Tuesday, October 03, 2006

نادرة لحظات الأمان
فردوس مؤقت مراوغ
بطل من رما ل ..
ملحمة من دخان !

26 comments:

zordeak said...

أولا مرحبا بيك فى عالم التدوين
بجد شرفت .., ثانيا انا اتشرفت انى بعلق عليك دلوقتى لانك حد بحبه وبحترمه

ثانيا انا كنت سمعت عن ثقافتك وعن حريتك واحترمت ده جدا فيك وبجد فرحت لما عرفت بالمدونة دى .., كده بقينا مدونين زمل .., وهعرفك من جوه اكتر

ثالثا ..
نادرة لحظات الأمان
فردوس مؤقت مراوغ
بطل من رما ل ..
ملحمة من دخان..

اتمنى حينما اعيش لحظة من تلك اللحظات النادرة فى هذه البلد الحبيبة .., ان اغوص فيها الى الاعماق .., ان اتخيلها دهر كامل .., ان اتذوقها بحرص خوفا ان يضيع طعمها الحبيب من فمى ..
اعتبرنى ضيفا دائما على مدونتك .., احجزلى اوضتين باصين عالبحر .., الجو عاجبنى هنا ..

Gemyhood said...

بالراحة شويه على التدوينات يا خلود علشان الناس تلحق تقرى و تعلق عليهم

يعنى ركز مجهودك كل مدة كدة يا جميل

انت على طول ثورى كدة و لا ايه حتى فى التدوين

الخبز و الحرية said...

يا زورديك انت منور المدونة.. اقعد للسحور بقى:)
مفيش وقت يا جيمي احنا جيل بيتخطف بدري بدري وانا ما صدقت لقيت منفذ ده انا تعباااااااااااااان:)بس انا بفكر انظم الموضوع بشكل اسبوعي

أحمــــــــدبــــــــــلال said...

أحترم كلماتك للغاية و بالنسبة لموضوع العنف اللى أتكلمنا عنه قبل كده أنا موافق على كلامك بس طبيعتى بترفض العنف سواء منى أو ضدى

لا أعرف لماذا؟.

على فكرة أنتاجك غزير للغاية ماشاء الله
براحة كده علشان نقدر نتابع الروائع المكتوبة


تحياتى


ملحوظة
أنا موافق على الموضوع الاسبوعى ده
ياريت

zordeak said...

انا موافق على موضوع السحور ده

:D

كل سنة وانت طيب

الخبز و الحرية said...

ده انتاج سنوات يا صديقي والله:)

مفلس افندى الرايق said...

هو علشان ما تتعبش الصح تعمل كل اسبوع موضوع علشان ناس كتير تقراه وكمان تدى نفسك فرصه تكتب براحتك


نادرة لحظات الأمان

لم اعد ارى للحلم مكان

اصبحت مجرد انسان

كتلة من الهزيان

انهار وتهدم اضلعى

ويبنى معبد للطغيان

اقتل او اذبح سيان

ما عاد وجودى يعنينى

موتى بكرامه يكفينى

سيفى اقبضه بيمينى

ودمى مختلطا بجبينى

فانا انسان تكوينى

عربيا ارفض ان احيا جبان


تحياتى

Nohaz said...
This comment has been removed by a blog administrator.
Muhammad Aladdin said...

تقابلنا مرتين في ميريت بحكم توقيعي علي البيان التأسيسي لأدباء و فنانين، و لكنني غالبا كنت اكتفي بالصمت
احب فقط أن اقول لك أنني شاهدت مسرحيتك بالهناجر (لا اذكر الاسم حقيقة الآن)و ضحكت كثيرًا و لكنني شعرت بغير قليل من الحنق: لماذا ننتقد امريكا اكثر من الحكام الفسده؟ افهم ضرورات الرقابة و المكسب المنتزع، و لكنني مازلت اشعر بهذا كلما رأيت عملا فنيا بهذا المنحى، الذي يذكرني بنكتة سب ريجان امام الكريملن الشهيرة، و لهذا سعدت جدا بنشاطك مع ادباء و فنانين لأنه عادل ما انتقدت، و ارجو أن تتغير الظروف حتي تقدم عملا فنيا صريحا بلا رقابة.. في يوم ما
تحياتي و تهنئتي علي مستواك الراقي في تمثيل دور حاتم رشيد

أُكتب بالرصاص said...

اهنيك مرة اخرى

لان كلماتك الموجزة كالطلقات الموخزة

اتمنى ان نقرأ لك المزيد من الخواطر

ويسعدنا وجود فنان محترم في عالم المدونات

كل تحياتي واحترامي

Adel said...

جميلة تلك اللحظات لو تمكنا من ان نعيشها تحياتي يابوخلود وبجد انا فرحان انك انضميت لعالم الرحابة والفضفضة ولو اني عارف انك ثورجي بس معلش هدي اللعب شوية

أم أحمد said...

طبعأ انا سعيدة بيك بس عارف مش قادرة امنع نفسي من حلم يراودني
نفسي رئيسنا الغالي أدام الله عزه يعمل مدونة وندخل نشتكيله بنفسنا بدل الأسوار اللي بيننا وبينه
مش بتحلم بكدة برضه ؟
ولا هي إيران أحسن مننا رئيسهم عامل مدونة يابختهم بيه

Diyaa' said...

بحب أنا الاسقاطات دي
استمر يا استاذ خالد بس أهم حاجة تكون أنت قادر تقرا تعليقات الناس يوميا لأنها هتزيد مع الوقت و هتحتاجلك لسكرتيرة
كل سنة و أنت طيب و يا رب رمضان الجاي مصر تكون أحسن

الخبز و الحرية said...

انا قد اختفي يومين في التصوير
اولا كل كلمة حلوة سمعتها هنا بتديني دفعة قوية لمواجهة اليوم العصيب ايا ما كان.
ثانيا اقول واكرر ان الأرزاق على الله حتى لو كان سلومة الأقرع مابيرحمش..
وثالثا شكرا لنهاز على سعة صدرها بجد
واخيرا حيوحشني الجميع.. حروح أنجز اليومين دول وآجي هوا:)
تحياتي للجميع
آخر حاجة.. أنا كائن نملاوي شوية (نسبة للنمل) وده معناه اني باخد وقت ابن لذينا عشان انفذ اي حاجة.. ولازم اعملها في صيغة طابور.. الأول أدون حاجات كثير ثم أركز في التفاعل الأعمق من خلال تصفحي مدونات من كسبت من أصدقاء ثم أنظم التدوين.. يعني وسواس قهري بعيد عن السامعين.. محدش يزعل مني لأني مهتم بكل رأي وكل تعليق حتى لو اتأخرت في الرد ومهتم كمان اشوف دماغ الجميع.. وانا بتقبل النقد والله يا نهاز وبجد ماكنتش قصدي اني اتسبب في شبورة عابرة..
صباح الفل جميعا..
الى الكفااااااااااااااااح (أصلي حصور في مصنع وده بيبقى يوم أجارك الله عشان بس اللي فاكر التصوير كله روشنة:)
سلام

karakib said...

حد ضامن يمشي أمن او مأمن يمشي فين

karakib said...

يعني ايه تداعي حر للافكار ؟؟
انتوك

Haitham said...

أبطال رمال .. وملاحم دخان
دا بالظبط واقعنا انهارده .. عارف احنا محتاجين ايه
محتاجين زى ماقال عم الشيخ إمام : ناقصين مؤذن وخليفة

اهلا بيك يافنان ياكبير

هيا بنا نوقف قطار التوريث

sarah la tulipe rose said...

فعلا لحظات الامان نادرة بشكل يتعب القلب و يعيشنا في حالة رعب بس للاسف اصبحنا ندمن و نستعذب حالة الخوف دي نوع من انواع جلد الذات و الماسوشية الشعب المصري محتاج معالجة نفسية ملحة من جراء اللي حصله علي ايدين حكامه
لحظة الامان كمان ساعات زي سراب و اللي بيدور عليها زي دون كيشوت مش حيهحارب الا الطواحين
رمضان كريم يا فندم

أحمــــــــدبــــــــــلال said...

عازمك على عيد ميلادى فى البلوج بتاعى
يوم5أكتوبر

ياريت تيجى أهوه يبقى حضر عيد ميلادى فنان مشهور

Mustafa Mattar said...

يابن الاييه يا خالد..ماشاء الله أنا ماكنتش أتخيل انك جامد قوي كده...فنان متعدد ماشاء الله ..استمرررر
مصطفى مطر

kalam said...

منور التدوين يا فنان
احلي حاجه حصلتلي النهارده اني لقيت مدونتك
:)

Gemyhood said...

خولد

تعبان ليه بس دة انا بقرالك فى الحوار المتدمن من سنة يا راجل و كتاباتك مالية الدنيا

سيبك سيبك بزمتك مش التدوين اجدع من التمثيل

warDaya said...

هههههههههههههههههه
حلوه حكاية التدوين احلى من التمثيل...
مش يمكن بردو؟
بس بردو ممكن التمثيل يبقى حاجه تانيه...
الاستاذ خالد بس هو اللي يقدر يقول..لأننا ماجربناش التمثيل..
ومن ذاق عرف..

مش كده ولا ايه؟هههههه
بس بجد اعتقد ان اي حاجه في الدنيا لما بتبقى متعبه والواحد بيعملها بممجهود وحب ..بتبقى من الذ الحاجات اللي ممكن يعملها...
لأن اللي بيعمل حاجه وهو حاببها بس مش بيعمل مجهود اكيد مش هايحس بالانتاج ومش هايحس انه بيعمل حاجه..

ايه الرغي ده كله..
اوووف انا جايه عشان اصدع انلاس ولا ايه..


عموما...كتاباتك رائعه جدا مش لاقيه وصف ليها اكتر من كده...في حاجات عجبتني..وبيبقى نفسي اعلق تعليق وفي..يعني افصص كل حاجه بس مش عارفه ليه بخاف..يمكن لما بحس ان في ناس اكبر مني بكتير اقول خليني ساكته احسن..]عني هاقول ايه زياده..

طيب طيب ماتحدفوش..انا هامشي اهو:)))))
سلااااام ولي عودة طبعا

الخبز و الحرية said...

مساء الفل جميعا
يا جماعة والله انتو بتنوروا البلوج..
ازاي اخلي اي حد يعلق منفضلكم عشان حد قالي اني قصرت التعليق على البلوجرز؟ معلش من محدثي البلوجز:)

الخبز و الحرية said...

معلش انا من محدثي البلوجز

warDaya said...

ياااه بعد ماكتبت شرح طويل عريض..لاقيت ان الموضوع اتصلح واهو باين هنا ان حضرتك ظبطتها..
في حد سبقني:))
مش مشكله..المهم ان حضرتك عرفتها:)