ليل المدينة
-
الليل بيرخي عالمدينة الجفن
يبقى القمر جوة العيون النن
يحلم يشوف الحالمين ويحن
وينام ويصحى والمدينة في حزن
-
الليل بيقفل عالمدينة الباب
همس السكوت يفتح ميتين سرداب
انا طير بموت ولا بلا احباب؟
وده صوتي ده؟ ولا البيوت بتئن؟
-
الليل بيسدل عالمدينة ستار
يكْتِم حاجات وتكَتّم الاسوار
وحاجات تبات اشجار من الاسرار
وانا سر قلبي بينكشف عالغصن
-
خالد الصاوي
No comments:
Post a Comment