Wednesday, November 28, 2007

نقطة ضعفي


نعم أنت نقطة ضعفي.. وأصل كل بلائي
أنت نقطة التحول التي أسمع عنها
والشعرة التي تقصم الظهر نعم
أنت أيتها الحقيرة المشعوذة
يا صنم العجز يا مظلة الدناءة
أنت أيتها السيجارة الفاجرة
مرد هذاالتدهور ِ..
وجذر هذه التنبلة

نعم عشقتك أيتها المومسة
عشقت لحظة البحث عنك
ككل عاهرة عشقت حضورك المزري
وافتخرت بك.. مثل قواد بفتاته
حتى قسوتك على قلبي.. كانت ممتعة
حتى ارتداؤك ثوب الفلسفة الداكن
وانتهاكك أنفاسي.. وابتذالك جسمي
حتى وقفتك الثابتة بين إصبعيّ..
كحلمة داعرة مريضة بالسَّودا
نعم عشقتك أيتها الكلبة الرشيقة
لذا.. سوف يكون فراقنا حادا على دمي

الآن أطفيء نارك التي حرقتُ في بخورها حياتي
حرقت مجدي فيها وأحلى ذكرياتي
الآن غير آسف أنا أخنق استبدادك بي
وأسترد أول حرياتي السليبة
نعم سئمت خلطة التبغ بالعبودية والمذلة
وسئمت أرفع عن دمي.. بصماتي
سئمت لهوي بالشباب الضائع.. والثقة العمياء بالقدر
سئمت الليل والدخان والفجور وانكسار القمر
سئمت القرارات الثكلى ومازوخية الروح في الخطر
سئمت قمع الخطايا لي.. والنهاية المأساوية المرتقبة
سئمت سئمت لفظة "آخر مرة"
وكدت أكفر بانتظار مولدي الجديد

124 comments:

نبضات said...

أول التعليقااااااااات
صباح معطر بالورد والياسمين ياستاذ خالد تحياتى على القصيده الجميله
وأتمنى أن تكون صحتك أحسن الان

فعلا التدخين حاجه سيئه جدا وضاره وبتبقى محتاجه اراده عشان الانسان يبطالها بس طالما وجدت الاراده اصبح لايوجد شىء صعب على اى انسان
وسعيده ان حضرتك ستنضم للمتتنعين عن التدخين ان شاء الله واتمنى ان كل المدخنين يقرائون هذه القصيده بعمق لكى يتخلصوا من هذه العاده الضاره على صحتحهم
لان الصحه نعمه من الله غاليه جدا
ومن لديه صحه لديه أمل ومن لديه أمل فقد امتلك كل شىء

على فكره الصوره بتاعت البوست رائعه اختيار موفق منك
تحياتى لك

Eric Matt said...


:))

تحياتي من ماناساس البلد

Yasser Hussein said...

رائعة هذه الكلمات يا خالد
ومعبرة جداً عن حالة الكراهية الشديدة للسيجارة
والأروع أن تطبق بالفعل الاقلاع عن التدخين
ربنا يقويك وتقدر تبطل سجائر وشيشة
تحياتي يا جميل
:)

hosamdswke45s said...

جميلة ومبدعة ايها المبدع الرائع وعقبالي وعقبال كل حبايبنا وربنا يساعدنا ونقدر نبطل التدخين قبل فوات الاوان
حسام صالح المحامي
0102031050

hosamdswke45s said...

رجاء لا تنسي تطمننا عليك وعلي صحتك

اسكندراني اوي said...

خالد يا جاااااامد
والله جد لو عملتها تبقى عشره على عشره

عقبالنا ياااارب

Unknown said...

والله أجمل كلمات قريتها في موضوع التدخين على الإطلاق

التشبيه بلا مبالغة عبقري
.
.
نصيحة متواضعة
إحذر أن تدفعك رغبتك في البعد عن هذه العاهرة إلى البحث عن بديل لها من أي نوع آخر
.
.
أرجو لك التوفيق

تحيــــاتي

رحيق الحب said...

سلامو عليكم
ازاى حضرتك.. جميل اوى البوست بس عايزة اقول لحضرتك حاجة
السيجارة دية فعلا اساس كل البلاء وليه عواقب سئية فيما بعد يا ريت يكون عند حضرتك ارادة وعزيمة قوية وتستعين بربنا فى القضاء على العادة دية وفيه كتير جربوا الموضوع ده ونجحوا
الصحة نعمه فا لازم نحافظ عليها وللاسف عموما الانسان مش بيشعر بيها الا اذا حصل فيها حاجة
ان شاء الله ربنا يحفظك من كل سوء وتذكر دائما
"ان تعدوا نعمه الله لا تحصوها"

Unknown said...

تحيه كبييييييييييييره

حلو انا لسه عامله موضوع عليها ياربت حضرتك تيجى تقراها
وهقولك على حاجه حلوه

ممكن تجيب ورقه وتسطرها بعدد ايام الاسبوع ده فى المربع الافقى على اليمين

والراسى بعدد ساعات اليوم

وكل ساعه تدخن فيها سيجاره تعلمه باللون الاسود

لك تحياتى

aya said...

ربنا يكتهالك وتبطلها
انت وكل مدخن بيحط حياتى وصحته رهن اشارة من السيجارة

بوست جميل
واسمحلى اكون ضيفة متواضعة وخفيفة فى مدونتك

والسلام ختام

Unknown said...

مش قادرة اوصفلك مدى سعادتى بظهور خالد الصاوى بجد فى حياتى ... أيوة ما تستغربش بصراحة الى كان عبد للسيجارة هذه الحقيرة الداعرة من تأذى فقط و ليس من وارها فى حياته اى فائدة و حتى متعتها متعة رخيصة سافلة ما كنتش حاسة ان ده خالد الصاوى الثائر المتحرر الى شفته ما بين سطورك مش ده هو الى يضيع عمره هباءا بسبب افكار مذبذبة و انحناء و أستسلام للخطايا و المتع الوقتية عمر ما كانت دى الحرية عمرها

و كلمة اخيرة من صديقة لصديق مش السيجارة بس الى انت عبد ليها فى واحدة تانية فى حياتك اختر من السجاير و لوناه طبعا فى منتهى الرقى و هى الحرية نفسها اعتقد انك من كتر ما انت متمحور حولها و مديها كل حياتك بقيت عبد ليها دون ان تشعر لحد ما سلبتك هى حياتك ..... اما أن الأوان أن تنتبه يا صديقى ؟

Unknown said...
This comment has been removed by the author.
albida said...

يا سلام يا استاذ خالد!! ربنا يوفقك ويعطيك الارادة والقوة أنك تقلع عن الملعونة دى
وأنا متأكدة أن حضرتك عندك الرغبة فى الاقلاع عنها لأن اصرارك باين فى سطور القصيدة دى... ألم ومعاناة وتمرد ومواجهة!! كأنها حرب بالظبط
حضرتك عودتنا أنك أنسان قوى ومبتقبلش العبودية بأى صورة من الصور علشان كده أنت لازم تتمرد على السجاير وتنال حريتك منها

نيجى للقصيدة بقى كقطعة فنية
أولا عجبنى أوى تشخيصك للسيجارة.. كمان استخدامك لضمير المخاطب مش لضمير الغائب بيدل على رغبتك فى المواجهة والتحدى

حضرتك مكثف أوى استخدامك للوصف خاصة النعت المجازى و- كالعادة- مستخدم تشبيهات جديدة.. وثورية!!!!! مثل
الحقيرة المشعوذة
السيجارة الفاجرة
كحلمة داعرة مريضة بالسَّودا
الكلبة الرشيقة

فكرة تشبيهك للسيجارة بالمومس عجبتنى أوى وأعتقد ان حضرتك كررت الفكرة دى فى قصيدة ليك قبل كده.. بس الصراحة مش فكرة ايهم بالظبط
:(
تشبيه السيجارة بالمومس بيوضح طبيعة علاقتك بيها ونوع الرضا والسعادة اللى كانت بتقدمهملك.. مجرد سعادة جسدية وقتية مخدرة.. وعند انتهائها يشعر الأنسان بعدم الرضا وبتصل احيانا الى كره النفس! برضه هى زى العاهرة فى جذبها للضحية.. قد تبدو جميلة ومشبعة لكن لما الأنسان بيقترب منها بيرى مدى قبحها

عجبنى برضه أن حضرتك لعبت بالأزمنة كويس, أنتقلت من اللحظة الحاضرة للماضى ثم الى الحاضر مرة أخرى
بدأتها بثورة نفسية بتعانى منها دلوقتى ووابل من النعوت والشتائم
ثم بعد كده وكأنك بتبرر ليه ده حصل من خلال استرجاعك للماضى
واخيرا مرحلة القرار اللى جت بعد طول معاناة

على الرغم من ان كل اللوم موجه الى السيجارة فى القصيدة الا أنها لا تخلو على المستوى النفسى الأعمق من لوم موجه الى الذات! كأن السيجارة وسيلة اسقاط
وده واضح جدا فى
وافتخرت بك.. مثل قواد بفتاته
وسئمت أرفع عن دمي.. بصماتي
سئمت لهوي بالشباب الضائع

وكدت أكفر بانتظار مولدى الجديد
صورة رائعة!!واستخدام كلمة (كفر) قوى اوى.. بيوضح مدى السأم اللى حضرتك وصلتله! كدت تفقد الأمل فى التغيير.. فى الحياة كلها


سؤال بقى: يعنى ايه مازوخية؟
:)

وربنا يوفقك

موجة said...

اتمنى لك اقلاعا نهائيا عن التدخين .. إقلاع اللا عودة يا مان ..
كل سنة و انتا طيب

موجة said...

اتمنى لك اقلاعا نهائيا عن التدخين .. إقلاع اللا عودة يا مان ..
كل سنة و انتا طيب

badry212 said...

أ. خالد
كل سنة و أنت طيب ، و أسف أن جت متأخرة ، و ربنا يقدرك و تتحرر منها فعلا .
و عموما الأقلاع عن التدخين مش صعب جدا أنا أقلعت عنها 45 مرة

البدري

baskota said...

اهديك كلامتى البسيطه : بيدق قلبى دقات غريبه سابقا انفاسى البعيده

شىء واخدنى ذى التنهيده ولسه عايشه وحيده
بترد روحى من حواليا لما اللقاك بتسئل عليه
بحبك ياصــــــــــاوى يااغلا من روحى وعنيه ياهرم راصخ فى قلوب البشريه

Cleo said...

ألف حمدلله على السلامة وألفين مبروك على نجاح العملية.. ربنا يجعلها أخر المتاعب ويديك الصحة..

بس أنا مستغربة قوى من كل المدخنين.. كل دى شتيمة فى السيجارة؟؟

أنا بصراحة شايفة إن السيجاة مالهاش ذنب فى حاجة.. لأن إحنا اللى بننزل من البيت مخصوص.. ونلف على كشك أو بقال.. ونقف نستنى دورنا فى الطابور لأ وإييييييه.. كمااااااان بنشتغل ونتعب عشان نصرف عليها فلوسنا.. وهى قاعدة مطرحها فى علبتها لا بيها ولا عليها!! مش بس كدة إحنا بنولع فيها وبنكون إحنا المبسوطين.. مش هى!!

وعلى رأى نور الشريف "لو كان حلال أدينا بنشربه ولو كان حرام أدينا بنحرقه" :-))

Walaa Elshamloul said...

حلوة اوى يا استاذنا
الله ينور

Walaa Elshamloul said...

الله ينور يا استاذنا
يا رب تخلص من تلك اللعينة الى الابد
شد حيلك
انت لها يا بطل

cinderella said...

وصف رائع لحالة كره لشيء
كان في اول الامر مصدر فخر وسعاده
ولكن ان اوان لفظه بعيداً
فسجائرك أصبحت تعاندك
ولكن يجب عليك هزمها

Anonymous said...

:)
أقوى صراح ممكن الانسان يدخله هو صراعه مع نفسه
إزاى يقدر يتغلب على رغبة النفس فى تدمير ذاتها
كلمات تقطر الغضب والتحدى
تعكس كره شنيع لرغبة التدخين العارمة
كلماتك بتطمنى عليك... هاتقدر تتغلب عليها وتحافظ على كنزك الذى لا يقدر بثمن

تحياتى ليك ودعواتى بالتوفيق فى المعركة

أبو أمك said...

وتهون عليك العشرة ؟
يا قلبك القاعد

son's egypt said...

السام عليكم
القصيده جميله جدا في ذم السجاير
لان السجاير ضار جدا بالصحة واذا ما كانت بضر صاحبها بضر الناس اللي
حوليه
بالاضافة للامراض اللي بتسببها السيجارة
واللي بيشرب سيجاير محتاج عزيمة قويه علشان يبطلها فعلا وميرجعش ليها تاني
تحياتي

أميرة said...

أستاذ الأساتذة والفنان الجميل خالد

دايماً مبدع فى كلماتك وتعبيراتك
بس بجد المرة دى تسلم إيدك عشان الكلام فى الجون
ورغبتك فى الإقلاع عن هذه المدمرة واضحة وصريحة وقوية أوى
وأتمنى إنك تقدر تتغلب على نفسك وتقاومها
لأن اللى أخطر من السجاير هو التعود .. وهو اللى فعلاً بيأذى

وبعدين عايزة أقول لك كلمة بصراحة ...
بعد طبيعة العملية اللى حضرتك عملتها
مباقاش فيه حل تانى غير إن سكة السجاير دى لازم تتقفل تماماً

أتمنى لك دوام الصحة وأتمنى لك كل شئ جميل فى الدنيا

تحياتى ليك يا أجمل إنسان وفنان

فارس عبدالفتاح said...

الاخ / خالد الصاوي المحترم


تحية طيبة وبعد ،

لقد عثرت على هذه المدونة عن طريق الصدفة فاخذت اقرأ مواضيعك فجذب انتباهي موضوع الاشتراكية التى تنشهدها وهناك فقرة تقول فيها الاتي :-

ومن هنا عادينا في مركز الدراسات الاشتراكية كل التجارب الفوقية لتطبيق الاشتراكية أي تلك التجارب التي حاولت فرض النظام الاجتماعي بقوة الجيش لا بقوة المجتمع.. قوة طبقاته المحرومة ضد طغيان النخب المتحكمة في رقاب العباد وفي ثروات البلاد

اخي الكريم

اشك ان احد يعرف مصطلح البنية الفوقية او تجاربها فى المجتمع من المتعلمين على شبكة الانترنت ( المدونين ) .

فليس هناك بنية فوقية فى المجتمع المصري بعد موت الزعيم جمال عبدالناصر رحمة الله عليه .. وطيب الله سراه .

هذا للايضاح من شاب يعرف مجتمعه تمام المعرفة لكن هناك قلة من بعض الشباب المثقف من شعب مصر .

فحالة الشباب المصري يمثلها صديقك الفنان محمد سعد فى شخصية اللمبي - عوكل – كتكوت - واخيراً كركر - .

فهذا هو حال الشباب المصري والمجتمع المصري فى هذا العصر مع الاسف الشديد ،، وانا لست متشائم او يأس ولكن هذه هي الحقيقة .


اما عن اعمالك الفنية فاظن انها جيدة إلا دورك في عمارة يعقوبيان مع تفهمي لسياستك فى اعمالك الفنية ..

فلا انصحك بتكرار هذا الدور مرة ثانية

وتقبل كل التحية والاحترام

فارس عبدالفتاح ..... قومي عربي

ابن رشد said...

ما اجمل كلاماتك اللي فعلا ما يحسش بيها غير كل مدخن باهنيك على الخطوة الجريئة جدا و على الكلمات المعبرة و ادعيلي بقى اخدك قدوة و اقوم بنفس الخطوة

Anonymous said...

فعلا قصيدة تمتاز بكلماتها القويه ، في الصميم، أحييك عليها . سبحان الله يمكن العمليه راح تكون السبب في إقلاعك عن التدخين بصفه نهائيه. إن شاء الله ربنا يقدرك وتترك عادة التدخين للأبد
في وصفه حكالي عنها الزميل كمال سلطان عن طريقة للإقلاع عن التدخين وهي
:
كأس عصير طماطم & كأس عصير جزر.
الطريقة:
يأخذ المدخن كأس من عصير الطماطم المهروس والمصفى يدوياً



(حتى لاتفقد الطماطم بعض عناصرها) قبل كل وجبة .
و بعد الوجبة يأخذ كاس من عصير الجزر الطازج .
يتم تناول الوصفة لمدة شهر كامل .
بعدها يبدأ الشخص في الشعور تلقائياً بكراهيته للتدخين



وذلك لان الطماطم تحتوي على نسبة نيكوتين فيتشبع الجسم منه


آسف للإطاله ، تحياتي

Loving Anabel said...

خالد الصاوي
سعدت لاكتشاقي لمدونتك فانا ممن يستمتع بفنك و قد اظهر جمال ادائكاالذي لاينسى في يعقوبيان والذي اثر في ليس كانسانة فقط ولكن كمثلية ايضا و اليوم اكتشقت انك فنان متكامل ما اروع تعبيراتك و تشبيهاتك للسيجارة
اتمنى ان ارى المزيد و ان اتشرف بزيارتك لمدونتي المتواضعه

كمال سلطان said...

يااااااااه00للدرجة دى بتكرهها00 بس ياريت متعملش زى عادل امام اللى بطل السجاير وبيشرب دلوقت شيشة بشراهه

mishoalex said...

ابو الخوخ ايه ياعم الكلام الكبير قوي ده و سمعني سلام بودعك للسجاير

الخبز و الحرية said...

مساء الفل يا أصدقائي..
نبضات صحتي تمام الحمد لله أشكرك:)
جرووم تحياتي انا كمان.
ياسر الف شكر وحقولك الصراحة.. الكلمتين دول انا كتبتهم من فترة بس كنت منتظر اللحظة اللي لما اقول فيها كده على الملأ أكون قد كلامي ومارجعش فيه وربنا يوفقنا جميعا كلٌّ لما يريد ويتمنى:)
حسام الموضوع محتاج جهد كبير والجهد ده يبدأ بتكوين صورة ذهنية عن أنت الذي تريد لا أنت الذي أصبحت.. وكله ممكن ان شاء الله.
حسام دسوقي اشكرك على اهتمامك.
اسكندراني والله بحاول بقوة.. أقلعت عن جميع العادات المرتبطة بها ومش بروح الجلسات اللي بيكون فيها التدخين ولوازمه هو القعدة وبتمرن يوميا وأحيانا مرتين في اليوم.. والباقي على الله بقى:)
أنونيمس تحذيرك في محله بس انا استبدلت جميع المكيفات بالرياضة وده موضوع حصل بالتدريج على مدار سنتين.
رحيق شكرا.
لماضة لا انا عملت حاجة تانية.. انا تأهلت للجراحة بالامتناع عن التدخين ثم استغليت المنع الاجباري في حساب الايام التي لا ادخن فيها وكملت بعد النقاهة .. ضحكت على السجاير يعني:)
آية تشرفي في اي وقت.
عاليا أقبل كل كلامك إلا الهجوم على الحرية.. اعذريني.. بالحرية فقط استطيع انا وغيري تطوير حياته بالتجربة والخطأ.
منال تحليلك رائع رائع بجد وما زلت عند رأيي انك لو حبيت الموضوع ده حتكوني ناقدة أدبية من الطراز الرفيع الذي نفتقده في العالم العربي حاليا.. مازوخية معناها لذة مرضية ناشئة عن تعذيب الذات سواء من الغير أو من النفس.
موجة.. دعواتك:)
يا بدري مش مهم انك بطلت ورجعت قبل كده.. أغلبنا وقع في ده.. المهم لا تيأس.. حييجي يوم وتبطلها من غير ما ترجع.. عارف امتى مش حيحصل كده؟ لو يئست.. لا تيأس.
شكرا جزيلا يا بسكوتة كلك ذوق وعذوبة:)
كليو ده اسمه في علم النفس "اسقاط" يعني بدل ما النفر يهزأ روحه بيهزأ حاجة براه.. يعني بيقدر عالبردعة:)
ان شاء الله يا ولاء والا شكلي حيبقى وحش قوي:)
سندريلا بالضبط ده احساسي.
وينكي طالما فيه كل هؤلاء المشجعين الجدعان ورايا اكيد حقدر بإذن الله:)
أبو أمك.. نعم تهون هذه العشرة.. وعلى فكرة.. اسمك مش عاطفي خالص.. هو انت تقصد بيه ايه بالضبط؟
ابن مصر.. أضفت يا رجل:)
أميرة ولك أرق التحية يا صديقتي:)

يا أخ فارس انت تخلط الامور والالفاظ لدرجة يصعب معها الرد عليك في هذا الحيز الضيق.. انصحك بقراءة الموضوع مرة أخرى.. ما علاقة التجارب الفوقية بالبنية الفوقية؟ وكيف لا توجد بنية فوقية بعد عبد الناصر؟ البنية الفوقية هي الثقافة والقانون وكافة المنجزات الذهنية والروحية في المجتمع في مقابل البنية التحتية التي هي الإنتاج المادي.. نصيحتي أن تلجأ لرفيق لك تثق فيه ليشرح لك هذه الخلفية بتوسع صونا لتيارك من النقد العنيف الذي قد تجره عليه كلماتك غير الدقيقة.ولك تحياتي.
شمس اتمنى لك التوفيق التام.
ربا مع احترامي لك ولصديقنا كمال.. التدخين كالشره والخمر لا يمكن الاقلاع عنه الا بمواجهة حاسمة لا بالتحايل عليه.. هذا رأيي.
شكرا لافنج وبالتوفيق في مدونتك.
لا والله يا كيمو انا مدمن جيم حاليا:)
ميشو شفت بقى انا اجدع من شعبولة اللي قال من اول يناير حيكون انسان جديد حيث بطلت السجاير وبشيل حديد من بدري اهه:)

Unknown said...
This comment has been removed by the author.
فارس عبدالفتاح said...

استاذنا الفاضل

عذراً على السرد السريع

هذا تعريف مصطلح البنية الوفوقية ..


البنية الفوقية :

هي مجموع الأبعاد والعلاقات الموجودة في المستوى السياسي والفكري للمجتمع سواء كان ذلك من زاوية شكل الدولة و مؤسساتها و أجهزتها . أو من زاوية نوعية الأفكار و الأيديولوجيات المتحركة في المجتمع والمحركة له ( الجماهير ) .


فارجوا منك يا أخي أن توضح لنا

ما هي القيم الأخلاقية والأفكار الفلسفية أو غيرها من الأفكار والايدولوجيا السياسات الفكرية والمعتقدات السائدة في المجتمع المصري ..

أرجو منك أن توضح لنا هذا الأمر .. مع أنك ترجو من مؤتمرك أن يحاول بس روح الاشتراكية وتعريفها في صفوف الجماهير وجعله فكر وسياسة وأيدلوجية .


فان البنية الفوقية هي ما يعتقده نظام سياسي أو فكر سائد في مجتمع معين أو دوله معينه أو فئة معينة ..

فما معتقد مصر وبنيتها الفوقية السائدة في زمننا هذا .

فهلوت السادات ،، التي نعاني منها إلى الآن .

أم الرجعية والتواكل والتسليم والبيع لكل ما هو ثمين وبخس في زمن باب مبارك وماما سوزان والأخ جمال وعلاء .

مع كل الاحترام والتقدير

حبة حاجات (ايمان) said...

تعبير حلو اوى ومقزز اوى فى نفسالوقت عن توصيف السيجاره واضرارها
اهنيك عليه

تحياتى وحمد الله عالسلامه

البنت الشقيه said...

خالد الصاوى انا سعيده جدا باكتشاف مدونتك لانى بحب فنك جدا جدا واعمالك ايضاء سواء كان افلام او غيره بصراحه الاول مكنتش مصدقه ان انت فعلا صاحب المدونه بس خلاص اطمن اتاكد وطلعت لذيذ جدا وعسووول جدا وكلامك برضه روش طحن غير الادوار الاكشن الى بتعملها
انا بجد فرحانه جدا جدا جدا
ويااااااااااااااااااااااااااااااااااااااااااااااااااااااااااااارت ابقى من ضمن اصحابك الكتيييير اوى دول وتدخل عندى المدونه عن قريب انشاء الله



لينا

The Queen said...

بوست رائع

والاجمل انه زي ما تفضلت وقلت انك كتبت الكلام ده من فترة وده اكيد كان حافز ليك

ما اعتقدش ان السيجارة اقوى من قوة وصلابة الرجال
وبالتالي كل اللي محتاجه المدخن شوية عزيمة صغيرين

مبروك عليك الحرية

محمد فيروز الكمالي said...

أهنئك على هذه الإرادة واسأل الله لك الثبات .
ويوم ميلاد سعيد بمناسبة الــ44 سنة
والعمر كله

سعدت كثيراً بمروري عبر مدونتك

Mustafa Mattar said...

يااااااه بجد حاسس بكل كلمة قولتها فانا العن اليوم الذي بدأت فيه التدخين رغم اني اقلعت عنه اكثر من مرة الا انه مثل القراض لا يخرج الا بالدم وفقنا الله و اياك في الاقلاع

مدحت محمد said...

انا والله يااستاذ خالد
كنت هقع فى براثن هذه الملعونة
ولكن ارادة الله
وقفت حائلا دون
الاقتراب منها
اتمنى
لك
ان تقتلع عنها
وتفضل مكانها
تحت قدمك
مش فى فمك
تحياتى

علم الهسس said...

احاسيس كويسة ناحية السجارة
بس عاوزة فعل
حاول تبطل سجاير
لأنك لو ما بطلتش
هاتبطل
وربنا يزيح عنك

mohammed elzayat said...

الفنان الجميل خالد الصاوى كنت اظن انك موهوبا في الفن ولكنى وللاسف عن طريق الصدفة تأكدتى من انى لم اكن على صواب فبعد متابعتى لمدونتك منذ فترة ايقنت انك موهوبا فى التعبير عن طريق الفن وعن طريق الكلمات ايضا موضوع جميل تعبيرات اجمل واضم صوتى للتعليق اللى بيقول الذنب مش زنب السيجارة بل زنبنا نحن

shaymaa elshawarby said...

خالد انا اول مرة بكلمك وسمعت عن المؤتمر من ناس كتير بس انت مجتش النهارده مع انى استنيت اشوفك عشان نتكلم فى حاجات كتير بصراحه انا صحفيه سياسيه لكن كتاباتك عجبانى جدا وانت متميز ادبيا بشكل كبير اوى الف مرة عن كونك ممثل
وربنا يوفقك

shaymaa elshawarby said...

خالد انا هكون موجوده بكرة فى ندوة العلمانيه ياريت اشوفك انا بغطى المؤتمر وهحضر اغلب جلساته ان شاء الله
وصدقنى انا كل مقالاتى سياسيه يعنى مش هعمل معاك حوار الا اذا كنت زعيم سياسى بس هتكلم معاك واسمحلى اهديك من مقالاتى

Unknown said...

ادعوك للمشاركة في حملة

" مدونون ضد أبو حصيرة" معا كمدونيين لنا صرخة واحدة

لا لليهود على أرض مصر

للتفاصيل زوروا مدونة مظلومين

ذو النون المصري said...

انا مش متمتع جيد بالشعر المرسل لكن اقدر اقول ان الكلمات عن السيجاره بهذا المنطق تعتبر متميزه فعلا و اعتقد انها صادره عن مجرب لا عن شاعر فقط
الصوره اروع في نظري من الكلام ربما بسبب ان الصوره كما نعلم اكثر في التعبير من الف كلمه

CheToS said...

ألف سلامه عليك يا كبيييييير وياريت تقلع عن التدخين وياريت منظر الممثلين بصفه عامه مايظهروش بالسيجار فى ايديهم وياريت كمان الحكومه تعمل حاجه ويكون لها دور فى القضاء على التدخين من خلال وضع القيود والقوانين ومنع التدخين فى الشوارع والطرقات وغيرها بحيث يقتصر التدخين على المنزل فقط

Che_wildwing said...

عفوا
أعرف أنك تكره سيجارتك بقدر ما سرقت من صحتك
وبقدر ما يكرهها كل مدخن
أو قل بقدر عدد المدخنين
ولكن
هل تثق في قدرتك على الاقلاع عن ملازمتك لها وملازمتها لك
ابقى قابلنى

بــونـبــونـــايـــه said...

انا الاول كنت بقول عليك ممثل ملكش
حل لكن طلعت شاعركمان معبر جدا في كلماتك اتمنى في يومتعلق عندى في البلوج بتاعى

شيماء الجيزى said...

احساس يا خلود

احساسك فوق الرائع فعلا

واضح ان ضرر التدخين وصلك لقوة هذا الاحساس

تحياتى لك

MoLoToF said...

اولا احب اقول ازيك يا استاذ خالد

ثانيا ممكن حضرتك تعبرنى وترد عليا لانى بجد هاتشرف ان حضرتك تكلمنى لان حضرتك شخصية محترمة جدا

ثالثا مدونتك اكثر من رائعة ويا رب يباركلك فيها


رابعا خدت بالك من شغل الشحاته ده
يلا بقى شرفنى وعبرنى

تحياتى

مولوتوف

رئيس مملكة مولوتوف للتهييس العقلى

yamen said...

يا رب دايما بعيد عنها با فنان

تحياتي

انا من اهوى ومن اهوى انا said...

حمد الله على سلامتك يا اجمل خالد فى الدنيا

ويارب يارب تكون نهاية مأساوية لكل سيجارة وعقبالى يارب اقدر اتملص منها تلك المشعوذة المشعبذة واخرج من ليلها الملبد بغيوم دخانها الذى يتلوى كأفعى لنهار الصحة والسعادة

خالص امنياتى للجميع بالصحة والسعادة

تحياتى

محمد فوزى

Laetitia said...

مساء الخير يا استاد خالد . ماشاء الله عليك عاشر كمان, مواهبك كثيرة! و شعورك ده صحيح مية المية تجاه السجاير.
كنت عاوزة منك يا استاذ تحكيلنا عن رحلتك للمغرب (مراكش) و عن التكريم , انا سعدت جدا لما شفتك في المهرجان بس مقدرتش احضر لاني مدينتي بعيدة عن مراكش بأكثر من 350 كيلو, لكن سعدت جدا انك كنت في بلدي و ان شاء الله نحو المزييييد دااائما. لي رجعة اخرى باذن الله

Marwa_linguist said...

ربنا يعينك فعلاً وتقدر تبطلها
بس تعرف بالنسبه للمدخن بشكل عام
مش بيطبق مقوله انت حر ما لم تضر
بمعنى مارس حريتك بالشكل اللى يعجبك
ولكن لا تأذى الأخرين
مثل التدخين فى مكان مغلق
ومعاك مجموعه من الناس منهم أطفال وسيدات وكبار سن
ومنهم من هو مريض
وانت عارف أضرار التدخين السلبى
فيا ريت كل مدخن يتفهم ده
واتمنى انه يقلع عن هذه العادة
وانا بسميها عاده لانه يمكن البعد والأستغناء عنها
وهى ليست من اساسيات وحجات الحياة الضرورية
وعلى فكرة كلامك فكرنى بحوار قرأته اسمه

اعترافات سيجارة



سأل مريض سيجارته بعد نوبة من أوهء أوهء
لماذا تفعلين بي ما تفعلين؟
فأجابت وهي تتحول إلى رماد
أنا علبٌ ملونة
ومنها أنت تختار ! ؟
هان لأجلي المال والدار
أعاديكم، وتحموني!!!!!! ؟
وبالأموال تفدوني!!!!! ؟
وبالرئتين تُغذوني!!!!! ؟
فعلام تلوموني !؟؟؟
وأنتم لا تعادوني ؟! ؟
إلى الأمراض أدعوكم
تعالوا يا أحبائي
لأقتلكم بوبائي
وأهدافاً لأدوائي
لقد سممت أجوائك
وناري أصبحت دائك
فكم آذيت أبنائك
وكم أحرقت أحشائك
مقامي في الشرايين
كوسواس الشياطين
أنا الأمراض أجمعها
أنا السرطان والقار
أنا سلٌّ وأخطار
وعند الموت أشكال

تقبل مرورى
مروة

ذو النون المصري said...

الهنا ما اعدلك
مليك كل من ملك
............
لبيك قد لبيت لك
لبيك ان الحمد لك
............
و الملك لا شريك لك
ما خاب عبد سالك
...................
انت له حيث سلك
لولاك يارب هلك
..................
لبيك ان الحمد لك
و الملك لا شريك لك
.....................
كل نبي و ملك
و كل من اهل لك
...................
و كل عبد سالك
سبح او لبي فلك
................
لبيك ان الحمد لك
و الملك لا شريك لك
...................
و الليل لما ان حلك
و السابحات في الفلك
.................
علي مجاري المنسلك
لبيك ان الحمد لك
.........................
و الملك لا شريك لك
يا خاطئا ما اغفلك
....................
اعمل و بادر اجلك
و اختم بخير عملك
...............
لبيك ان الحمد لك
و الملك لا شريك لك
....................
هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
.........................

Hatem Mohamed Ab El Rahman said...

طبعاً مش هاتقدر تفتكرني كده
لكن حاول تزور مدونتي وتقول رأيك
وبعدين نشوف اللي جاي
حاتم عبدالرحمن
الرجل الأحزن

فارس عبدالفتاح said...

الاخ / خالد الصاوي


كل سنة وانت طيب وفى احسن حال

мσнη∂ιš said...

سلام أستاذ خالد

أنا شفتك في التلفزيون لما جيت هنا في مراكش
هيييييييييييييييه (إيه العبط ده؟؟؟!!!)، عموما أنا جيت أقول كل سنة و انت طيب عيد مبارك سعيد

baskota said...

HAPPY EID YA KHLOD YA RAB TKON BALF SA7A WE KHEER WE TKON BTALT SAGER

Sara Swidan said...

ألف ألف مبروك ..

وحياة ربنا..

و ربنا يقوي عزيمتك ..

و جميلة جداً فكرة الطفاية ...

Karim Adel said...

يا استاذ خالد حمد الله على السلامةو احب ابلغك شوسية حاجات :
1- مبروك الاقلاع عن التدخين لأنه فعلا و بجد بلوة قوية و اللى يبطل هو اللى يعرف مش اللى بيدخن.
2- انا صباعى باظ من كتر طلب سيادتك على التليفون من ايام كده رضا عشان اباركلك و لما عرفت موضوع العملية بالصدفة البحتة.
3-كل سنة و انت طيب العيد الكبير
4- انا مين ؟ انا سنجاب الكوميديا يا سيدى !! على فكرة انا قابلت اله الذكاء صدفة فى هايبر وان و ماشاء الله بقى فيه منه اثنين واحد حجم كينج اللى هو دايزر نفسه و التانى صغنن عنده حوالى سنتين و طوله متر و تسعين تئريبا.

رحيق الحب said...

كل سنه وحضرتك طيب وبصحة وسعادة دايما يا رب وعيد سعيد يا رب ان شاء الله

أميرة said...

الفنان الرائع خالد الصاوى

كل سنة وأنت بخير بمناسبة عيد الأضحى المبارك
وعيد سعيد عليك يا رب

تحياتى ليك

Love & Friendship,this is my life said...

استاذ خالد كل سنة وانت طيب والسنة الجاية ان شاء الله تكون على عرفة
وحمدالله على سلامتك من الوباء الخبيث اللى اسمه التدخين ربنا يثبتك على كده
تحياتى

L M A R said...

مساء الخير

كل سنة وانتا طيب
وعيد سعيد يارب


تحياتى لك بدون سيجارتك

محمد الجرايحى said...

الأستاذ الفاضلك خالد الصاوى
السلام عليكم ورحمة الله وبركاته
فعلاً الفنان فنان والإبداع لايتجزأ
كلمات قيمة ومعبرة
وأتمنى أن تكون عظة لكل من أصابه هذا البلاء
كل عام وأنت بخير
وتقبل تقديرى واحترامى
أخوك
محمد

canal064 said...

والنبى ياجماعة حد يقولى اللى بكتبة بيروح فيين لانى عاوز اقراه مرة تانية مش بعرف ايملى بنفس الايدى على الهوت والياهو

canal064 said...

ياجمعة لو حد فيكيم بيهوى التميثل او التاليف والاخرج ممكن نتعاون مع بعض ونعمل ورشة كويسه او فريق باسم الصاوى .. برجاء الرد على الايمال الخاص بنفس الايدى على الهوت ميل والياهو

Rushdy Kamel said...

ايه ده
ايه الجمال ده
بصراحة انا معجب جدا بالفكرة

تقبل تحياتي يا عبقري

Unknown said...

مساء الخير، اعتذر عن تاخيري كل الفترة اللى فاتت دي، بس كانت الظروف ملغبطة خالص. انا رجعت قريت كل اللى فاتني وبصراحة استغربت اوي كلمات نقطة ضعفي، حسيتها شديدة اوي وجامدة جدا ومش عارفة يمكن فيها استخدام لتشبيهات غريبة من القواد للدعارة .... كده يعني، بس عموما اذا كانت النتيجة هو الاقلاع عن التدخين فا اتمنى انه يتحقق بجد، لاني مش بحب السجاير خالص وفعلا هيا كارثة على الصحة، وحمد الله على سلامتك وربنا سترها معاك المرادي فا خد بالك بجد

Anonymous said...

غيابك طول يا كبيرنا
ايه الاختفاء رده كله
لعل المانع خير
كل سنه وانت طيب وسنه جديده سعيده عليك وعلى الجميع

safa7_karmooz said...

صباح شريف خالد بيك

هههههههههههههههههههههه

على فكرة دورك جااااااااااااامد جدا فى فيلم الجزيرة..

حبت بس ادخل واسلم عليك واسأل ليه مختفى عنا..:)

Unknown said...

مبروك نجاحك المزهل فى فيلم الجزيرة أنا عملت زى ما قلتلى ، بس نسيت أسألك هو عبد الرحمن أبو زهرة كانت رتبته أيه فى الفيلم عشان انا بكتب حاليا بوست تفصيلى عن الفيلم حنشره يوم الجمعة أن شاء الله ع العموم لو ملحقتش ترد عليا حكتب رتبة كبيرة و خلاص

و كل سنة و أنت طيب بمناسبة العام الجديد ان شاء الله ربنا يحققلك السنة دى كل أحلامك و نشوفك بطل أفلام الموسم و كل موسم لانك فعلا تستحق ده بجدارة

كل حبى و احترامى

sanf0ura said...

hi khaled:
i am bokahontas, de awel marra leya adkhol el modawana de bas it is realy nice 7elwa awy
3ayza 2a2ool en elkalam ely katbo 3an elsegara 7elw awy we besara7a yekhalee ay 7ad beydakhaan yermy elsegara de we yedoos 3aleha belgazma.
yarab materga3lhash tany we akeed enta 7ases enak much much better men 3'erha sa7?

سعيد شحاتة said...

فعلا الحياة تبدأ بعد الأربعين يا بطل
بس الحق
شاعر شاعر يعنى
يا مان شاعر أنت
مع خالص حبى وتقديرى

تــــ(حـنة)ــــر said...

السلام عليكم
انا يمكن اول مرة ادخل المدونه هنا
بس بجد .. انا مش مندهشه ان حد زى حضرتك يكون له مدونه بالجمال ده
وده لأنك من الفنانين اللى بيكتلكوا جرئه فى ادورهم و اكيد كمان فى افعلهم
علشان كده كان لازم يكون لحضرتك وجود فى عالم التدوين ... و اتمنى ان يسعدنى الوقت و شوف لحضرتك المزيد من التدوينات
وشكرا
تحياتى
تمر حنة

white heart said...

3alla fekra ya khaled lazeem tebattal we rabena yeb3edak 3anha we ana ba7ebk moot wallahi shakhseia lazeza gedan we eb2aa 7ooot kharazaa zar2aaa 3ashan el 7assad ya gamil hahahahahaha

Ragazza said...

Hi Khaled,

I am trying to quit too...I haven't had one in a week!

Happy New year, hope 2008 brings positive addictions..I think we all tend to become addicted to one thing or the other.

Ciao

Dr Emad said...

الف مبروك الامتناع عن التدخين
القصيده جميييييييله والاجمل
انك قدرت تهزم نقطة ضعفك
التدخين مصيبه كبيره بشكل غير عادى والكوارث اللى بيعملها ضخمه جدا ومدمره لاغلى شىء فى الدنيا وهو مجرى النفس
الواحد ممكن يستحمل اى مرض فى الدنيا الا ان نفسه يبقى صعب او حتى مجرد مكروش او حتى حاسس بيه
تخيل مجرد الاحساس بالنفس مرض
فالتدخين بيدمر الفطره النقيه دى وبيهدد الرئه والجهاز التنفسى بدمار شامل


المهم
الف مبروووك
انت بجد مثال للفنان المحترم
مدونتك جميله
اول مره ازورها بس هفضل ازورها كتيييييير علشان اقرا كل البوستات القديمه



تحياتى

Bou-ME said...

طبعا القصيدة فوق الرائعة و ربنا يوفقك في قرارك ده و يثبتك عليه

بس انا كنت عايزة احيك قووي قووي قوووي على دورك الوهمي في فيلم
"الجزيرة" , بجد إنت عملت الدور حلو قوووي و فعلا إتأكدت تماما إنك حاليا الجوكر في السينما المصرية

و في كل الأفلام سواء كوميدي أو أكشن أو تراجيدي

بجد أحيك الفيلم رائع و دورك رااااااااااااائع

تحياتي

paranoia,magnetic & dramatic girl said...

انا مش عارفة حضرتك فعلا استاذ/خالد الصاوي ولا لا..بس لو فعلا ده يبقي حلو لان عاوزة اقلك كلام كتيير..بس الاول هقول حبة حاجات..اولا كل سنة وانت طيب ويارب يبارك في عمرك..ولا يدركك الموت الا بعد ان توفي الله حقه وتأخذ حقك من الدنيا..تاني حاجة حضرتك فكرتني بحكاية السيجارة بفيلم ليوسف شاهين مش فاكرة اسمه طبعا ..المهم كان البطل نور الشريف وكان بيدخن وكان بيسخر ان السيجارة ممكن تفقده عمره..حضرتك اكيد عارف الفيلم اكتر مني..بس ربنا يفيض عليك من فضله ويعفو عنك ويكرمك بالشفاء..قول امين ..
اه لو انت فعلا خالد الصاوي هقلك انا بحب اسلوبك في التمثيل من غير ابص لطبيعة الدور الي انت شغال عليه..بس انت مختلف واكيد انت عارف ده..مش هقلك فيلم عمارة يقوبيان كان بذيء بس هقول جملة واحدة انت اديت دورك حلو اوي..وماليش دعوة بباقي الفيلم بس لو هقول عن الفيلم فعاوزة صفحات لان في حاجات حلوة كتير..مش هبص لمنظر ولا عشر مناظر بس الفيلم كجملة مميز..اه انا بشوف دايما ان انت و توفيق عبد الحميد..وناس تانية بس مش حاضرة في ذهني انكم مميزين..يلا ربنا يوفقك ويكرمك

tota_fm said...

كل سنه وانت طيب يا استاذ خالد وسنه سعيده والف مبروك على دورك ونجاحه في فيلم الجزيره
احساس بجد رائع ومعبر عن مدي كرهك للتدخين وربنا يديك الاراده على الاستمرار
وربنا يجعلك غيابك عن المدونه خير
ربنا يحقق كل امنياتك للعام الجديد وبالتوفيق

ZoRo said...

السلام عليكم ورحمة الله وبركاته
رائعه هذه الكلمات وربنا يقويك وتسيبها إن شاء الله يا استاذ خالد
بصراحه انا عشقتك كفنان رغم ادوارك البسيطه ولكنها ملفته دائماً للنظر ومؤثرة فى الأحداث وكمان عشقتك كشاعر بجد كلماتك جميلة جداً ربنا يوفقك فى حياتك يا رب وانا من اشد المعجبين بحضرتك ...

وليا عندك طلب يا استاذ خالد واتمنى إنك ما تخذلنيش دا إيميلى ( yhya_zoro2006@hotmail.com ) اتمنى إنك تضيفنى لأنى عايزك فى حاجه مهمه جداً ولو مضفتنيش انا هحترم رأيك دا وخصوصياتك ومش هيأثر على حبى وإعجبابى بيك .. واكون سعيد جداً بجد لو ضفت إيميلى وإدتلى فرصة اتعرف عليك اكتر ولأنى كمان عايزك فى حاجه مهمه

وكمان دا إيميلى الياهو ( yhya_zoro@yahoo.com )

Polka Dotted said...

yaaaaaaaaah
...amazing post
enta olt kol 7aga momken 7ad ye2olha lel "المشعوذة الفاجرة"

happy new year and happy Birthday

dandana said...

تشبيه جيد فعلا....

لا اعلم..ولكن ان كنت مدخنا فهنيئا لك التخلص من عبوديتها...

وان كان الكلام مجرد خواطر...فلندع ان يراها جميع المدخنين هكذا

من القلب said...

كل سنة و انت طيب و سنة جديدة عليك بدون تدخين ان شاء الله
عقبال كل المدخنين

أميرة said...

الفنان الجميل خالد الصاوى


عام جديد سعيد عليك إن شاءالله

ويا رب تحقق كل أمنياتك وأحلامك

وأتمنى لك دوام التوفيق و النجاح

و كل عام وأنت بخير

ملك الكبدة said...

هاي خالد

سنة جديدة و سعيدة عليك انشاء الله تخدم فيها مصر بفنك

مبروك اقلاعك عن التدخين

اساسا جاي اقوللك انك كنت هااااااااااااايل في الجزيرة

حظ سعيد في 2008 انشاء الله

نور جديد said...

أستاذ خالد
السلام عليكم
كم هي جميلة هذه اللحظات التي ارى فيها انسانا اجمل بكثير مما اراه على شاشات التليفزيون و السينما
القصيدة اكثر من رائعة لكني اختلف مع حضرتك في حاجة السيجارة ليست قاهرة ابدا انها كم قلت حقيرة فلا يمكن للحقير ان يقهر العظيم الا اذا اراد العظيم
اعنك الله و ثبتك و اروا الله من انفسكم خيرا و فعلا كم اشكر عالم التدوين الذي جعلني اتشرف بالتعرف على حضرتك و رؤية ما في الاخرين من جمال

Anonymous said...

مش السيجارة هى المشكلة طبعاً، السيجاره فى العلبه جوا علبه اكبر عند عم عبده البقال, فالكلام مش عن السيجاره :)))))))

الشعر ان كان ليا اني اضيف عبقري,فكرني بالمومس العمياء لبدر شاكر السياب بشكل او بأخر
كل سنة و انت طيب و ربنا يكرمك و يكرمنا

Islam Henaish said...

أولا: كل سنة و حضرتك طيب بمناسبة 2008
ثانيا: 10000000000 مبروك على ترك السيجارة

ثالثاً: إييييييييييييييه داااااااه؟؟؟؟!!!!!!!!!!

عمل أكثر من رائع

عجبني قوي الاعتراف في أول القصيدة

و احترمت جداً:

نعم عشقتك أيتها المومسة
عشقت لحظة البحث عنك
ككل عاهرة عشقت حضورك المزري
وافتخرت بك.. مثل قواد بفتاته
حتى قسوتك على قلبي.. كانت ممتعة
حتى ارتداؤك ثوب الفلسفة الداكن
وانتهاكك أنفاسي.. وابتذالك جسمي
حتى وقفتك الثابتة بين إصبعيّ..
كحلمة داعرة مريضة بالسَّودا
نعم عشقتك أيتها الكلبة الرشيقة
لذا.. سوف يكون فراقنا حادا على دمي

استخدام واعي و عبقري للكلمات و رقي في استخدام أساليب جديدة

و أخيراً إعلان الثورة و التحدي الصارخ لتلك الداعرة, ينم على القوة و الإرادة

عجبني كمان ترتيبك للأحداث و تنقلك بينها برشاقة, مع اختلاف أزمنتها(كما نوهت albida)

well done

و تحياتي و تهانيّ مرة أخرى بالعام الجديد و الإقلاع عن التدخين

و إلى مزيد من التقدم و إتحافنا بالفن الراقي

s0sh0 said...

القصيده حلوة فأنها بتبين ان السيجارة بتستعبد كل اللى بيشربها
وانا مش هيكون ليا تعليق بعد التعليقات الجامدة دى
بس كل اللى عاوزة اقوله
ان التشيبهات اللى انت استخدمتها
صعبه حبتين
وخاصه لما تقراها بنت

روابط said...

بصراحة مش حلوة أوى .. رغم انى ايضا عاشق لتلك العاهرة , مما جعلنى نزيل مستشفى الصدر لمدة اسبوعين فى مارس من عام 2007 .. وتحياتى ليك يا فنان

Unknown said...

هابي نيو يير
2008
من غير سجاير
وتكون انسان جديد
ومن اول يناير
كله جديد ف جديد

بجد بجد رائعة وصورك حلوة قوى

a.myriem said...

Hi,
Bonne année, meilleurs voeux que cette année t'apporte joie et bonheur et que tu puisses arriver à ce que tu aspires.
Je n'est pas tropc ompris ce que tu as écis, mais j'adore ce que j'ai pu déchiffer.

Tu es quelqu'un d'unique.
Bon courage,Biz
Myriem

canal064 said...

وحشنى ياجماعة بس شكل الاستاذ مشغول اليومين دول ومردش بقاله كتير ... عموما هنستنى رده وادينى بتعلم كل يوم جديد فى المدونة

محمود

دنـيـا محيراني(ايناس لطفي said...

كل سنه و انت طيب و بصحه جيده دائما ان شاء الله

نبيله الوكيل said...

أد ايه كلامك مؤثر
ومرضيتش أرد عليك قبل ما اعمل البلوج بتاعى
http://familyetiquette.blogspot.com/
وهي مخاطبه لكل الناس للمصالحه مع النفس والآخرين

لا تتخيل مدي سعادتي لتركك التدخين والعقبه لكل المدخنين من الرجال والنساء ان شاء الله

ولكنى اتمنى ان تنسي هذه الفتره وتبدأ بمعالجة ما أفسدتة السجائر من داخلك
حيث انه من المؤكد ان لها أثر على مزاجك وصحتك والكثير من انفعالاتك
هنيئا لك النجاه منها ونتمنى المزيد من الانتصارات على كل ما يؤذي النفس الجميله

نهى منير said...

سنة جديدة سعيدة على كل الحبايب
بـــاى

نقطة مية said...

الفنان خالد الصاوي

يشرفنا ان ندعوك لافتتاح
دار الكتب
هي حلم شاب مصري تحقق بطرقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يشرفنا حضورك جدا لانك قارىء و كاتب و فنان ذو فكر

Unknown said...

صاحب البوابة يدعوكم لحضور حفل أفتتاح دار النشر الخاصة به حلم شاب تحقق بامكانيات بسيطة ، تجربة تستحق التشجيع ، فى أنتظاركم يوم الحميس
10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا

Egyptiana Trapped Soul said...

هل تستطيع حقا ان تتخلى عنها
بعد ان اصبح دمك بلونها
وكلماتك برائحتها

الن تشتاق اليها
الن تقبل اطرافها بشوق فى احلامك
الن تلمس كيانها المسجى امامك برهبة ورغبة

الن تنظر بحسرة الى من يتمتعون بها
الن تتذكر ايام سهادك معها
والافكار التى تتألق على سحابات دخانها
---------------------

ان اجبت تلك الاسئلة بصدق
ستستطيع ان تتخلص من قيدها

تحياتى

مفلس افندى الرايق said...

يا ريتنى ما شربت سجاير
يا ريتنى ما شربت حشيش
انا صدرى خلاص بقى بيشكشك
وبقيت خلاص ف التفانيش

media said...

دي اول زيارة ليا في البلوج وان شاء الله مش هتكون اخر زيارة
بجد البوست جميل جدا
ياريت كل الي بيدخنوا يعرفوا اضرار السيجارة عليهم
ويبطلوا تدخين


وكل سنة وانت طيب وعام سعيد عليك


لولا

3ala asm masr said...

الاول أنا عماله أبربش من ساعة ما دخلت المدونه ومش مصدقه أنى لقيت مدونة الفنان خالد الصاوى
الحمد لله أن حضرتك قدرت تضحك على السجاير وتبطلها ويارب ديما فى أحسن صحه وأحسن حال

Empress appy said...

هى اول مرة ليا هنا بس هاجى تانى
القصيده حلوة قوى بس ده بقى ينطبق على الشيشه كمان ولا ايه
اهنيك علىكلماتك المعبرة

AUTISM said...

مساء الخير
استاذ خالد فرحت اوي لما عرفت ان ليك مدونة وبتكتب وكمان بتكتب في الحوار لانه من مواقعي المفضلة
واتمني انك تزور مدونتي وتعلق فيها
وباحب دورك في عمارية يعقوبيان جداااااااااا
لانه بيطرح نقطة مهمة جدا للنقاش وهي موجودة في مجتمعنا لكن للاسف بنداريها زي عادتنا
شكرا ليك
سلام وتحياتي

Devilish ^-_-^ Eyes said...

يا سلام عليك يا أستاذ خالد يا جامد .. عودا حميدا يا باشا وألف سلامه عليك

Devilish ^-_-^ Eyes said...

Welcome Back Khaled Basha

ibn nasser - ابن ناصر said...

اتمني الاقلاع النهائي
وانت قــادر علي ذلك..
وعلي فكرة دورك في فيلم الجزيرة رائع
تحياتي
ابن ناصر

أحمد عبد الفتاح said...

عقبارنا يارب

ABUL_HASAN said...

انت مبدع

yahia said...

أولا :أحب أقول إن أنا مشترك جديد معاكم .
ُثانيا :البوست ده جميل جداوعجبتى القصيدة جدا وحتى الصورة اختيارها مضبوط والكلام فيها مؤثر وقوى جدا وبيعبر عن مدى الكره اللى جالك تجاه السيارة الملعونة وعلى فكرة أنا مش بدخن وبدعى ربناأنك تبعد عنها وكل اللى بحبهم زى حضرتك بس أهم حاجة أن حضرتك تكون جاد فى القرار وأعتقد أنه مش صعب بس محتاج إرادة صلبة وأعتقد أنك أدها وأدود
وبقولك ربنا يوفقك

يحيى :)

أبو لسان said...

مدونة رااااائعة
ابقوا زورونا تجدوا ما يسركم

أميرة said...

وحشتنا جداً جداً يا أستاذ خالد ...

منتظرينك قريباً إن شاء الله عشان

نطمئن عليك وعلى صحتك

تحياتى ليك

الخبز و الحرية said...

آسف جدا يا اصدقائي اتخطفت بجد.. من الجراحة لدبي للمغرب للعودة مع افتتاح الجزيرة للتحضير المكثف ثم بدء تصوير فيلم كباريه.. بجد كنت مبتلع.. اعتذر عن تأخري في الرد.. عام سعيد للجميع
كل حبي وكل احترامي

jan said...

خالد مساء الخير
اسلوبك راق الكتابه يقطر عدوبه
اتمنى يوما ما ان نتبادل الحديث
عن هموم المثقفين والمدونين النبض الجديد

تحياتى جان

jan said...

خالد مساء الخير
اسلوبك راق الكتابه يقطر عدوبه
اتمنى يوما ما ان نتبادل الحديث
عن هموم المثقفين والمدونين النبض الجديد

تحياتى جان

صحفية روشة said...

انت شاعر ولا فنان
ولا انت فنان شامل
المعلم بتاع كله
:)
اتمنى زيارتك لبلوجى
http://namema2.blogspot.com/
سلام

Khalid Abouzaid said...

ياريتك تنشر الكلام ده على كل موقع في الانترنت

ayar said...

لكل انسان نقطة ضعف .. ولكن السيجارة هى نقطة ضعف فى شخصية الانسان ككل بل هى ضعف فى الشخصية وليست نقطة ضعف فقط عفانا الله منها واياكم ..

raweya said...

الفنان الرائع استاذ خالد
دي قصيدة شبة اللي مروة كتبتها و هي معبرة اوي و بحبها جدا

انا علب ملونة
و عندي الموت اشكال

فكم من اسرة هلكت
و هان لاجلي المال

بجيبك لي مكانات
و من رئتيك اقتات

يغرك شكلي الجذاب
و لكني نفايات

انا لي شهرة كبرى
و تعرفني المجلات

فكم من فتية هلكوا
غرتهم دعايات

انا السرطان و القار
انا سل و اخطار

انا الامراض اجمعها
و منها انت تختار

انا و صديقتي الشيشة
نعكر صافي العيشة

و نجعل من له كيف
كطير نتفوا ريشه

مش من تاليفي..من باب العلم بالشئ
ربنا يثبتك و يعزك يا رب انا هدعيلك مخصوص كل يوم في قياو الليل باسم حضرتك و ف رمضان كمان ان ربنا يثبتك و يعينك و يحفظك من كل سوء و يبعدك عن كل حاجة ممكن تؤذيك.. و عليك ايضا بالدعاء فهو يرد القضاء...ربنا يعزك

راوية(اعلامية المستقبل ان شاء الله) ادعيلي

raweya said...

الفنان الرائع استاذ خالد
دي قصيدة شبة اللي مروة كتبتها و هي معبرة اوي و بحبها جدا

انا علب ملونة
و عندي الموت اشكال

فكم من اسرة هلكت
و هان لاجلي المال

بجيبك لي مكانات
و من رئتيك اقتات

يغرك شكلي الجذاب
و لكني نفايات

انا لي شهرة كبرى
و تعرفني المجلات

فكم من فتية هلكوا
غرتهم دعايات

انا السرطان و القار
انا سل و اخطار

انا الامراض اجمعها
و منها انت تختار

انا و صديقتي الشيشة
نعكر صافي العيشة

و نجعل من له كيف
كطير نتفوا ريشه

مش من تاليفي..من باب العلم بالشئ
ربنا يثبتك و يعزك يا رب انا هدعيلك مخصوص كل يوم في قياو الليل باسم حضرتك و ف رمضان كمان ان ربنا يثبتك و يعينك و يحفظك من كل سوء و يبعدك عن كل حاجة ممكن تؤذيك.. و عليك ايضا بالدعاء فهو يرد القضاء...ربنا يعزك

راوية(اعلامية المستقبل ان شاء الله) ادعيلي