Wednesday, October 18, 2006

قسوة

تهاجمينني الآن لأني أكتب القسوة
فأين كنت حينما كهربوا أشعاري؟
تنفرين من وحشيتي .. من كرامتي المطعونة
كأنك قاضٍ مرتشٍ لا ينصت إلا لخصومي

تصنعين في رأسك التافه نموذجا مُعَلَّبا
تصنعين هيكلا من مكعبات الأطفال
تريدين أن تحشريني في رخاوة مخك
كأنني أخط عمري في رمال ناعمة

أخطائي جميعهن هن أخطائي أنا
وأنا وحدي الذي سأدفع الحساب
تلوحين لي بعذريتك المملة القاحلة
بينما ندمي صوفيٌّ .. وعذاباتي سرية

تسطحين حياتي تملأينها غثاء
لا لم أكن في ضلال .. لا لم أكن مسكينا
اخترت دربي وقادتني خيالاتي
فلا تخصيني في أحلامي حبا وكرامة

لأنك قاسية تركزين في جراحي
لأنك مذنبة ترتبين إعدامي
تنهرينني بالخطيئة كونك تحلمين بها
لا لأنك ترشدينني للصراط المستقيم

9 comments:

albida said...

القصيدة دى بتفكرنى ب "مؤكد هناك من"... تقريبا منبعثة من نفس الجرح, مش كده برضه؟

الجزء الأخير أكثر من رائع, فهو يعكس عقدة النقص لدى الأنسان أو الحبيب و تأثير خيانته (أو عيوبه) على أفعاله.. فهو يحاول ابعاد صفاته السيئة عن طريق الصاقها بالاخرين

يعنى ايه "كهربوا أشعارى"؟ اصلى مستغربة التعبير شوية

manal

Anonymous said...

I really lack the right words to describe this poem.
Very realistic. explains one of the most important problems that may encounter a relationship, which is judement. When you start judging a person that means you don't care no more and there's a big difference between judement and advising. As Rana said advising is always good intended but judging your beloved ones is the worst thing you can ever do. We should start judging ourselves before thinking of judging others.
it's a lovely poem Mr. Khaled.Thank you

Anonymous said...

وياتري القسوة اللي هي متهمه بيها ممكن تكون نتيجة إيه؟ ... هل هو حساب لمجرد الخطيئة .. ولا هو حب وخوف.
وياتري الواحد لما يقسي ويبعد تفتكر مش بيتعذب؟؟ ... مع إن ملامه شخص بتبقى تأثيرها أقوي من اللوم نفسه .

^ H@fSS@^ said...

انا مش عارفة اعلق علي ايه ولا ايه
حابتدي من الاول

رخاوة مخك "
يعني انت تحب صديقتك يكون مخها ناشف و عنيدة؟؟
اول مرة اسمع راجل بيقول كده
اشكرك و اهنيك و احترامي ليك بقي فوق الوصف

كأنني اخط عمري في رمال ناعمة"
واحسرتاه
حضرتك ضربت جرح لسه بيوجعني انا شخصيا للان
صورة معبرة و حقيقية

اما اخر اربع ابيات فهما غير قابلين للوصف
لكن اقول ان فيهم فكرة زي اللي جت في ولدي"
الخطيئة الجاني و المجني عليه
و مافيش حد احسن من حد

بالذات اخر بيتين كانوا اكتر من روعة
مش هو ده اللي بيعملوه فينا المشايخ و غيرهم
طول النهار في التلفزيون و هاتك يا رغي و المثل بيقول
الزن عالودان امر من السحر
بالنسبة لهم كله حاجة عملناها حرام
و كل حاجة قالوا عليها تبقي مفتاح الجنة
قال يعني
تحياتي

الخبز و الحرية said...

نا بالنسبة لي العقاب بالصعق الكهربي دي شيء شيطاني وفظيع يا منال.
رنا هو انت ليه كل تعليقاتك خارجة من الكتاب كده:)؟ يعني استخدام "لازم" و"المفروض" بالطريقة دي -سواء في تعليقك ده او في غيره- بتحسسني اني بسمع قول المنطق ولكني لا ارى قائله لا ارى ضعفه الانساني زينا كلنا:)
والله يا مريم رأيي انه برضه منقدرش ما نحكمش على بعض خالص.. فيه مباديء لكل واحد لو التاني كسرها بيحكم عليه الاول على طول غصب عنه.
القسوة يا انونيموس في اللي انا كاتبه حاجة نسبية مش حنخرج منها بقوانين.. تسجيل لحظة.. "انت بتتهميني بكذا وكذا مع انك مليانة بكذا وكذا".. يعني:)
حفصة مش بحب رخاوة المخ بس كمان بكره العند جدا عشان بس ابقى صريح:)

Anonymous said...

وياتري قصيدة قسوة برضه من أعمالك القديمة؟؟ ... وياتري ليها قصة ولا من وحى الخيال.

الخبز و الحرية said...

رنا انا بعتذرلك الظاهر ان تعليقي وصلك غلط، من فضلك ماتفهمينيش غلط.
اه يا انونيموس قديمة نسبيا، واللي حصل هو اللي مكتوب.. بلاش حداقة:)

Anonymous said...

نظرية الاسقاط فى علم النفس
هى دى أول حاجه خطرت على بالى
القسوه والخيانه وكل المشاعر المعذبه دى
حاجات تفوق الوصف
أكيد أنا مش بحب أحس بالألم البادى فى عيون انسان
لكن انا سعيده ان انفعالاتك صاغت كل المعانى العبقرية دى

SisSiwar said...

دهشت يا سيدي...........أنت جعلتني أغوص في بحارٍ ملطخة بدماء الألم قد أكون بالغت ولكني شعرت بحزن إخترق شاشة الكمبيوتر. كنتأتصور أن المرأة وحدها قادرة على أن تجعل للعذاب روح. سيدي أدرك لماذا أنت ناجح في أدوارك. سيدي لديك أمانة إرعاهارجاءًا "ريشتك".سوار