجميلة والاداء الفنى فيها اعلى وليس عليها مآخذ
غير انك لو اردت رايا شخصيا ساقول لك ان الفكرة رائعة وجميلة وتستحق ان تكتب بتأنى اكثر


تحياتى لك مبدعا شاملا وجميلا

KHALED-ELSAWY said...

بشكركم جدا جميعا، وأشكر سمير مصباح شكرا مضاعفا على عرض رأيه النقدي المحترم

radi said...

عزيزى الاستاذ خالد الصاوى
شاهدت مدونتك وكنت أعرف فيك الممثل وليس المدون وأليك تعليقي:
ياصقر يامصرى رائعة جداجدا وتعطينا الامل بأن المصرى قوى ويستطيع النجاح برغم كل الظروف المحيطه به
كما أن (وأبقي افتكرها يا أوباماجرس أنذار لكل من يعتقد أن اوباما لانه أسمر اللون حيحل مشاكلنا والحقيقة أن ولائه الاول والاخير للبيت الابيض
كلماتك رائعة مع أطيب تحياتي

maya said...

Bravo Khaled! so strong feelings, it reminds me with el Hareb movie for the late Ahmed Zaki. begad keep it up

Anonymous said...

جميلة يا خلود يا رافع راس عيلة الصاوى

بنت عمتك رشا

molly said...

انا باعتز جدا بيك كفنان مميز واكتشفت اليوم كمان انك كاتب اكثر تميزا
انت فعلا متفوق
انا باحس ان بداخلك طاقات فنية اكبر كمان من اللي قدمته
دورك في عمارة يعقوبيان وكبارية باعتبرهم تحدي نجحت فيه بمهارة
تحياتي واسفة علي الاطالة

cleopatra said...

السلام عليكم .. أ-خالد .. ازيك؟

لا يوجد تعليق أوصف من : حورس

EBTSAM said...

رائع رائع رائع و أكثر من رائع

من أول ما بدأت عيناي في قراءة الكلمات و قد امتلأ صدري بنشوى غير مألوفة بالنسبة لي

حلقت و حلقت كأنني أنثى صقر صغيرة تنتظر يوما تتمرد فيه على كل ما حولها لتعلن وجودها و قدرتها التي لا يملكها طير آخر

أستاذ خالد احببتك فنك كثيرا و لكن اليوم احببته أكثر فكم هو راقي و متميز و جميل

EBTSAM said...

رائع رائع رائع ..بل اكثر من رائع

من اول ما بدأت في قراءة حروفك الأولى و قد شعرت بنشوى غير مألوفة بالنسبة لي تعتريني

حلقت و حلقت كأنني أنثى صقر صغيرة تنتظر يوماً تتمرد فيه و تثور فهي ليست كباق الطير ضعفاء

كنت على يقين بأنك دوماً الأقوى .. الأرقى ... تملك ما لا يملكه الآخرون

Emy said...

أ. خالد
قصيدة جميلة ومعبرة رغم
قلة كلاماتها وبساطتها

Salwa said...

Wow begad , ana kont fakra enak momasil to7fa we bas , elnahrda bas awel mara a3raf 3anak enak Siasi we Watani we sha3er 3azeem kida , ana we goazy min ashad elmo3gabeen beek we be2adwarak elmotamayeza gedan enta begad malaksh 7al , elshe3r da mo3abir awe lili yefham , w2g.

Michael said...

قصيدة جميلة و ذكية لمن يفه مابين السطور, فعلا عمل رائع يا استاذ خالد...

coconut said...

الله على دماغك يا خالد
تخيلت انك ممثل فاهم وبس
لكنك غيرت فهمى وطلعت كمان شاعر وحاسس تسلم ايدك ودماغك واحساسك
سلام

أميرة said...

كلمات قوية وواضحة وصريحة جداً المرة دى يا خالد .. وتعبيراتك جميلة أوى أوى .. شايفة فيها رغبة فى الإنطلاق والتحرر من كل المعوقات والأزمات ومواجهتها ...

كل سنة وانت طيب وبالف الف خير ....

احمد سعد said...

تسلم يا خالد والله على فكرة انا اول مرة اعرف انك شاعر الاول كنت ااااا.... متأخذنيش فى الكلمة احم ... كنت باكرهك فى كل الافلام لكن دلوقتى لما عرفت انك شاعر انسان عرفت انى انا كنت عبيط حيران

على العموم كلامك كله جميل
سلاااااام