Wednesday, January 07, 2009

مش قلتلك؟!




البيه سكت ايام وايام وكلبه يحصد في الأرواح
ولما جه ينطق.. يا سلام.. ساوى القتيلة بالسفاح!

إشمعنى طيب يوم مومبيه طلبت محضر وتحري
أنا مش حلومك يا مون بيه علشان هرشتك من بدري!

مركبتي سالمة يا سلامة وكفتي هي الطبّة
مش قلتلك يااسطى أوباما والله لناخد فيك بمبة؟!!

22 comments:

Eng. Ahmed Abo El-Ella said...

وعجبي

Anonymous said...

و الله لقد كنت أعلم-و ليس رجما بالغيب- -أن هذا ما سيقول إن قال شيئا فلا يوجد أحد من طواغيت أمريكا منذ تأسيسها علي أشلاء و جماجم الهنود الحمر و و فرولت رؤوسهم المسلوخة، قد حكم حكما عادلا.....قال أمل دنقل (لا تصالح فالصلح لايكون إلا بين ندين..و الذي قتلني محض لص..سرق الأرض من بين عيني
ملحوظة :لماذا لا يكشف النظام المصري حقيقة النهاية المخجلة لحرب 73 والتي ذكرها الفريق الشاذلي بالتفصيل ...لنعلم من الذي كان يستحق المحاكمة)

!!! عارفة ... مش عارف ليه said...

الحل لن يأتي على يد هؤلاء

إنما عندما نملي إرادتنا عليهم

------------
على جنب كدن
حلوة "مون بيه" دي


ودمتم
وليد

أم مريم said...

مش قلنالك مبدع و قلمك مالوش حل؟
فعلا أوباما طلع مقلب
ولا عزاء لكل اللي هلل وطبل و افتكر ان البيت الأبيض ممكن تسكنه شخصية محترمة
من اصل افريقي مسلم؟ وإيه يعني
ماهو نسي واتبرى من اصله وكله يهون في سبيل المكتب البيضاوي
دي رئاسة أمريكا يا عم مش تقولي عرب و مسلمين وغزة والكلام ده
الله عليك يا فنان
وعلى رأيك: ابقى افتكرها يا أوباما

عاقلة علي ارض الجنون said...

ده شيء متوقع ..

وجوده ف المكان ده .. سلطه و نفوذ .. إيه اللي يخليه يفكر ف قضيه أصلا ..

الكراسي بتعمل أكتر من كده

أوباما هيبقي مفيد جدا للأمريكان جوا بلادهم

لكن محدش هينفعنا كعرب غيرنا .. قال أوباما قال ..

زي ما انت قولت .. مش قولتلك ؟ أوباما أي كلام و لا غيره حتي هينفعنا ..

منال said...

تخياتي ما يصدر عن الصهاينة واتباعهم من كلام عن العدوان في غزة غير مستغرب فطبيعي ان يساووا بين الضحية والجلاد والدي يؤلمني كثيرا هو عجزنا عن رفع الحصار وصد العدوان عن غزة . فيا حسرتاه على عروبتنا واسلامنا البقية في حياتكم.................منال.المغرب

عاليا حليم said...

كنت حاطة أمل عليه
--------
جميلة خاطفة و سريعة فتحس انها زى النصيحة كده او حكمة اليوم بأسلوب جديد متطور و له وقع جميل على النفس

Magda said...

والله العظيم أنا واثقة من أول يوم شفته إنه هيكون ألعن من اللى قبله دا أول حاجة عملها إنه عين صديقه اليهودى فى البيت الأبيض وكأنه بيشترى ودهم وبكرة ياما هنشوف منك ياأوباما

Che_wildwing said...

حلوة يافنان
بس العيب مش على اوباما
العيب على بابا وماما
اللى ربونا تربية زي دي
تربية السكوت والانكسار
وايوه حاضر طيب

MaNoO said...

من امتى الحداية بتجيب كتاكيت

واللى ينسى التاريخ مش هيعرف يعيش فى الحاضر هنستنى ايه ومن مين مفيش تغيير الا بايدينا ولا اى حاجة الا بعقولنا ولا اوباما ولا بابا وماما فعلا زى ماقال احد المعلقين الأفاضل

Zeina Ramadan said...
This comment has been removed by the author.
Zeina Ramadan said...
This comment has been removed by the author.
moshera said...

الله يحرقك يا اوباما سكت دهرا و نطق كفرا

أميرة said...

مش قلتلك يااسطى أوباما والله لناخد فيك بمبة؟!!

وأى بمبة يا أستاذ!!! تمام!!!

..........

حسن حنفى said...

انا لا الومه اذا كان المسلم العربي المصري الرئيس المبجل المعظم امد الله في عمره واطال لنا بقاؤه ( محمد حسني مبارك ) مش ليه موقف ده يعتبر مشارك في ضرب غزة يبقي ليه نستني من اوباما انه ياخد موقف ( يا فئتك وجع لوحك قبل ما تدور علي الناس درو علي روحك )

:d

ولا ايه رايك

Anonymous said...

سيدي الفاضل
لطالما ظننت ولا ازال ان عالم السياسة هذا هوالسهل الممتنع بعينه....
كثيرا ما نظن انه من السهل على ابسط البسطاء حل الغازه التي كثيرا ما تخالف كل منطق بل قل ابسط منطق
من هذا المنطلق لطالما فكرت كثيرا في موقف رئيسنا المبجل كما وصفته
فكرت في الربط الصريح بينه وبين ضرب غزة
ودعني اشركك فيما جال بخاطري هل يعقل ان اتفق مع احدهم على شئ ما ثم يأتي هذا الشخص ويسئ الى شكلي امام شعبي بحيث ابدو شريكا فيما حصل ؟؟؟؟
كيف يعقل هذا لا اعني بذلك ان اعفي السيد المبجل وغيره ممن اسميناهم رؤساء من مسؤلية ما حدث
ولكنني اجد نفسي غير مقتنعة بهذا الربط بين زيارة ليفني لمصر وضرب غزة مكا فسره الكثيرين
ودمنا في حفظ الله جميعا
Arch. Eman

adel said...

استاذي العزيز

ياريت تكمل كلام للاخر و ديه اخر مرة

ولا الزمان و المكان و لا ينفع انقل المناقشة هنا من الفيس بوك

بس حضرتك مدتنيش حتي حق الرد
:S:S:S

استاذي العزيز .....انا ولا انا استسلامي ولا عميل للسلطة ولا كل الكلام ده

انا شاب مصري كان نفسه يتعلم حاجة بجد منك او من اي حد اتعلم ياخد حقه و جه في وقت احسن و ظروف غير اللي طلعنا فيها احنا

و بمناسبة الهجرة و ليك حرية التصديق او عدمه

انا فعلا امبارح و للصدفة جاتلي فرصة عمل و تكملة دراسة شرعية جدا من ناس قرايب في ايطاليا و الكلام جد جدا

و انا من ساعاتها مش اقدر انام
مش عشان فرصة او غيره

عشان متخيلتش للحظة اني اسيب بلدي

ممكن متصدقنيش و تقولي ازاي واحد زي ده و ممكن يفكر كده و يقول بلدي

يمكن انا متعلمتش الثورة بس حب بلدي ده مابيجيش بالعلام

صدقني انا مش قادر اكمل .... مش عشان استسلمت
بس عشان انت مش قابل كلام مني

و اسف ان الكلام وصل بينا للمرحلة دي

----------------
يا استاذي اخيرا و ليس اخرا

ستظل دوما مثلا احتذي به متمنيا ان اصل لنصف ما وصلت اليه في الكفاح

و ستظل دوما و ابدا من اكثر الشخصيات اللي عرفتها و احترمتها

شاب مصري بيحب بلده بجد
عادل صليب

nour said...

دى حاجة كانت متوقعه
على العموم اهل غزة مش عايزين حاجة من حد
بس الناس تسيبهم يحاربوا بس
ميعدوش يقولوا هما عايزين من مصر ايه و يهاجمهوهم كمان
ده فى groups
على الفيس بوك مصرية و بتهاجمهم ال ايه ليه نتضامن مع غزة اصل شوارعها انضف من شوارع مصر
!!!!!!!!!!!!!!!!!!
مش مصدقه

saken_asly said...

السلام عليكم استاذى الجميل
ممكن تسمحلى انقضك؟
ايوة حانقضك بلا تردد
حانقض شعرك و ابدى مدى اعجابى بيه كقارىء هاوى الكتابة الصحفية و الشعر فى بعض الاحيان.و كم اشعر بخيبة الامل لانى لم اشترى ديوانك الاول و لكن قريب جدا حاشتريه و ابعت لحضرتك و انقضك :]

احمد عبد العزيز

Anonymous said...

تسلم اديك يافنان انت بجد مثال للفانانين العرب
واتمني انكتزوك المدونةبتاعي وتقلي ايه رايك فيها ودا اللينك
http://haytham.extra-blog.net

احمد الجيزاوى said...

من اجل الافراج عن احمد الكردى المعتقل من اجل غزة

للتضامن مع احمد الكوردى المعتقل ظلما فى سجن طرة ندعوكم لزيارته معنا صباح يوم الاحد القادم 18-1-2009 وذلك حتى نشعره انه ليس وحيدا و اننا جميعا لنا نفس موقفه فى مناهضة العدوان الغاشم على اهلنا فى غزة

ملحوظه الزيارة مفتوحه الى لجميع والتجمع امام سينما فاتن حمامه بالمنيل الساعه 7 الى الساعه 8

الاستفسار

0116217190

0109825523

0225327805

فيلم

احمد الكردى معتقل الحريه منذو 31 - 12- 2008 حتى الان

الدعوة ورابط الفيلم هنا http://iloveyouegypt.blogspot.com/

Anonymous said...

العيب فينا بصمتنا وقلة حيلتنا فلسطين لن ترجع بالمظاهرات والهتافات و ترجع لمانصحح عيوبنا ونكون امة محمدمن جديد اليهودبيقتلوافىالفلسطنيين مش علشان امريكابتدعمهم دعلشان لم تجداحد من الحكام العرب يتصدى لهم اسرائيل لمحت الخوف فى عيون القادةالعرب والمضحك ان الخوف ده مش خوفهم من اسرائيل لا ده خوفهم من بعضهم كل حاكم خايف علىعرشه