Thursday, October 12, 2006

سأعرف

سأعرف حين تكلمينه مرة أخرى
صدقيني سأعرف
ستومض لحظتها اللمبة الحمراء داخلي
في قاعي الدامس السحيق
سأشعر أنهم غافلوني في الجراحة
وانتزعوا كبدي بدل اللوزتين
سأشعر أنني يتيمٌ يأكل ميراثه زوج أمه
كأنني شعب فقير خانه الملوك والملاك
ومنظمة الأمم المتحدة
عندها سأوقن أنك اتصلت به
ولحظتها
أختفي
للأبد

20 comments:

الخبز و الحرية said...

لا ده انا بس بحذرها يا رنا:)وانا عارف انها حلوة وبتسمع الكلام :)

albida said...

عاجبنى جدا الاحساس بالخيانة اللى بيغلف القصيدة... لكن (منظمة الأمم المتحدة) كلمة ثقيلة قوى على جو القصيدة.. مش قادرة ابلعها

:)

abeermedhat said...

حلوه قوي يا خالد .. بس ماكنتش فاكره ان الرجاله كمان عندهم لمبه حمرا ..

الخبز و الحرية said...

والله يا البيدا ملقيتش اوسخ من كده خيانة كما رأينا جميعا في حرب لبنان
لا يا بيرا الرجالة برضه بني آدمين وبيحسوا:)

karakib said...

كلمات تقطر الما ... ما اصعب انتظار البلاء و توقع حدوثه المتكرر ...
معقول ممكن الحب يسامح للدرجه اللي يكون متوقع فيها الخيانه مره اخري و يظل يحب ... لن الومك علي شعورك المؤلم هذا فالنبل دائما ما تتبعه جوائز السماء و القلب المحب لا يستطيع ان يكره ... فقط يلقي بظلاله علي من يحبهم ليحميهم من كل ما يتحمله هو ...
كده يبقي انا خدت من عندك حاجتين شلتهم عندي عالكمبيوتر بعد اذنك يعني
الاولي هي اجابات متأخره ...
و التانيه هي دي ...
بيعجبني الفنان الليي عنده عمق زيك...
انتوك

الخبز و الحرية said...

خدي اللي انتي عاوزاه يا انتوك بس حطي اسمي عليه:)

Anonymous said...

تحفة حقيقى

Anonymous said...

السلام عليكم

اولا يهنيك على كدونتك دى يا استاذ خالد

وثانيا منعرفش انكموهوب فى الشعر كده اضافة الى تمثيلك الرائع

الخبز و الحرية said...

شكرا كازانوفا..

Anonymous said...

eshme3na ya3ny shakart cazanova we mashakarteneesh? ana za3lana :)

Anonymous said...

hi khaled
u r much greater than to wait for her till she commits something wrong then u start to disappear from her life, if she is not faithful from the begining, dont waste ur time on her.
ta7eyati

Anonymous said...

The poem is written in a very modern way. i'm really impressed.

الخبز و الحرية said...

اولا بعتذر لأنتوك عشان كلمته خطأً بصيغة المؤنث:)
الف شكر رجازة وحقك عليا.. واحد لمون هنا للآنسة:)

احسن يعرف طبعا يا ابية لكن انا هنا بتكلم عن مجرد انها كلمته يعني ممكن اكون انا اللي غيار زيادة:)
متشكر يا انونيموس :)
شكرا مريم:)

Anonymous said...

حلو قوى احساس : اللمبه الحمرا
التحذير
كل شىء متعلق على شعره, أو على خطوه واحده
الفرصه الأخيره
القصيده دى صادقه قوى

nour said...

ايه ده يا استاذ خالد..حلوة اوى دى..مؤثرة و جايه على الجرح:(

Anonymous said...

قصيدة جميلة تعبر عن حالة من الغيرة الممزوجة بالشك وإن كانت الاولى تزكي نار الحب بينما الاخير يخمدها. وما أعجبني أكثر هو تعبيرها عن مدى إحساس المحبين ببعضهم البعض. فعندما نحب شخصا ما نشعر بأقل تغيير يطرأ عليه حتى دون أن يتكلم أو يفصح عما بداخله.


وانتزعوا كبدي بدل اللوزتين

لماذا لم تقل "قلبي" مثلا فما كنت لتخل بالوزن كما أنه لا حياة للانسان بدون الكبد وكذلك بدون القلب.

أنا مش بعدل عليك لان البيت عاجبني زي ما هو كده لكن كنت بسأل بس. فهل أنت من الشعراء الذين يراجعون قصائدهم بعد كتابتها فينقحون ويحذفون ويستبدلون أم أنك تكتب ما يرد إلى خاطرك دون مراجعة.

الخبز و الحرية said...

شكرا للجميع اولا
رنا انا مش مأزق خالص انا التقطت لحظة وسجلتها لكن لو عندي ذرة شك فسوف أعطيها الكارت الأحمر حتى من غير أن أبحث عن الحقيقة لأنه لا شك من فراغ وان كل ما يتلو الشك من مقاومة له هو عدم انصات لما التقطته الغريزة الخفية ..طبعا كل ده بشرط انه مايكونش النفر مننا بارانويا ومحتاج علاج:)
سالي بصي انا لامح فيكي حساسية حلوة للتحليل الشعري.. بلاش تشوشي عليه بأسئلة من النوع ده اولا لأن الشعراء كدابين ومش حيقولولك قالوا ايه ليه وكده:) وثانيا لأنه سؤال مستحيل من زاويتين الاولى انه هذا هو ما كتب فعلا وهذا هو النص الذي يوجد امامنا ونريد تشريحه وثانيا لأن البدائل دائما متعددة والفن في النهاية اختيار..هو اختار يقول كذا بالطريقة الفلانية..عمل ده ازاييييي؟ ده السؤال. طبعا بقولك كده من منطلق اعجابي بموهبتك في النقد زي ما فيه مثلا حفصة كمان عندها حساسية قوية للتحليل الشعري.. ومنال عندها حاسة نقد مسرحي قوية.. وناس مننا بتكتب تعبيرات مميزة..يعني انا والله فخور بيكم يا اولادي:):)
واخيرا اه انا برجع للي كتبته وانقح فيه لكن متى عرضته مابجيش جنبه ثاني..بعتبره مابقاش حقي خلاص..هو كده ولازم افكر في اللي بعده بقى

albida said...

تعرفوا يا جماعة ان عباس محمود العقاد قال ان المرأة لو جميلة تبقى مش وفية, و لو وفية تبقى مش جميلة! مش عارفةأديب كبير زى العقاد قال الرأى ده ازاى؟
و الله أحيانا المرأة بتكون لا جميلة ولا وفية :)... و فى الاخر الجمال هو جمال الروح لان هو ده اللى بينعكس على الانسان فى مظهره الخارجى

manal

albida said...

شكرا يا أستاذ خالد على الكلام الجميل ده.. حضرتك على طول كده رافع من معنوياتنا! مع ان المفروض احنا اللى نشكر حضرتك على القعدة الجميلة دى اللى بنقعدها فى البلوج

:):)
manal

الخبز و الحرية said...

العفو يا منال انا مقتنع بكده.. العقاد حر في رأيه الرجعي ده واحنا احرار في نقده:) ثم ان اكبر ما يقود للخطأ هو التعميم.مفيش حاجة اسمها الرجل كذا والمرأة كذا فيه نسبية دايما في كل حاجة ده رأيي.