زعق غراب البين على سطحي
فزعني من نومي وأحلامي
فريت دماغي من صور وأسامي
الجرح ده غاير مهوش سطحي
في إيدي إيه أديه لسيد فتحي
غير كلمتين مالدم والأعصاب
مات المحامي الشهم.. لسه شباب
بهدوء وميل جرحه فوق جرحي
... روب الغلابة، مرافعة الفقرا
حصن اشتراكي في وش أوساخنا
من يومه فارس.. كلمته سخنة
وقلبه دافي، وضحكته حضرة
عشرين سنة أفوكاتو للمظاليم
دستة شموع قايدة وما بتهمدش
لا عمره خاف من طلقة أو من وحش
ولا عمره قلب مالجعان مليم
افرح يا ظلم في قصرك الملعون
عيشلك من الأستاذ يومين مرتاح
من بعدهم جايلك قدر سفاح
فقيدنا حي وضلته إعصار
واحنا الكثار بكرة الجراح حتهون
ندفن ونشحن غلنا بالثار
مع السلامة يا درة المحاماة
يا جنينة عايشة في الشباب للأبد
يابو الرجولة يا ذكرى بعد الجسد
يا نخوة صافية، يا سند، يا مدد
سلام رفاقة وكلنا جايين
اياكش بس نوفي أحلى دين
مصر الغلابة بتاعة الكادحين
واحنا الضيوف وأكلنا من خيرهم
ملناش لزوم ولا عازة من غيرهم
سلام يا راية حق بترفرف
سلام يا قارب في المحيط ما يلين
سلام يا زرعة خضرا بتهفهف
تنشر عبيرها في الصبية جنين
سلام واشوفك يوم ما ييجي الإذن
أستأذنك.. والله غلبني الحزن
والخنقة عاصرة القلب من جوة
خليك فاكرنا ودعوتك لينا
طول ما احنا لسه عالعهود باقيين
فزعني من نومي وأحلامي
فريت دماغي من صور وأسامي
الجرح ده غاير مهوش سطحي
في إيدي إيه أديه لسيد فتحي
غير كلمتين مالدم والأعصاب
مات المحامي الشهم.. لسه شباب
بهدوء وميل جرحه فوق جرحي
... روب الغلابة، مرافعة الفقرا
حصن اشتراكي في وش أوساخنا
من يومه فارس.. كلمته سخنة
وقلبه دافي، وضحكته حضرة
عشرين سنة أفوكاتو للمظاليم
دستة شموع قايدة وما بتهمدش
لا عمره خاف من طلقة أو من وحش
ولا عمره قلب مالجعان مليم
افرح يا ظلم في قصرك الملعون
عيشلك من الأستاذ يومين مرتاح
من بعدهم جايلك قدر سفاح
فقيدنا حي وضلته إعصار
واحنا الكثار بكرة الجراح حتهون
ندفن ونشحن غلنا بالثار
مع السلامة يا درة المحاماة
يا جنينة عايشة في الشباب للأبد
يابو الرجولة يا ذكرى بعد الجسد
يا نخوة صافية، يا سند، يا مدد
سلام رفاقة وكلنا جايين
اياكش بس نوفي أحلى دين
مصر الغلابة بتاعة الكادحين
واحنا الضيوف وأكلنا من خيرهم
ملناش لزوم ولا عازة من غيرهم
سلام يا راية حق بترفرف
سلام يا قارب في المحيط ما يلين
سلام يا زرعة خضرا بتهفهف
تنشر عبيرها في الصبية جنين
سلام واشوفك يوم ما ييجي الإذن
أستأذنك.. والله غلبني الحزن
والخنقة عاصرة القلب من جوة
خليك فاكرنا ودعوتك لينا
طول ما احنا لسه عالعهود باقيين
3 comments:
سلام واشوفك يوم ما ييجي الإذن
أستأذنك.. والله غلبني الحزن
والخنقة عاصرة القلب من جوة
ياربي على الوجع!!!!!!
أحاسيس معبرة وكلام فرسان حقيقي
انا بحمد ربنا والله إنه خلق في الدنيا دي حد زيك
عارف إنا لما بكون مخنوقة وشايفة الدنيا مظلمة قدامي بدور على حاجة من أعمالك ،وخصوصا خاتم سليمان
يا دكتور سليمان :)
حنين
سلام واشوفك يوم ما ييجي الإذن
أستأذنك.. والله غلبني الحزن
والخنقة عاصرة القلب من جوة
ياربي على الوجع!!!!!!
أحاسيس معبرة وكلام فرسان حقيقي
انا بحمد ربنا والله إنه خلق في الدنيا دي حد زيك
عارف إنا لما بكون مخنوقة وشايفة الدنيا مظلمة قدامي بدور على حاجة من أعمالك ،وخصوصا خاتم سليمان
يا دكتور سليمان :)
حنين
سلام واشوفك يوم ما ييجي الإذن
أستأذنك.. والله غلبني الحزن
والخنقة عاصرة القلب من جوة
ياربي على الوجع!!!!!!
أحاسيس معبرة وكلام فرسان حقيقي
انا بحمد ربنا والله إنه خلق في الدنيا دي حد زيك
عارف إنا لما بكون مخنوقة وشايفة الدنيا مظلمة قدامي بدور على حاجة من أعمالك ،وخصوصا خاتم سليمان
يا دكتور سليمان :)
حنين
Post a Comment