Thursday, October 11, 2007

تكذيب لما جاء على لساني بالأهرام المسائي

بالأمس (10/10/2007 )، نسبت إليّ الأهرام المسائي تصريحات لم تصدر عني، وهي بالتحديد:
1-المانشيت "مسلسل يعقوبيان فاشل وصورة باهتة من الفيلم".
2- المانشيت "نظام الإنتاج الحالي يسعى للربح على حساب الفن".
3- المانشيت "أنا ضد الرقابة لأنها تضع المشاهدين في قالب واحد".
وقد اعترضت للمحرر هاتفيا على هذه المانشيتات التي لا تعبر عني بدقة، ويؤدي أولها لظهوري بمظهر سيء الأدب تجاه زملائي من الفنانين حيث أنعت عملهم بالفاشل وأحط من شأنه إذ أصفه بأنه صورة باهتة من الفيلم الذي يحمل نفس الاسم والذي سبق أن شاركت به، وهذا سلوك غير مقبول مهنيا ولا نقابيا ولا أخلاقيا، ويضرني قطعا ويمس علاقات الزمالة والعمل، بل وقد يهدد صورتي العامة أيضا لدى جميع من يتابعونني بحماس.
وإذا ما أضفنا للمانشيت الأول المانشيت الثاني، لصار لدينا قدح في جميع جهات الإنتاج على الساحة السينمائية والتلفزيونية، واتهام للجميع بأنهم يسعون للربح على حساب الفن.. وهو قطعا شيء يتجاوز تماما رأيي المعلن في إشكالية العملية الإنتاجية والتسويقية في بلادنا إلى الإهانة الشخصية التي قد تثير العداوات الشخصية ضدي بلا داع.
ناهيك عما يحمله مانشيت 3 من فكرة غامضة مستحيل أن تصدر عني "أنا ضد الرقابة لأنها تضع المشاهدين في قالب واحد"! فما الذي يفهمه القاريء على لساني؟ أني أوافق على رقابة تفرق بين الناس مثلا بحيث تسمح "لعلية القوم" بما تمنع عنه الآخرين؟؟!!
ربما حدث سوء فهم من المحرر، أو ربما تدخل الديسك في صياغة العناوين التي رآها أخاذة، المهم أن النتيجة واحدة.
المهم.. انتظرت قيام الجريدة بتصحيح الوضع، فوجدت المانشيت التالي:
-خالد الصاوي: (مسلسل) عمارة يعقوبيان ليس العمل الفني السليم.
وبصراحة شديدة.. لم أر في حياتي موقفا ينطبق عليه القول المأثور "جه يكحلها عماها" قدر ما رأيته في عدد اليوم من جريدة الأهرام المسائي.
حقيقة تصريحاتي:
أنا صاحب رؤية نقدية للواقع الاجتماعي والسياسي والفني وأعبر عنها بوضوح في لقاءاتي التلفزيونية وفي كتاباتي على الإنترنت أو في بعض الجرائد والمجلات (كالدستور-دبي الثقافية-أوراق اشتراكية-الاشتراكي)، ولهذا أنتقي ألفاظي بدقة حتى لا تسبب كلماتي أي لبس لدى المستمع أو القاريء، صحيح أني أنتقد مؤسسات استثمار الفن في بلادنا، وأنتقد أجهزة الرقابة على الفن والإعلام، ولكني لا أنزلق أبدا لا إلى التعميم المعيب، ولا إلى الإساءة المباشرة التي تتناول الأشخاص لا المواقف.
ففي التصريح 1 ما حدث هو أنني انتقدت تقديم مسلسل عمارة يعقوبيان في هذا التوقيت من منطلق أن هذا المال كان يمكن توجيهه لإنتاج اعمال جديدة بدلا من محاولة استثمار نجاح الفيلم في المسلسل.. لأنها طريقة تفكير إنتاجية قديمة في رأيي تتفادى المغامرة وتركن إلى ما تراه مضمونا.. وقد عبرت عن هذا الرأي بتوسع في مقالاتي على الانترنت ولم يحدث أن أهنت بها أو بغيرها زملاء لي مطلقا لأن هذا ليس بهدف يستهدفه الإنسان الراغب في تغيير الأوضاع للأفضل.
وفي التصريح 2 ما حدث هو أنني انتقدت هذه الفلسفة الإنتاجية من منطلق أنها تعوق تقدمنا، أنا بالطبع كثيرا ما قلت بأن هدف المنتجين عموما هو تكوين الأرباح، ولكن لم يحدث أن اتهمتهم جميعا بأنهم يريدون تحقيق الربح "على حساب الفن".. وكأنهم يتعمدون إفساد الفن أو الذوق العام، ففي مثل هذا التصريح حط من شأنهم لا أستهدفه.
وفي التصريح 3 ما حدث هو أنني انتقدت تقييد الفكر والإبداع والإعلام، وقلت إن الرقابة الوحيدة المقبولة في رأيي هي الرقابة العمرية، ولا أعرف كيف تحورت هذه الأفكار الواضحة إلى كلام غامض من عينة أن سبب رفضي للرقابة هو أنها تضع المشاهدين في قالب واحد!
وبناء عليه..
ققد تمسكت بأن أوضح لجمهوري ولزملائي والمتعاملين معي وجميع المنافذ الإعلامية الحقائق التالية:
-إنني رغم انتقادي لتوقيت إنتاج المسلسل من منطلق أن الأجدر هو تقديم أعمال جديدة لا تكرار اعمال ناجحة، إلا أنني لم أنعت مسلسل عمارة يعقوبيان بالفشل ولا بأنه صورة باهتة من الفيلم.
-انني رغم انتقاداتي المتكررة للنظم الإنتاجية والتسويقية التي تسيطر على السوق الفنية وتؤدي حسب رأيي إلى عرقلة تطورنا، إلا أنني لم أتهم جميع جهات الإنتاج بأنها تسعى للربح.. "على حساب الفن"، وهو قول يتعدى الرغبة في التغيير للأفضل إلى الرغبة في الإساءة المباشرة.
-انني ضد الرقابة على الفن والفكر والإعلام بشكل عام (وباستثناء الرقابة العمرية فقط)، ولم يحدث أن صرحت بما قد يوحي به المانشيت الثالث من معان لم أنطق بها.
وكل حبي واحترامي للجميع
خالد الصاوي
القاهرة في 11/10/2007

72 comments:

شبــ اون لاين ـــاب said...

بخلاف الحوارات الصحفيه الكاذبه
التى لاتوصل لفكر القارء الناضج

بمعنى ان المشاهد العاقل و القارئ الواعى تستطيع تفهم مثل هذه الفبركات الصحفيه التى لاتضر ف النهايه سوا الدراما المصريه

هى جمله انا معاك فيها اللى هيا

انتقدت تقديم مسلسل عمارة يعقوبيان في هذا التوقيت من منطلق أن هذا المال كان يمكن توجيهه لإنتاج اعمال جديدة بدلا من محاولة استثمار نجاح الفيلم في المسلسل

بصراحه انا حاسس ان المسلسل بصراحه بايخ ... للى راحوا وشافوا الفيلم
المسلسل مزودش جديد و انا شايف انهم فعلا بيستثمروا نجاح الفيلم

ع الاقل كانوا اجلوا لرمضان اللى جاى و عليك خير

Dr.Muhammed K. said...
This comment has been removed by the author.
Dr.Muhammed K. said...

انا اول مره اكتب تعليق على مدونتك ودا لانى جديد على عالم المدونات
وعموما الفبركه الصحفيه مش جديده احنا من فتره عايشين فيها مش بس فى عالم الفن

ومع انى شايف ان الفبلم كان اقل كتير من مستوى القصه الاصليه الا ان أكيد ماهيكونش المسلسل فى مستوى الفيلم ودا مش بس عن عماره يعقوبيان دا بالنسبه لو قارنا بين أى فيلم ومسلسل عن نفس القصه يمكن عشان السينما ليها سحر خاص أو بعد تالت

ودا يمكن بالنسبه لاى حد بيحب السينما
وخصوصا لو كان مثلى السينما بتبقى أشبه ليه بحلم وكأنهاعالم تانى بعيش فيه حتى لو لساعتين بس

يا ريت تشوف مدونتى وتقللى رأيك فيها
M.K.M.
http://mkmcinema1.blogspot.com/

high_staff said...

حد يعمل حور مع جريدة زى دى من اساسو؟ مش دة برضو ترويج اشاعات واخبار كاذبة تضر بمصالحك وشغلك وممكن ترفع عليهم قضية وتحبسهم وللا ناس وناس .الناس عارفاك يا خالد وعارفة اية اللى يطلع منك واية اللى يطلع منهم وبعدين الناس اللى فى دماغك وتهتم بصورتك قدامهم مش بيقروا الاهرام اصلا لا سباحى ولا مسائىالمشكلة بس فعلا فى زمايلك الفنانين كبر دمافك يا عمدة وما يهمكش

Nesrein said...

عزيزى استاذ خالد
بشكل عام هناك بعض الصحفيين يعتمدون فى عملهم على استخدام بعض الالفاظ التى لم يقلها المصدر لخلق جو من الاثارة, و هو امر مرفوض تماما و عمل بعيد كل البعد عن الامانة الصحفية.

deja vu said...

عُلِم يا استاذ خالد

حبيت بس اقوللك كل سنة وانت طيب يا راجل يا طيب

أعاده الله علينا وعليك وعلى أمة محمد بكل خير وبكل التقدم والتطور

Mohamed_sobhy84 said...

انا محبتش نزول مسلسل للقصه دي الان خصوصا الفيلم لسه نبردش و انا كمان متحفظ على الفيلم قليلا للتغير اللي طرأ على الرواية بس اهو عاوزين يستغلو روايه الى حد ما جيده اقصى استثمار ممكن في تحقيق ارباح
اما موضوع الرقابه انا شايف اني ممكن اتفق معاك في الرقابه العمريه و اختلف معاك ان كل شئ مباح مدام ان عمري كبير

Amy said...

Good to know =)

صاحب البوابــة said...

الغالي خالد الصاوي

اولا : سعدت بالحديث الطويل معك لما تحمله من ثقافة وفكر حر يندر ان نجد من يجاهر به في هذا الوسط

ثانيا : كانت دائما وما زالت عناوين ومانشيتات الجرائد تبحث عن الإثارة في جمل مختصرة بغرض القاء حجر في بركة التصريحات بهدف نهائي وهو زيادة التوزيع فقط بغض النظر عما يسببه القاء هذا الحجر و توابعه من آثار سلبية قد تدين في النهاية الكل حتى من قام بإلقائه !!!
إذن دعنا من التصريحات الملفقة ولندخل مباشرة في صلب الموضوع ,
أتفق معك تماماً في كلامك الأصلي الذي صرحت به الا في نقطة واحدة وهي مسألة الرقابة العمرية فأكاد أختلف معك فيها من منطلق لا يبعد كثيراً عن جوهر مسألتك

فأنا أرى أن المقصود في النهاية من آلية الرقابة في كل شئ هو انتاج منتج نهائي عالي الجودة ( وفق المقاييس الموضوعة سبفاً ) خالي من شوائب وأخطاء عمليات الإنتاج السابقة

إذن يبقى أن نحدد ضوابط وأُطر هذه الرقابة

انا اجد ان الرقابة لابُد ألا تقتصر على تصنيف الرقابة العمرية فقط , بل يجب أن تتطور الرقابة لتكون ميزاناً حراً لفرز الاعمال الجدية من الاعمال الردئية وانتقاء الغث من الثمين ,

هذا رأيي عزيزي

وسأعود للتعليق مفصلاً في تلك النقطة

تحياتي والى الامام دوماً

carol 2002 said...

بصراحة , انا لم أقرأ هذا الكلام
ولكننى وددت التهنئه بمناسبة العيد
كل عام وأنت بخير

و ماتزعلش نفسك
تحياتى
:)

Foxology said...

وايه الجديد يا استاذ خالد فى الفبركة الصحفية والمقالات المضروبة؟؟؟؟

عموما مشكوور على التوضيح (لمن لا يعرف استاذ خالد) عشان طبعا الناس اللى تعرف حضرتك كويس مش هتصدق الكلام الفارغ ده

تقبل تحيتى

nour said...

لا تحزن يا خالد فالشجرة المثمرة وحدها هى التى تستهدف
كل سنه و انت بالف خير و سعادة
ارجو التواصل معك
نور

Summer said...

Happy Eid to you and your loved ones!

It is one of the inevitable facts of life that newspapers twist reality in order to attract the attention of their readers....very tasteless! I am sorry you had to deal with that!!!

As an anticipating viewer, I found that the TV show has distorted the real story so much that it became a completely new, different and very pathatic story!! I really do not like it. I stopped watching it after the first week of airing...too many flaws and just too much over acting by Salah El Saadani and Lubna abudulaziz , her voice was so sharp and annoying to the point where I had to mute the volume on my TV every time she opened her mouth to squeak!! It is too bad that she had to make a come back that destroyed her old image!
I wonder how Alaa Al Aswani feels about the distortion of story line!! I would kill myself if I were him!
Modifying Hatem's character was a really bad choice!! When would any Arab production grow up to match art to life? I am disappointed. It was one of the main and strong characters in the story and the movie that added a new dimension to the artwork. Anyway; I can go on forever about the TV show, but let me stop here!
Thanks for giving me the space to clear things off of my chest! :)

Amy said...

اللي كتب الكلام دا بيفكرني باللي ضرب جرس الباب و جري!
عالعموم اعتقد ان الشخص السبب في ظهور المانشيتات بالشكل دا برهن علي نزاهته الصحفيه واكد علي مصداقيته معاك بعد كدا

ياسر حسين said...

صديقي خالد
كل سنة وأنت طيب وعيد سعيد
بحكم معرفتي وتعاملي معك أنك رجل جنتلمان
كلامك الذي يخرج من فمك منمق ومهذب ولا تجرح أحد فبالتالي كتاباتك لها نفس الطبع ومع الأسف الشطة والبهارات التي توضع على الموضوعات واللقاءات الصحفية احيانا تثير بعض المشكلات ربما لقلة خبرة بعض الصحفيين المبتدئين أحيانا
ومحاولة عمل فرقعة صحفية على الفاضي
أتمنى أن يقرأ زملاء مهنتك هذا التصحيح في مدونتك حتى لاتثار ضدك الاحقاد
خالص تحياتي يا جميل وأبقى رد على ايميلاتي

Z-Mystique Girl said...

aslan maloush lazma el mosalsal khales talama shofna el film!

ana wahda men el nas elly lama I knew enno fe mosalsal matahhamastesh enny atfarrag asl khalas ...shoft we areat el qessa..

Affaddal ashouf haga gdeeda..

fa I support your opinion 100 %

Z-Mystique Girl said...

as for el journalistic fabrications, this is expected, but those who really understand your mentality in a profound deep manner, would never believe you said this..!

Focus on those who know you well and ignore those who believe wrong things about you.

BIRA said...

إنت عارف انا أؤيد رأيك وبشده بس أنا زعلانه منك ... عشان انت كنت واعد الناس بفطار وماحصلش أي نعم ماكنتش حعرف آجي بس دلوقتي ممكن أعرف ... ووعد الحر دين عليه يا خالد ولا ايه :)))

ruba said...

مرحبا أول حاجه باين زي عين الشمس الكلام المكتوب في الجريدة يختلف تماما عن الكلام اللي قلته خالد ، محرفين الكلام وأضيف عليه الكثير من البهارات ، أنا بعرف تماما أنو في أي حوار مع أي فنان بيكون الحوار متسجل على شريط كاسيت وبيفرغوا الشريط على ورق ،لو كنت مكانك أروح وأطالب بشريط الحوار

تاني حاجه ، بصراحه المسلسل مش حلو
، أنا شفته صدفه لمدة 5 دقايق وبعدين متحملتوش ، غيرت المحطه
كان من باب أولى إنتاج مسلسلات بقصص
جديده
ولا يهمك منهم ، إحنا معاك ومؤمنين
بيك جدا
إحنا عارفينك أكتر من نفسنا، إنت فنان محترم وراقي وذو أخلاق عاليه ، وما راح نصدق كلام أي أحد إلا كلامك :)
صورتك دائما مشرقه في عيون جمهورك
ومحبيك
تحياتي

albida said...

كل سنة وحضرتك طيب يا أستاذ خالد... طبعا حضرتك ليك حق تتنرفز وتتعفرت كمان!!! أنا أكتر حاجة بكرهها فى الدنيا أن حد يقولنى كلام أنا مقلتوش.. وأنا لو من حضرتك كان زمانى جبت الصحفى ومسكته من زمارة رقبته وعملتله عاهة مستديمة

انا مش هقول لحضرتك دى فبركة صحافة وده شىء طبيعى والكلام ده لأنه مش هيفيد! المهم دلوقتى ان الكلام ده أتنشر خلاص وان فيه ناس قريته واقتنعت بأنك قولته فعلا

فكرة ان حضرتك تنشر تكذيب على مدونتك ده شىء كويس لكن مش كفاية لأن مش كل الناس اللى بتحبك بتدخل هنا وبتقرأ كلامك, المفروض بجد تتخ1 خطوة قانونية ضد الصحيفة لأن ده بيعتبر تشويه للصورة وتحوير أراء.. ودع على ما أعتقد جريمة فى حد ذاتها

أنا مش من أنصار شعللها شعللها, لكن بجد حضرتك لازم تعمل حاجة علشان اللى عملوه ده بجد غلط وعلشان كمان ميتكررش تانى

وبالنسبة للاراء المطروحة فانا متفقة مع حضرتك فى موضوع الرقابة.. أما المسلسل فانا الصراحة مشفتوش فمش هقدر أحكم عليه!! بس مبدئيا اعادة انتاج قصة سبق استخدامها من قبل دى فكرة فاشلة. بالظبط زى الأفلام العربى اللى بقت نسخة طبق الأصل من الأفلام الأجنبية.... الأصالة شىء مهم وضرورى فى كل عمل, كفاية انه مش هيحطه فى وضع مقارنة مع عمل تانى

بس خلاص

SunShine said...

actualy i didn't like the seris i thought it was a very weak version of the story itself...
most of the actors were boring and completly out of the character...i didn't like except for one or two
i personaly thinks tht the choice of the actors wasn't good at all...

fawest said...

بدون زعل
انت انسان و فنان احترمك جدا
هذة ضريبة أن تكون دبلوماسى
يمشى على الحبل لكى لا يزعل أحد
و المصيبة إن الحبل دة فى زماننا أصبح رفيع جدا

fawest said...

بدون زعل
انت انسان و فنان احترمك جدا
هذة ضريبة أن تكون دبلوماسى
يمشى على الحبل لكى لا يزعل أحد
و المصيبة إن الحبل دة فى زماننا أصبح رفيع جدا

OunaTouta said...

Khaled,
Do you think any one believes these government operated newspaper any more!!!
Or, I should say, anyone buys them!!!
Cheer up, you are good person and doesn't matter what they say.

Guevara said...

حتى لو كنت قولت ..
الكلام صــح ..
هو مسلسل فاشــل بالفعل ..
تخــياتى ..

BaSsMa said...

كل عام وأنت بخير ياصديقي الغالي
:)روق يا جميل

انا لقيت الحوار ده للجريدة معاك في موقعهم
هل هو صحيح ؟


**‏ بداية كلمنا عن دورك في مسلسل من أطلق الرصاص علي هند علام؟
‏*‏ أولا الدور مكتوب بشكل جيد واعتقد ان التمثيل الجيد مبني علي عدة عناصر أهمها السيناريو‏..‏ العمل الناجح كالثمرة يكون نتاج ومحصلة ماقبله من أشياء أو اعداد جيد‏.‏

**‏ هل الورق أهم عوامل النجاح للعمل الفني؟
‏*‏ بالتأكيد‏..‏ وأنا في أي وقت أكون فيه أمام ورق جيد أقدم الدور دون تردد وأحاول أن أبذل قصاري جهدي حتي أنال حب المشاهد‏.‏

**‏ كيف كان استعدادك لشخصية العمدة وهي جديدة عليك؟
‏*‏ أولا‏:‏ درست الدور بشكل جيد‏,‏ وبعد ذلك بدأت أنظر في الأشخاص الذين صادفتهم علي مدار مشوار حياتي ومن هنا بحثت في تفاصيل الشخصية وكل مايتعلق بها من ملابس أو أسلوب الحركة والكلام وعشت حياة العمدة في القرية المصرية بصدق من أجل هذا الدور‏.‏

**‏ مسلسل من أطلق الرصاص علي هند علام يتناول قضية قومية؟
‏*‏ في الأساس ونحن نتكلم في كل قضية واعتقد انه من حق الناس علينا طرح جميع القضايا ولابد من احترام عقل المشاهد ومحاولة تثقيفه‏,‏ وهو شيء شرعي‏..‏ وأما الشيء غير الشرعي فهو الرقابة الفكرية‏.‏

**‏ وهل تعتقد ان للرقابة دورا في تحديد مستوي العمل الفني؟
‏*‏ أنا ضد أجهزة الرقابة بشكل عام لأنها تضع المشاهد في قالب واحد‏,‏ واعتقد انه من الممكن استبدال رقابة عمرية بالرقابة الموجودة حاليا بمعني ان يكون العمل المعروض علي التليفزيون أو السينما أو المسرح لفئة عمرية محددة من المشاهدين‏,‏ وذلك ينطبق علي الشباب فقط لأنه لايجوز فرض رقابة علي رجل عمره‏50‏ سنة‏.‏

**‏ مامدي متابعتك للأعمال التليفزيونية في رمضان؟
‏*‏ أنا إلي حد ما متابع للأعمال التليفزيونية الحالية علي الرغم من حرصي في بداية شهر رمضان علي متابعة الأعمال كلها‏,‏ ولكني أكتفي بمشاهدة أعمالي الآن ومتابعة رد فعل المشاهدين‏.‏

**‏ وماذا عن ردود الفعل لدي المشاهدين؟
‏*‏ مازال الناس يفكرون ويقررون أي الأعمال استطاعت التعبير عنهم‏,‏ والمشاهد له الحق في الحكم وله الحق ان يقرر‏.‏

**‏ مارأيك في الأعمال الحالية كممثل ومشاهد في الوقت ذاته؟
‏*‏ أنا كممثل أمثل فقط ولاأعمل بالنقد وذلك لأني أشارك بعملين ونحن نركز علي رسالة صادقة من القلب‏,‏ لذلك من الواجب ان تكون سليمة مهنيا وهذا ما أراه واضحا في بعض الأعمال التليفزيونية الرمضانية الحالية‏.‏

**‏ بالفعل نراك في مسلسل عيون ورماد ومن أطلق الرصاص علي هند علام فهل تحس بالقلق لعرض العملين في وقت واحد؟
‏*‏ في مسلسل عيون ورماد أقدم شخصية محام متعدد الجوانب قاس ومهني محترف وعاطفي‏,‏ أما في مسلسل من أطلق الرصاص علي هند علام فأقدم دور العمدة وهو مختلف‏,‏ واعتقد ان تقديم عملين في وقت واحد هو عيب إنتاج في المقام الأول‏.‏

**‏ وكيف يكون عرض عملين في وقت واحد عيب إنتاج؟
‏*‏ لأننا لانستطيع أن نقوم بتوزيع الأعمال علي مدار العام بل نجعلها كلها في شهر واحد وهذا خطأ إنتاج إلي جانب أن التمويل الإنتاجي من خارج مصر وهو مايهدف إلي الربح في المقام الأول‏.‏

**‏ نعتقد ان المنتج هدفه الأول الربح فما الضرر؟
‏*‏ هناك شركات إنتاج تصدق القول وتنفق علي العمل حتي يخرج إلي الناس كاملا بجميع جوانبه الفنية‏,‏ والانتاج في مسلسل هند علام جعلني أشعر بالراحة لأنه ينفق علي العمل بسخاء‏.‏

**‏ قدمت فيلم عمارة يعقوبيان فلماذا لاتشارك في المسلسل؟
‏*‏ لا أعتقد ان مسلسل عمارة يعقوبيان عمل فني سليم لأنه أتي علي أصداء النجاح الذي حققه الفيلم مباشرة لذلك اعتقد ان الهدف من تحويل الفيلم لمسلسل هو الربح وليس الفن وهو استسهال‏.‏

**‏ كيف ذلك ويقوم ببطولة المسلسل فنانون عظماء؟
‏*‏ كل فنان له الحق في تقديم عمل ما وكل واحد حر فيما يقدمه من أدوار والأعمال الجيدة تنجح إذا ألقي عليها الضوء بشكل جيد‏.‏

Mirage said...

كل سنة وحضرتك طيب ياأستاذ خالد

عاليا حليم said...

طبعا حضرتك ليك حق تضايق لكن عايزة اهون على روحك الكيبة دى شوية بانى اأكدلك ان الى يعرفك يا استاذ خالد سواء معرفة شخصية او معرفة عن طريق قراءاته ليك لا يمكن يصدق كلام اتفبرك على لسانك أنا عن نفسى لو كنت قريت الكلام ده قبل ما اقرأ تكذيبك م اكنتش حصدق

أنت طيب اوى يا استاذ خالد انا كنت اعرف ممثل بيغلط فى زمايلبه عمال على بطال فى عز ما كانوا بيصوروا معاه فى مسلسل واحد و كان بيتباهى بكده ... فرق السما و الارض بينك و بينه و حسب حكاياته ان الى زيه فى الوسط كتير .. بجد حضرتك عملة نادرة جوة الوسط و برة الوسك كمان
ما تزعلش نفسك أرجوك و ما تطولش الغيبة و يا ريت ارجع المرة الى جاية الاقيك نسيت و بتضحك

simple girl.. ..simple dream said...

المسلسل فعلا ممطوط وفقد كتير من جمال القصة
مقص الرقيب شلفطه

HafSSa said...

يا خالد مفهوم طبعا انك مش معقول حتقول الكلام ده عن زملائك و ممكن تكون الحكاية ان كتير من الفشلة لاحظوا صعود نجمك بشكل سريع الفترة الاخيرة و بالتالي قالوا ما تيجوا نعننله الجو و نلبسه كام تهمة
معروف اوي عن الصحافة بالذات الخاصة بالاخبار الفنية انها مشهورة بالتلفيق
و ابسط يا عم ضريبة الشهرة
بس الصراحة المسلسل مكنش له لازمة لان الفلم كفى و وفى زي ما بيقولوا لكن المسلسل مط و طول اوي اوي اوي كان ممكن على الاقل يعملوه 15 حلقة على سبيل المثال

Mohnds المهندس السري said...

أستاذ خالد تحية عطرة من المغرب الحبيب
و عيد مبارك سعيد أهلع الله عليك و على الشعب المصري بالهير و اليمن و البركات يا رب
على فكرة أنا من أششد المعجبين بفنك، أتمنى لك الإستمرارية و النجاح الدائم

eid said...

كل سنة وانت طيب استاذ خالد

dai rahmy said...

انا اول مره ادخل على المدونه بتاعتك و ما عنديش اى تعليق غير انك انسان رائع جدا و فنان محترم و يا ريت فى ناس كتير زيك شكرا على كل فكرة جميلة و على اى فن محترم بتقدمة شكرا .ضى رحمى بنت مصريه

maro said...

دولسينا
استاذى العزيز خالد الصاوى
بجد انت مثل اعلى لناس كتير اوى حتى لو متعرفهمش انا بعشق المسرح و التمثيل المسرحى و بجد بعتبرك مثلى الاعلى و نفسى اتواصل معاك دى اول مرة اكتب تعليق فى المدونه بتاعتك بس انا متبعاها من زمان و معجبه بيها جدا
وبجد متخفش محدش هيصدق الكلام اللى فى الاهرام المسائى دا حتى اللى مش بيقروا المدونه لانك معروف انت تقول ايه و متقولش ايه

و بعدين انت دورك فى فيلم عمارة يعقوبيان طمسو معالمه فى المسلسل بقى مسخ مالوش طعم الدور اللى انت عملته بجد تستحق عنه و بجدارة الاوسكار

و بعدين انت معاك حق فعلا هما حولوا يستثمروا نجاح الفيلم و نجاح القصه بس لعبوها غلط جدا

نفسنا بقى نشوفك فى شيكاغوا

و عاوزين نشوف الرويات بتاعتك و مسرحياتك على التليفزيون لان مش كل الناس عندها رفاهيه الذهاب للمسرح


و اخير ارجو ارجو التواصل معاك لانى بعشق تفصيلك فى كل ابداعاتك التمثيليه او الكتابيه

son's egypt said...

السلام عليكم
كاول تعليق لي علي مدونتك واعمالك
ففليم عمارة يعقوبيان اعجبني بشده لما حمل من جراة من افكار ودورك ال>ي كنت مميزا به
ولكن كثرا ما نريان بعض الصحفين وليش جميعهم يحبوا ان بنسجوا حوارات من خيالهم
ولكن لي سؤال اود لو اري رده منك
ما القيمة التي تعود من تحويل عمل سينمائي الي عمل درامي علي الرغم من ان العمل السينمائي ناجح جدا؟

Desert cat said...

هو من الاساس حضرتك بتلاقى صحفي عايز يطلع على اكتاف سمعه الناس والتشهير بيهم مش مهم بقا حالتهم النفسية فيما بعد
المهم انه يتعرف وخلاص
تحياتى

shahrazad said...

عزيزي الفنان خالد الصاوي
دخلت لمدونتك هذه بعدما تعثرت فيها ذات صدفة اثيرية ...
ويالها من صدفة ساقت اقدام الحروف صوب عوالمك المشحونة المتداخلة
اصدقك قولا انني تفاجأت يما وجدت فلتماسي مع عالم الفن واهله كنت اجد في معظمهم هشاشة ما او حتى وهن فكري واضح ولتعذر صراحتي
بعكس بعض النجوم في بقاع اخرى من العالم العربي ونجوم الغرب
ولكن في عالمك توقفت انفاسي انبهارا وجدت نفسي فجأة امام كاتب ومنظر وناقد و شاعر
كان اكتشاف رائع اعاد لي ثقتي بعالم الفن واهله واعاد لي شيئا من امل كاد يفقد من غياب امثولة الفنان المميز

لي عود اكيد الي عالمك لاسيما ان لي رؤى تتعلق بادوارك السينمائية لاسيما تلك التي يحتفى بها على انها الاهم في مشوارك
ولن اكون مجاملة فانتظر قذائفي وحممي
شهرزاد

أميرة ويلز said...

مساء الخير استاذ خالد
اولا الناس عندها وعى كافى يخليها تفهم دلوقتى المفبرك من الحقيقى وكمان العناوين والمانشيتات الكاذبة اللى بتلفت الانتباه على الفاضى

هناك شىء اخر اود انى اقول راى فيه

وهما الدورين اللى حضرتك قدمتهم فى رمضان

بالنسبة لمسلسل من اطلق الرصاص لنادية الجندى فلا شك انه عمل جيد من بدايته وفكرة سرده للاحداث وفكرة الفلاش باك اللى بتجذب المشاهد
دورك كعمدة كان مختلف جدا عن ادوارك اللى اتعودناها منك وانت فعلا اديته ببراعة وكنتوا هايلين انت والجميلة سلوى خطاب

اما المسلسل التانى

عيون ورماد

انا لغاية دلوقتى مش قادرة افهم الغلط بتاعه فين بالظبط؟؟
العمل دة خسر كتير اوى كان ممكن يكون احسن من كدة
انا وانا بتابعه اتخنقت فيه كمية تطويل ومط مش معقولة كل حلقة خصوصا فى الاخر كنت بقول عايزين ايه بقى ماتخلصوا حتى الحلقة الاخيرة كان فيها حشو كتير مالوش لازمة
اما دورك فيه دة لو جبنا دورك كدة لوحده بتقييم فردى هقولك انه بالنسبة لى كان افضل كتير من دور العمدة
ودة لطبيعة الشخصية العجيبة اللى كنت بتئديها
شخصية مركبة بشكل غريب انا اكتر حاجة استمتعت فيها فى المسلسل دة هو ادائك بجد اروع مشاهد المسلسل فى راى اللى انت فيها هى اللى عملت للمسلسل شكل
مشاهدك مع سهام ومع ياسر جلال
بس فى شىء خلى العمل يبوظ فى الاخر من وجهة نظرى او يبان بشكلل ممل زيادة
انا بقول راى من وجه نظرى كمشاهدة عادية جدا
وبحييك بجد على تطورك وابداعك لانى بحترمك جدا كممثل وكمدون

nany said...

معروف ان الصحافه فيها عيووووووووووب كتير زي ما فيها مميزات اكتر وان في ناس تمووووووووت في المانشيتات السخنه اللي تولع الدنيا ودي ثقافه مجتمع يا فنان
بس بجد انت عندك حق ليه ما نوجهش التمويل والفلوس دي لعمل جديد وبعدين الفيلم وصل الفكره , ولا المسلسل بيأكد عليها ولا ايه معتقدش صح؟
هو احنا فعلا فيالنقد وفي النتاج في الفن تفكيرنا قديم اوووووووووي وربنا يستر ونعمله اعاده اعمار يا فنانوولا يهمك احنا عارفين مين هو خالد الصاوي

ناهد

Fighter said...

كل سنه وإنتى طيب يا أستاذ/ خالد
وياعم سيبك ده كلام جرايد وعلى رأى أبو النجوم
ولا الصحافه والصحفجيه شاغلين شبابنا عن القضيه
بس سيبك فيلمك مكسر الدنيا طبعاً أنا متفرجتش عليهفى السيما علشان عندى حساسيه من السينمات إللى فى مصر بس إستنيت لما بقا dvd
وعمال أتفرج عليه ليل نهار أنا والعيال صحابى
ورجاء اخير إبقا رد على موبايلى وأرجوك إبعتلى إيميلك
مع تحياتى

Sarah Daw said...
This comment has been removed by the author.
Sarah Daw said...

المفروض كل صحفى يراعى فكره و قلمة و ضميره

ربنا يسلمك منهم

________

و على فكره 1000000000 مبروووووووك على المسلسل يا عمده

:)

sinbad said...

الفنان المحبوب / خالد الصاوي ......

أهنئك كثيراً على أدوارك المميزة ، كما أهنئك على تصالحك الصادق مع نفسك .
لقد شاهدت لك أعمال ليست بالكثيرة ولكنها كانت ملفتة للمشاهد، ذلك أنك وعن طريق تميزك في الآداء قد لفتت انتباهي بشكل ملحوظ ، وربما ستسأل نفسك ، كما سيسألني القراء "وحضرتك تبقى مين يعني علشان مايلفتش انتباهك؟"، وهذا سؤال منطقي.
أنا مواطن مصري أعيش في أحد جمهوريات الاتحاد السوفيتي السابق، ومنذ مايزيد عن 10 سنوات توقفت عن مشاهدة المسلسلات والأفلام المصرية (لأسباب عديدة أولها تراجع مستواها)، غير أنني من حين لآخر وعندما أشعر بحنين للهجة المصرية ، أشاهد البعض منها. عند زيارتي لمصر منذ 4 شهور سمعت ضجة حول فيلم يعقوبيان، وألح علي أصدقائي لأشاهده.
شاهدت الفيلم، وأعجبني بشكل مرض ، غير أن جل احترامي لك كان لقبولك الشجاع بالدور ثم لآدائك الراقي له.
ولكني لاأنكر دهشتي أيضاً ، لعلمي بثقافة مجتمعنا المخيفة في بعض الأحيان ، فعجبت لقبولك الدور وانت مصري وتعلم جميع الفيروسات المصابة بها ثقافتنا!!!. ثم تفسر بنفسك موضوعية قبولك للدور في أحد اللقاءات التليفزيونية خلال شهر رمضان ، ومن خلال تلك اللقاءات تعرفت أكثر الى عبقرية شخصيتك ، والتي تكمن في عذوبتها وخلوها من الشوائب ، ووضوحها هذا اضافة الى ثقافة متميزة وحس عال بالواقع وآلامه ورفض لعيشه ومحاولة لكشفه ليراه الغافلون .
أنا لم أقرأ المقالات المغرضة إياها، ولم أشاهد ولاحتى حلقة واحدة من المسلسل ، ولكني أود القول أنه إضافة الى كونك لايمكن أن تنزلق الى تلك الهفوات (كما ذكرت أنت) ، فإني أعلم ، كما تعلم بما لديك من ذكاء فني ، أنه لايوجد من يؤدي كما تؤدي ، فأنت من الممثلين القليلين الذين بتركون بصمة على الدور يصعب ، بل يستحيل محوها أو استبدالها. لهذا فأنا لاأكاد أصدق ماوصل اليه اعلامنا من ترهل ، وخلو من الموضوعية ، وعدم أمانة.
أدعو الله ان يثري المكتبة الفنية المصرية بأعمالك وأعمال جميع الفنانين الهادفين أصحاب المباديء ، وأصحاب الإبداع ، واصحاب الفكر الموضوعي، في زمن خلا من الموضوعية.
مع خالص تقديري،،،،،،

HAZEM SWELM said...

لا استطيع الا أن انحنى اعجابا بقلم فنان مبدع - وهم قلة - له رؤية شاملة لما يحدث حوله, سبحان الله يا خالد رغم انى كنت بسترخم دمك جدا فى الاول انما سبحان مغير الأحوال .
على فكرة انا شايف دورك فى فيلم عمارة يعقوبيان أحسن دور فى الفيلم وتستحق الاوسكار عنه , وكمان فكرة أنك تحرر بلوج فكرة جميلة لأنها قناة أتصال هامة بجمهورك ..

الأستاذ said...

حضرتك عارف الصحافة كويس أكيد
ربنا يحميك من أصحاب الأقلام الصدأة والصحافة ذات الأوراق الصفراء
تحياتي

على باب الله said...

و حتي لو كنت قلت كده

المسلسل فعلاً فاشل

loumi said...

إكتشاف جديد
لملكه لم أكن أعرفها
لممثل مبدع
والفضل يرجع لصديق
مبدع أيضا
كل عيد وانت طيب
تحياتي

bastokka طهقانة said...

التكذيب لازم ينزلوه في نفس الجريدة و متزعلش نفسك ده العادي
انت نجم و مكانتك في قلوب معجبينك محفوظة


اوروفوار

M.M Elsqa said...

اولا انا ثقافتي محدودة ده لعدم القراءة الكتير .
بس اللي انا شيفه انك حضرتك في الفيلم عرضت ظاهرة اجتماعية وزي ما فيه فنانين بمختلف مجالتهم بيقدموا حاجات هزيلة وبيحطوها تحت شعار ( احنا بنقدم رسالة ) مع احترامي للفن والفنانين في حاجة اسمها عمل هادف وحاجة اسمها عمل فاشل .
يعني حضرتك اللي انا شايفه انك قدمت شئ جميل لعله يضع الرهبة في قلوب من يؤدونه .
ثانيا بالنسبة للصحافة فا بالبلدي كده فكك صحافة بلدنا لا بتودي ولا بتجيب .
وبعدين مش هما قالوا مروج الاشاعات يحكم عليه بتمنين جلدة ولا مش عارف كام
ولا الفتوة دي طلعة علشان حد معين ولا ايه ؟
ثالثا انت نسيت حرية الصحافة ولا ايه ؟
هو مش لازم زي بيحسنوا صورة ناس يبوظوا صور تانية ؟
هو فيه حاجة ببلاش ما هو لازم يكون فيه ضحية ؟
وبعدين جمهورك عارفك يعني ما حدش يشك ابدا في شخصيتك واللي يشك يبقى يدفن راسه احسن له .
واخيرا ضريبة المكسب فلوس
وضريبة الشهرة جرس
ولا عاوز تتهرب من الضرايب
ربنا يوفقك ويقويك على من يعاديك ويارب كده نشوفك على احسن حال وتقدم احسن الاعمال يا خالد يا ابن ..... (نمشيها الصاوي)

saken_asly said...

السلام عليكم يا استاذ خالد.انا اول مرة اعلق فى مدونتك.و دا شىء جميل جدا انى الاقى فنان جميل زيك و تتاح ليا الفرصة انى اتكلم معاه و يكون فى بينا تواصل.
انا بصراحة ماشوفتش الخبر ده فى الجريدة دى.بس تعليقاً يعنى على اللى مكتوب و اللى واضح انه فبكرة صحفية المقصود منها الفرقعة الصحفية.و اكيد السبب واضح من ان تكون انت سبب هذه الفرقعة و هو الغاء دورك عند تقديم المسلسل.وذلك بالنسبة للمانشيت الاول او بالنسبة لتعليقك عن المسلسل.حيث يتبادر لذهن القارىء عند قراءة المانشيت انه صحيح و ذلك بدافع انك معترض او مضايق لالغاء الدور الذى كنت تقوم به فى الفيلم.و ذلك فضلاً عن سوء المسلسل و الذى لم يلاقى نجاح الفيلم اصلا.و تحوير كلامك و كتابته بطريقة مثيرة تستهدف البيع لا اكثر.لا تبالى لمثل هؤلاء.فــ فنان مثلك له تقديره و له مكاناته عند الجمهور لا يصدق مثل هذا الكلام.

BaTresYa said...

انا متفقه معاك 100% عن موضوع عمارة يعقوبيان كانت حاجه بايخه اوي وانا شخصيا مش بحب اتفرج على حاجه محروقه والمسلسل كان كدا ...وبعدين اكيد حضرتك عارف ان المقالة مانشت واننا بنحب المشاكل اوي والحاجات اللي هيجي من وراها خناقه ...فاضيين بقى ...:)

simple girl.. ..simple dream said...

would u plz visit my blog and participate in my poll
i really need ur opinion


with my best regards

أميرة said...

الفنان الجميل خالد الصاوى
الحقيقة أنا قرأت الموضوع وقرأت كمان الرد اللى حضرتك قمت بنشره للتوضيح
وبحييك بشدة على إهتمامك بنشر هذا التوضيح
وبحييك أكتر على حرصك على مشاعر زملائك وعلى حرصك على الصورة الجميلة اللى رسمها لك كل اللى عرفك بجد فى قلبه
وأنا شايفة إن الصحفى اللى قام بنشر الموضوع استغل تعليقات معينة حضرتك ذكرتها فى سياق الحديث، وكان المقصود بيها معنى معين فى مكانها، لكن التعليقات دى لو نشرت كعنوان منفرد ممكن توصل بمعنى تانى ...
هو لعب بالألفاظ قصد بيه إنه يلفت الأنظار للحوار حتى لو جاء على حساب المعنى المقصود ومصداقية الحوار أولاً وأخيراً
والحقيقة أنا موش عايزة حضرتك تزعل لأن الإنسان اللى زيك وبوضوحك وصراحتك زى ما أنا شفت من خلال تصفحى للمدونة لازم يكون متأكد من ثقة الناس فيه بنسبة مائة بالمائة
وصدقنى عمر ما حد عرفك بجد حيصدق إنك تتعمد إهانة أو غلط لأى إنسان
وأخيراً بتمنى لك كل الخير اللى فى الدنيا ودايماً للأمام مع مزيد من الإبداع والتألق والنجاح
شكراً

حبة حاجات (ايمان) said...

ماشاء الله كل الردود دى
هههههههههههههههه
الله اكبر انا مش بحسد طبعا

فى البدايه بس احب اهنيك على المدونه ى الرائعه دى
طبعا مش فنان

ثانيا
موضوع الاشاعات دى والجرايد وكلامها دى حاجه مش جديده

وربنا يقدرك على الرد عليهم

انا بس كان ليا ملحوظه يعنى على قدى اعذرنى

انا قريت اشعارك تقريبا كلها
اتعقــــــــــــدت

طبعا بتقول عليا انا مخى الىى على ادى ....انا معاك

عموما انا يمكن مفهمتهاش ميه الميه لكن اقدر اقلك انى يمكن حسيتها اكتر

عماله زى اللوحه التجريديه مليانه الوان كتير بستقدر تديك احساسها اول ماتبص عليها

انا عارفه انى طولت عليك

عموما بجد انت فنان مثقف طبعا مش محتاج رااىى

اتمنى انك تزور مدونتى المتواضعه


تحياتى

زنوبيا " كاتبة و مترجمة " said...

و الله بغض النظر عن المانشتات الصحفية الصاخبة و التكذيبات و غيرها و التي تبدو فيها جلية رائحة الجموح الصحفي الغير مبرر و ما سواه فأنا لم أرى في المسلسل شيء سوى أنه فشل في استقطاب الجمهور الذي هو ذاته الذي دفع بالقصة الى القمة و هو ذاته الذي ذهب الى السينما لمشاهدته ، فالعمل الادبي تخفت فيه روح الاثارة طالما تحول الى صورة هذا في ظل عدم وجود الحرفية الكاملة للتعامل مع النص المتميز فما بالنا و نحن نحول عمل أدبي شائك الى مسلسل طويل و ممل و خال من اي عنصر من عناصر الجذب هذا بالاضافة الى كونه غير صالح أصلا للعرض في التليفزيون نظرا لما يحمله من جرعة جنسية ثقيلة
المهم
و لا يهمك بتحصل كتييييييير

يوميات عيل مصري said...

أستاذ خالد
دي حاجة عبقرية إن فنان يعمل مدونة، على العموم مش غريبة عليك وعلى ثقافتك كفنان بيساهم في إعادة النظرة الجمالية للحياة مرة تانية بعد ما بدأت تنحسر النظرة الجمالية..
يا سيدي.. هذه دعوة لزيارة مدونتي وابداء الراي بها .. هي مختلفة شوية
ياريت لا تحرمني من زيارتك
أحمد

wael fekry said...

مش مشكله دائما بيحصل كده فى حوارات الفنانيين مع ان رئى فى المسلسل على الرغم انى شفت ربع ساعه منه بس لكنها كانت كفيله انى اقلب المحطه ومشفهوش تانى مع انى شفت الفيلم حوالى 5 مرات

نهى منير said...

أنا جايبه سيرتك فى موضوع عندى
أبقى أقراه

بــــاى

أميرة said...

إنت فين يا أستاذ خالد؟

والله العظيم وحشتنا

Mirage said...

كنت عايز اسألك على فيلم عقد يعقد

إيه الأخبار

FiLMaZiKa.CoM said...

eih ya khaled basha ana wa allahy min ashd el mo3gabeen beek we bfanak

we elly 3agbny aktar

ara2ak el siaseih

bas enta fieen men habs el sahafieen

FiLMaZiKa.CoM said...

khaled basha
di linc fih maqalat ebrahim 3isa ya reet tonshorha 3andak

http://www.filmazika.com/forums/index.php?showforum=104

el maqalat 3ebara 3an sewar ya reet tebos 3aliha


zai keda

http://www.filmazika.com/El-Destor/New/3arabia.jpg

yareet

عاليا حليم said...

الفيلم الى أنت بتصور فيه ده و حرمنا منك المدة دى كلها انا كرهته من قبل ما أشوفه

ياسر حسين said...

ده لنك لموضوع عنك يا خالد
يا ريت تبص عليه
http://cartoonya.blogspot.com/2007/11/blog-post_08.html

خالص تحياتي

p!nkcat said...

من وجهة نظري أن من كتب تلك الأكاذيب هو تعبير في الأساس عن رأيه الشخصي ولكي يبعد التهمه عنه نسبها إليك نظرا أن المعروف عن
خـــ الصاوي ــالد أنه صاحب الصوت العالي ويعبر عن رأيه بكل حريه وبدون أي نفاق ولكن الجريمه لم تكتمل !!فكتابته للمقاله وأسلوبها مختلفه تماما عن أسلوبك وطريقتك في التعبير
نعم أنك تعبر عن رأيك بكل صدق وبعيدا عن اي مجاملات ولكن بأسلوب راقي بعيدا عن التجريح

عموما حقولك معلش يا خالد .. واكيد جمهورك عارف انك لا يمكن يصدر منك اي شئ سئ

وعلى فكره مسلسل عمارة يعقوبيان هو فعلا مسلسل فاشل جدا !

imagine said...

سلام
أنت لي مابتكتبش خالص؟؟؟؟؟؟؟؟؟؟؟؟؟
فين البوستس الحلوينننننننننننننننن
ان شاء الله موفق
إسراء
سلاممم

نهى منير said...

استاذ خالد وحشتنا
أنا شفت لك بورتريه هايل فى مدونة الفنان ياسرحسين
وده اللنك بتاعها هو كان سايبه هنا
http://cartoonya.blogspot.com/2007/11/blog-post_08.html

وكمان عامل لك فيديو
متغيبش علينا كتير كده
بــاى

عمرو غريب said...

ندعوك لمشاهدة العدد الجديد من مجلة طراطيش كلام

http://trateeshkalam.blogspot.com/

حر فى وطن سجين said...

ماهو هوده الاهرام جرنال الحكومه العقيم
ماتخافش يا استاذ خالد معظم الناس بطلت تقراه فيكتبوا اللى يكتبوه مصير الاهرام وامثاله من الصحف الى صندوق القمومه

وينكى said...

فينك بقالك فتره غايب عننا يا نجم
عارفين ان التصوير واكل كل وقتك ..ربنا معاك ويوفقك
بس على الأقل طمنا عليك من وقت للتانى
مش كده ولا ايه؟؟
:)

The Groom said...


جيت أسلم عليك يا فنان بس وامشي

تحياتي من ماناساس البلد

ehab said...

السلام عليكم
ازيك يا استاذ خالد
انا سعيد انى عرفت مدونتك بالصدفه حضرتك ممثل محترم وموهوب فعلا
ولا تحزن لحوارات الاهرام فتلك مدمره وليست مؤسسه
انا كنت فيها وسيبتها معندهمش رحمه ولا اى شىء
شكرا لك