لو نقابتك فسدت فعملتم مؤتمر تطهير فحضر أهل الحي للتصويت حتقولهم ده شأن داخ

لو نقابتك فسدت فعملتم مؤتمر تطهير فحضر أهل الحي للتصويت حتقولهم ده شأن داخلي ولا حتزغرط وتضايفهم؟

احنا حنطهر ماسبيرو

اطردوا أنتم المارينز

عقلاء الخليج لموا العيال ال بتسب شعبي

عقلاء الخليج لموا العيال ال بتسب شعبي وتعايره بفلوسها وإلا حصدمهم بما خبيناه عنهم كصفعة عماد حمدي لحليم بالخطايا!

نحن حماة الإقليم

نحن بابا

المصري اخو المصري

المصري اخو المصري اللي حاسس به وهم الأغلبية

ولاد عمه أغلبية العرب المحرومين والمقهورين

حليفي قريبي

حليف عدوي عدوي

والسلبي يتقسم منابه ويهاجر

لبيك يا ماسبيرو

لبيك يا ماسبيرو

أنا ملح الأرض دي.. ابن البلد دي.. اللي قال بلدي وقت ما استعر الخسيس وصوصو: ياي بلدي!

انا ابن شعبي ده بجماله وعبله وانا اللي قلت الله عالشعبي وقت ما الخنافس ضيقوا بقهم وشاوروا عالحقيقي وعايروه بأنه "شعبي"!!

أنا بس اللي أبني وأهد وأحاسب وأصلح وأضرب وألاقي..

والغريب قاعد بأدبه.. شايله على راسي ومدورله "كلمة حق"..إنما..

يغلط في ابويا وجدي ألف له المصلحة في كيس بلاستك اسود والله الغني والارزاق على الله..

أنا ابن ماسبيرو المريض يا mbc

أنا ابن بلدي يا طال عمرك.. واحمد ربنا اني عديتلك قبل كده مهزلة "سرايا عابدين" وكم تلقيحة .. وبقولك اصح للي جاي ولو حبيت تنتقم من ابراهيم باشا ولا عبد الناصر حنقلب الفرح معزى.

أنا اللي وقعت نظامين في غمضتين عين .. شد حيلك انت بس واستصدر قانون يبيح للمرأة القيادة.. وكلها مية سنة وتعمل بعدها حاجة زي كفاية او تمرد.

آنست!

هات شيشة يا صمبو ورش قدام القهوة الجو زامت.

يا الله يا ولي الصابرين.. ما ترش مية ياض

محدش يعمل هاشتاج موت يا أكرم

محدش يعمل هاشتاج موت يا أكرم دي اول غلطة وباذن الله الاخيرة، والغلطة مش تحقير الغلط لكن تحقير غلط مصري ما يتمش برعاية الغريب

موتوا ابو حفيظة

أنا ماسبيرو بجلالة قدره وبعبله كمان

أنا ماسبيرو بجلالة قدره وبعبله كمان

أنا الأقدم في الحتة الضلما وانا الأسطى اللي علمت عيالي وعيال العرب والافارقة وبلاد تركب الافيال

خلفتي فيها برنسات ودكاترة وفيها المجرم والفسدان

أنا ماسبيرو ومرضان وحتعالج منه فيه..

لم دهبك يا طال عمرك .. مصر مش حتتفكك وتتباع .. ومش حيورثها قبل مالك الارض وما عليها الا ابن كمت.. ملح الارض.. الفلاح الفصيح

برنامجي كلمة حق

برنامجي كلمة حق مع mbc ساعد فقراء مصريين بفلوس سعودية اول مرة، المرة الجاية عاوز فلوس مصرية صرف وانا حبتدي بنفسي وبدعو القادرين من مصر بس

اللي يحبنا نمصره زي زايد وفيصل والجسمي ونانسي عجرم

اللي يحبنا نمصره زي زايد وفيصل والجسمي ونانسي عجرم

واللي يغلط في تاريخ عابدين وينسى فضل ماسبيرو عالعرب نعلم عليه مع الجزيرة وقنوات الاخوان

قاوم عشان تلقى السبب

قاوم عشان تلقى السبب

انك تعيش

وأنك تموت

وتلقى وشك عالأفيش

وتلقى صبرك فالجنين

وتلاقي شيء أنا ملقيتوش

ومن نوا تبقى جنينة

ومن هو..تملا البيوت

قاوم لأن مفيش فلوس

قاوم لأن مفيش فلوس

ولأنه فيه

عشان قوي وعشان هزيل

قاوم لأن لافيه عمل

ولافيه أمل ولا بدل

انت العليل وانت العصب

وانت البطل

وانت البديل

اضحك بقى

الفيروس تحالف مع المتوطن

الفيروس تحالف مع المتوطن من مرض وقهر وتخلف وفساد وطبقية!

اذن

نلتحم كعائلة كبرى

نثق بنفسنا وننتج العلاج

نوزعه بالعدل

ونربط عزيمة الفرد بالأمة

قاوم

قاوم

قاوم

لأنك تقدر، وحتقدر أكثر لما تجرب، وحتحبها لما تنجح المقاومة، وحترتفع، وحتلقى عون وبركة مع السعي مستحيل تلقاهم مع اليأس

قاوم

انت قوي

وبناء ع تويتة قبل دي:

وبناء ع تويتة قبل دي:

نصرنا على سي ممكن يبقى يقربنا لبعض لو قررنا العلاج ينتج بمصر،ويصل للكل، بالمجان للغالبية، وبدعم الدولة والقادرين👍معا

توضيح هام:

توضيح هام:

فيروس سي له كذا نوع جيني، كلهم منتشرين في كذا بلد ولكن:

فيه نوع اسمه (المصري) وده نتاج التفاعل مع أمراضنا المتوطنة

هي قضيتنا كلنا

اخوانك سيقتلهم اخوتي

اخوانك سيقتلهم اخوتي

وكما سحقنا الهكسوس والمغول وغيرهم سوف تبادون

بلدي مقبرة للغزاة

وأجسادنا مقابر بالملايين للعدو مرضا كان او قهرا

بالعزيمة

نصيحتي لكل مريض عن تجربة شاقة:

نصيحتي لكل مريض عن تجربة شاقة:

اوع تخسر المعركة باليأس

الروح المعنوية الثقة التفاؤل الإيمان الشجاعةوالكبرياء،

ثم التدريب البدني

ثم العلاج👍💪🏼

تخيلتني حمرمط الفيروس

تخيلتني حمرمط الفيروس بعد موته لكن لقيت ان كان عنده هدف وخطة وعنده عيال وبرضه عِشرة😊فاكتفيت بدفنه وكتبت عالشاهد:

كان خصم عنيد

كان فيه وخلص😎

غزوت كبدي

غزوت كبدي فتقاتلنا باستماتة ١٠ سنين

وأخيرا وفقني الرحمن فأجهزت عليك ومعي دعاء أحبتي

فيروس سي! ارحل😊

يا رب اشف الكل

شكرا لأطباء بلدي

ولدعائكم

قاوم وبس

قاوم وبس

قاوم عشان سبب غريب ماتعرفوش

لكن تحسه

وهدف لذيذ ماتصدقوش

لكن تحبه

قاوم لأنك حد حلو

قاوم تحية للفرح

وللدي الجي

ولميكس حلو

مابنسمعوش

الحرية حلوة وغندورة

الحرية حلوة وغندورة وقعدتها حلوة وخطابها كثير غير المريدين على اختلافاتهم

إنما العدالة يا حول الله يتيمة وعاجزة ومنكسرة

يلزمها سيف

معي عهد وبوصلة

معي عهد وبوصلة وقلم وسيف وحتة من توب قديم وخطة وخريطة ومهام وأتر ولفة حرير فيها كلام رباني

وكرباج اجلدبه الديب جوايا

ومفتاحين للعقل

أو للوحش

اللي بيشكك في نية القوي المناصر للضعيف

اللي بيشكك في نية القوي المناصر للضعيف لمجرد انه قوي، مش بيثبت الا انه هو شخصيا لو حصل وبقى قوي.. مش حيعبر الضعيف.

(كل إناء ينضح بما فيه)

هناك حيث الجانب الخفي من القمر

هناك

حيث الجانب الخفي من القمر

ومثلث برمودا يترصدْ

وقارة غارقة في مياه السنين

وبحر رمال ناعمة يتمددْ

وغابة خانقة ذات شجر متوحشْ

وكائنات تُحَسُّ لا تُرىٓ

ووجع مزمن ينخر في الوجود

هناك حيث الخط الفاصل بين الساعتين

حيث الميت من حي.. والنبع من حجر

مع تلاطم الحلال بالمحرم

وتصادم القبح بالجمال

وفحيح الصمت في صدى الكتمان

قبل انفراج الطلق

وبعد احتراق الأثر

هناك

بين دفء عابر وجليد يمر

بين نصل قاطع وظل جثة

قرب ماء طهور يتحفز..

ودم يصب في دنس

هناك أكون

إذا شئت أن ترى ما رأيت

فاتبع النجم الذي تشك فيه

واستمع للذي لم يقله أحد

وصاحب الذهاب والإياب كالإبل

تجاوز السؤال والجواب كالصقور

اسحب سلاحك المجهول من كتابك الغامض

تأمل المبهم في الخلايا

واقرأ المطموس بين السطور

حصان من نار

حصان من نار

بلون بمبي

وشعر فانوس

ركبته طار

وخلاني أشوف من فوق

وسابني طاووس

وِلِع قلبي من الشهوة

أبوس إيدك هاتيني للحياة مرة

وخليني اشوف تاني

لا يريدونك ان تزرع القمح

لا يريدونك ان تزرع القمح

لذا ستزرعه

لا يريدونك مسلحا

لذا ستتسلح

لا يريدونك مستقلا عادلا بين ابنائك

لذا

ستنتزع الماء والطاقة

وتضبط الإيقاع💪🏿

أناالحفيد جئت من عبث ونشأت في خلل

أناالحفيد جئت من عبث ونشأت في خلل

ذاكرتي مفقودة

ميراثي منهوب

آبائي مطموسون بعدمااستلبوا

سيف جدي خبيئة

على حافةالحياةوالموت أمشي

وأقول مالدي

من هذا الهامش

من هذا الهامش

من أعلى لحظات الضعف

يزحف شعري

جيشاً من نمل في عرش الأمس

من هذا الهمس

تتولد إيقاعات الزمن القادم

من هذا الركن الناعم

أشحذ نصل السيف

وأبايع نفسي

مااتخدعتش عشان غبي

مااتخدعتش عشان غبي او بتحب العبودية

مااتنهبتش عشان ميئوس منك

ولا اتقمعت عشان تستحق الذل

انت بس بلا خبرة

بس انت حجر من هرم محترم

وعالاصل دور

من هنا ورايح مش ححط طاقتي في تبريري

من هنا ورايح مش ححط طاقتي في تبريري، شوفني كما تحس بقلبك وعقلك وضميرك، شغلي اهه، كلامي اهه، مواقفي أهي، واحنا في عصر التوثيق صورة وصوت

وشكرا

والله ما ذل ذو حق

والله ما ذل ذو حق ولو أطبق العالم عليه.. ولا عز ذو باطل ولو طلع من جبينه القمر.

حكمة عربية

تصبحون على خير وسعادة ورضا،أبعد الله عنكم كل حقود

أماالعيل يعمل حكيم

أماالعيل يعمل حكيم والمهاجر يعمل لاجيءوالواطي يعمل اعلامي والفاضي يعمل كتاب والخسيس يعمل بطل والبطل يعمل بلطجي والبلطجي يعمل عبيط

علم عليهم

لما الإرهابي يعمل ضحية

لما الإرهابي يعمل ضحية والمستبد يعمل مصلح والمصلحجي يعمل مصدقهم والمستعمر يعمل متعاطف والصايع يعمل ثورجي

اعمل انت الصح واقلب الصفحة عالكل💪🏿

فده عاوز يسحبك وراه أو يتهمك بالكفر

فده عاوز يسحبك وراه أو يتهمك بالكفر

وده يسحبك او تبقى مش وطني

وده يجرك للتحرر وده يزقك لمنحدر الصعود او منزلق الأمركة

وكل دول بيهتفوا حرية😂😅

خالد!سمعت الندا

خالد!سمعت الندا وانا لسه في العشرين

خضت الشباب معركة مصروفلي فيه دراعين

الله على حكمتك!وانا آجي فيها فين؟

حوشتلي برحمتك أحلى الحاجات..بعدين

كنّا سنة ٦٩

كنّا سنة ٦٩ ونكسة واستنزاف وبلدنا عالترعة بتغسل شعرها الخ

طب ازاي حتاخده يحارب ولما يروح لو روح ترميه في قبو؟؟

بس

كنت ابن ٦

كنت ابن ٦
لعبنا عند بيت جدي وعالمغرب مروحين من نفس الباب
عالسلم شفت قبو لامم ولاد البوابين! اندهشت!
صحابي ليه؟
ابدا ده بيتهم!

فوقع النظام

استثمارا للغزالة الرايقة

استثمارا للغزالة الرايقة ومن قلبي بنصح أي حد بيكرهني وبلا سب اهه:

انا بطلع أعلن رأيي ومش بطول الا لما تستفزني فبلم الخلق عليك

ما تطنشني😆

وشك

تحيا الأماني

تحيا الأماني

تحيا القوة

تحيا الحياة

الصاوي اتجنن😂 معلش أصلي بقالي ساعة بتخانق مع أصوات الاحباط واشباح الهزيمة وظلال الخوف

وحسمتها

وبحبكم😋

من حقك تحلم بسلمية

من حقك تحلم بسلمية سلمية لحد ما تصحى على ضربك من كذا جهة كلهم مسلحين، بس انا لا، وحاخد اخوك وابنك في صف القوة، وحنلوش لحد ما ننتزع حق عيالنا

انا بعلن خروجي من المصطلحات القديمة المنعزلة

انا بعلن خروجي من المصطلحات القديمة المنعزلة

انا عاوز حاجتين سوا كوجهي عملة فعلا:

استقلال وطني/عدل اجتماعي

دي معركة مع برة ودي مع دلاديل برة

الست شهوة سعيد شبق

الست شهوة سعيد شبق

جوة القفص متكلبشة

في وشها كحل وعتب

واحمر ومحن وجوع وفرحة

وتحتهم مطمور خزين

ذل وغضب

متحوشين

راقات راقات

وجع السنين اللي انقضت

بين المطاردة والمناطحة

واقفين لها بالرشاشات متوترين

فرق المكافحة

وعلى اللاسلكي القناصين

بيخلوا سكان السطوح

والكل يشخط في العيال

والغية بتهش الحمام

ويطير ورا السرب الغسيل

وكله تحت السيطرة

والسيطرة فوق الجميع

قصة حياة

قصة حياة

فاكر زمان

فرح غريب وضرب نار مليان وفطش

كان قبلها موسم قلق ماوعاش عليه

ولو وعيت مافهمش

كان كله سايح

وكنت حاسس بالخطر

بين الصدى والصمت صوت لكنه رايح

وكل يوم تطلع لفايف شوك

وكل ساعة يموت شجر

الموت يعدي عالحياة يرمي السلام

ساعات ترد وتتقي شره البعيد

وساعات ترد الباب في وشه بدون كلام

وساعات تقابله بحضنها الدافي الوسيد

زي الوسادة النائمة حلمانة بيه

واستنته زي العروسة وأهلها عند المزين

تعبت يا روحي وغفلت صحيت عليه

فض الفرح وفضها ولابس حنيّن!

صباحية ضرب وسب ملة في الإعادة

شامم طبيخها كأنه شاكك سممتله

وكل ما احتملت تمادى!

وصحينا يوم عالموت بينزف

كان مستهين بيها عشان سكتتله

خد ديله بين رجليه وقلع واحنا نضحك

من يومها صار للحلوة دار

وهو غار!

حبة زعل

حبة زعل

أخد القفا من فوق ما بصش

لكن زعل

وزعلته كبرت عليه

وعالمبرر اللي قاله بطرف مخه

وعن السبب وان كان غموضه ريحه

وعن المساحة الفاضية بينه وبينه

والهيكل المقلوب في حادثة من زمان

مرمي على ناصية ضميره

لا زعل!

هو كواحد كان لا له ولا كان عليه

هو كواخد كف سُقع

غلي ما فارش على الشبح

كتم في قلبه (قلبه قال) كتم في عبه

في كوز صفيح بيملا منه طمع وذل

وبعد ساعة اثنين ثلاثة كتم كتم

بيسخن الكوز المصدي ويحرقه

يرشه عالبيت والعيال

وأم العيال تاخد قفا

يسب مية ملة لحظه ولزمانه

ويخش أوضته وقبله داخلة البرطمة

يرمي على والديه السبب

مش كان زمانه؟!

يحس حد بيسمعه منهم

مع انهم مالمرحومين

يكتم يكاد يزرق يرزع بابه خايف

ويخاف ليعرف أهل بيته السر من ثلاثين سنة

خوفه من الأبواب ومالاقفال ومالضلمة ومن أمه وابوه

وخوفه لو ياخد قفا

يبص له!

لو مت فورا فعالاقل ميت صريح

لو مت فورا فعالاقل ميت صريح ورأيي من قلبي ولوعملت من جثتي المعيوبة طريق للي نفسهم يمشوا بلا عيوب حطمن

وسايب كلام مش عظيم بس يوجع، مر بس حر.

ارتكبت في نص قرن طن أخطا

ارتكبت في نص قرن طن أخطاء، بس ما قطعتش الوصلة مع الحق والخير والجمال، أغلط واعترف واعتذر، ثم اصلح، ثم أغلط
المهم أكون مقتنع مش مسحوب في قطيع